PAPIAMENTU UN IDIOMA KRIOYO

Kralendijk,- Ku sekretario insular, diputado di finansa ta bai pa nan bienestar personal i ku den reunionnan di konseho Insular ta lesa kredu di papiamentu despues di himno pa despues sigui masakrá papiamentu ku hulandes no ta importá mi un bledo pa motibu ku nan no ta añadí nada na kontenido di desaroyo di Bonaire ni na alsa nivel di diskushon den Konseho Insular.

Loke sí ta importá mi ta ku CFT a mustra ku a violá reglanan di FinBes. Ta preokupante pa mira ku na Bonaire nos ta bayendo den direkshon di desmantelá demokrasia, pero lesa kredu di papiamentu tin muchu mas balor.

Na Alemania Adolf Hitler a desmantelá demokrasia den 53 dia. Ta importá mi ku Sekretario di Estado pa enseñansa i emansipashon di Hulanda, señora Judith Tielen, a konkluí ku nivel di idioma den enseñansa na islanan BES ta muchu abou.

Ki posishon konsehalnan ta bai tuma den e kaso aki no ta konosí. Kisas resa, no lesa, un bon kredu lo yuda sigur. Un punto sigur pa istoria di Bonaire ta maneho di archivo ku despues di introdukshon di lei di archivo diesseis aña pasá no ta totalmente na òrdu.

Istoria komo materia den enseñansa ta importante pa Bonaire tin un Archivo Nashonal manehá pa profeshonalnan ku a studia e materia kon klasifiká un archivo.

Esaki tambe ta konta pa biblioteka tin profeshonal den servisio riba tereno di archivá dokumentu. Ehèmpel kon hasi investigashon di istoria tin e buki “Schepen, puike tabaka en tragiek” di JoopW. Koopmans historiadó.

A usa korantnan di 1634 – 1795. Den e kuadro aki ta importante pa inisiá un proseso pa kuminsá un HBO na Bonaire pa krea studiantenan ku ta siña kon konsultá dokumentu i archivo i bira kritiko i no dependiente di un maestro òf “Google”

Mas importante ta pa nan kibra ku e pensamentu diktatorial di krea un Bonaire pa futuro generashon.

FUENTE: ARTHUR SEALY