PETER SILBERIE TA BIRA DIPUTADO PA FRAKSHON VROLIJK

Kralendijk,- Kandidato pa diputado pa Frakshon Vrolijk Despues ku dos funshon di diputado a bira vakante, Frakshon Vrolijk a tuma e desishon ku e tambe merese tin su mes kandidato.

Pa skohe esaki Frakshon Vrolijk a hasi un rekorido i informashon hopi amplio i intenso pa asina logra di haña e persona korekto pa e posishon di diputado.

Pa ku e eskoho aki Konsehal Vrolijk ta konsiente ku e persona ku e ta bai skohe, no por ta un persona ku no ta konosé e aparato gubernamental i ku no tin eksperiensia poltiko.

Den e kaso aki Frakshon Vrolijk ke un persona ku tin eksperensia di e aparato gubernamental i den arena politiko. Ademas e persona mester ta di konfiansa i intachabel. Despues di a konsultá ku hopi hende den arena politiko a sali e nòmber di señor Peter Silberie.

Señor Silberie a funshoná den kasi tur puesto politiko. E tabata miembro di Staten i tambe vise presidente di Staten di Antias Hulandes, Diputado, Miembro di Konseho Insular, Konsehero di Frakshon di Staten, Konsehero di Frakshon di Konseho Insular, Gezaghèber interino i te ku resien Direktor di Indebon.

Esaki ta pone ku señor Silberie ta e kanditado perfekto i ideal pa Frakshon Vrolijk i despues di a kombersá ku ne den ekstenso pa aksepta e funshon komo diputado pa ku dia 14 Ougùstùs 2025. Frakshon Vrolijk no tin duda ku señor Silberie lo bai ehekutá e funshon di diputado manera debe ser i lográ e meta nan ku tin nos dilanti ainda pa Boneiru pa e temoprada ku a resta.

Frakshon Vrolijk tin sigur ku e kanditatura di señor Peter Silberie lo haña e akohida nesesario pa kuminsa di e koalishon aktual i tambe di e pueblo Boneriano, pa traha na bienestar di Boneiru.

Pasobra esaki ta meta di Frakshon Vrolijk. Un bon porvenir pa pueblo Boneriano den su totalidat. Frakshon Vrolijk ta desea señor Silberie tur klase di exito den su funkshon komo diputado.

FUENTE: FRAKSHON VROLIJK/LIVE99FM