KORSOU: PERSONANAN TA KAI NA AWA NA NOORDKANT.

Willemstad,- Ajera alrededor di 6 or di atardi Wardakosta a haña un yamada via sentral di polis ku un kantidat di hende a kai den laman na noordkant.

E personanan tabata na Watamula i tabata piki kiwa, ora ku nan tur a kai den laman. Di e sinko personanan ku a kai den laman, tres a logra subi tera bèk via di e barankanan. Dos di e personanan no por a logra subi, riba kual polis a alertá Wardakosta.

E Sentro Operashonal Marítimo di Wardakosta mesora a saka e helikòpter pa bai Watamula pa saka e dos personanan for di e laman brutu mas lihé posibel. Na yegada, e tripulashon di e helikòpter a hisa e dos personanan sakanan for di awa.

Un persona, un hende muhé, tabata inkonsiente na e momentu ei. E otro persona, un hòmber tabata konsiente. Ambos a ser hiba na e punto di sosten di Wardakosta na Hato, unda ku dos ambulans tabata warda nan.

E dama a rekobrá su konosementu na yegada na Hato.

FUENTE: WARDAKOSTA/LIVE99FM

NEDERLANDS:

PERSONEN KOMEN IN ZEE TERECHT BIJ DE NOORDKUST

Willemstad,- Gisteren,- rond 18.00 uur ontving de Kustwacht een melding via de centrale politiepost dat een aantal personen bij de noordkust, waar de zee behoorlijk woest is, in zee waren gevallen.

De personen bevonden zich bij Watamula en waren op de klifrand zeeslakken aan het zoeken toen ze allemaal in zee terecht kwamen.

Van de vijf personen die in zee vielen, slaagden er drie erin om via de klifranden terug aan wal te klimmen.

Twee personen lukte het niet om naar boven te klimmen, waarop de politie de Kustwacht alarmeerde. Het Maritiem Operatie Centrum van de Kustwacht stuurde daarop direct een helikopter naar Watamula om de twee personen zo snel mogelijk uit de woeste zee te halen.

Bij aankomst heeft de bemanning van de helikopter de twee personen uit het water gehesen.

Eén persoon, een vrouw, was bewusteloos geraakt; de andere, een man, was bij bewustzijn. Beiden zijn naar het kustwachtsteunpunt bij Hato gebracht, waar twee ambulances op hen stonden te wachten.

De vrouw was bij aankomst bij Hato weer bij bewustzijn.