ENTRE 25 DI YÜLI I 15 DI OUGÙSTÙS 2025 TA UN BUNITA PERIODO PA SELEKTÁ DOKUMENTO, ENTREVISTA, KOMENTARIO I ANÁLISISNAN PA SKIRBI ISTORIA DI MANEHO DI BONAIRE.

Kralendijk,- Ta bon si pa trata komportashon di e aktornan i nivel di polítika . Thomas Erikson eksperto den studia komportashon di hende a skirbi entre otro; “Rondoná pa un set di Idiot” i “Rondoná pa un set di Gañado”.

Lo ta bon pa trata na komprondé e diferente vershonnan i purba na diskubrí e diferente hustifikashon di loke a pasa. E personanan klave ta lider di M21 i lider di DP. Lider di M21 ta desmentí ku den reunion entre koalishon i diputadonan a papia di no ke vakgedeputeerde, pero di skùif e karteranan di tur diputado pa motibu ku no ta mira ehekushon.

E kartanan di retiru di Nina i Angelica ta bisa ku koalishon no ke vakgedeputeerde. E asuntu di skùifmentu ta un ofensa den direkshon di e dos diputadonan i ta un asuntu serio di deskonfiansa pero aparentemente diputado Abraham no a sinti esei.

Diputado Abraham ta haña ku e diputadonan a aktua sentimental. Remarkabel ta ku Lider di M21 ta deklará den un entrevista den un tono serio ku su relashon ku e eks diputadonan ta o.k pero den un tono harí ta deklará ku semper e tabatin i tin hopi bon kontakto ku señor Abraham. E strategia polítikamente magnífiko a pone frakshon di DP  i di Vrolijk un banda i eks diputadonan no a tuma e kurashi di bisa yama un reunion di Konseho Insular i bini ku un moshon di deskonfiansa. Mi ta rekomendá tur ku ta papia di polítika pa e lesa e bukinan di Thomas Erikson, skucha e reunion di Konseho Insular i analisá komportashon di e miembronan.

FUENTE:ARTHUR SEALY/LIVE99FM