ENFÁTIKAMENTE M21 TA RECHASÁ TUR FORMA DI DISKRIMINASHON DEN NOS KOMUNIDAT.

Kralendijk,- Ku énfasis M21 ta kondená e suseso di djasabra 11 di yanüari na Plaza Wilhelmina na Playa Segun deklarashon di vários testigu, miembronan di un agrupashon religioso abiertamente a hasi ekspreshonnan diskriminatorio kontra e komunidat di LGBTQ+.

E akto di intoleransia akí no ta solamente repugnante, pero e ta forma un menasa direkto tambe pa e balornan fundamental di rèspèt i solidaridat ku ta karga nos komunidat.

Inaseptabel

Diskriminashon i sembramentu di odio ta apsolutamente inaseptabel i no tin lugá pa esakinan na Boneiru. Si nos pèrmití e tipo di aktonan akí sin mara konsekuensia na nan, esaki lo ta un paso bai atras inaseptabel den nos lucha pa un isla inklusivo i hustu. Boneiru ta kas di un komunidat diverso, i e diversidat akí ta un di nos rikesanan di mas grandi. Niun hende no tin mag di bira víktima di rechaso, humiliashon òf eksklushon pa motibu di su orientashon seksual, su identidat di género, su religion, su rasa òf kualke otro karakterístika personal.

Investigashon profundo

M21 ta eksigí ku gobièrnu di Boneiru i e outoridatnan kompetente inmediatamente ta kuminsá ku un investigashon pa loke ta trata e suseso akí i tuma e medidanan nesesario pa sòru ku aktonan manera esaki no ta ripití. Ta esensial pa tur hende respetá nos leinan i pa nos prinsipionan di igualdat i dignidat keda protehá fuertemente.

Komunidat harmonioso

M21 ta konfirmá su kompromiso inkebrantabel ku inklushon, igualdat i rèspèt mutuo. Nos mester rekonosé diversidat komo un forsa ku ta uni nos, no komo un motibu pa diskordia i desunion. Boneiru mester ta un ehèmpel di un komunidat harmonioso, kaminda tur hende por biba sin miedu ku ta ataká nan pa motibu di nan identidat òf konvikshon.

Yamada

Nos ta hasi un yamada riba tur organisashon, instansia i siudadano pa alsa nan bos kontra tur forma di diskriminashon.

Esaki no ta e momentu pa keda ketu òf pa ta kómplise pa medio di keda ketu. Esaki ta e momentu pa nos aktua huntu i sòru pa Boneiru ta keda un lugá kaminda ta respetá i protehá derecho i dignidat di kada persona.    

FUENTE: M21/LIVE99FM

NEDERLANDS:    

NADRUKKELIJK WIJST M21 ELKE VORM VAN DISCRIMINATIE AF IN ONZE GEMEENSCHAP.

Kralendijk,- M21 veroordeelt met klem de gebeurtenissen van zaterdag 11 januari op het Wilhelminaplein in Kralendijk.

Volgens getuigenverklaringen hebben leden van een religieuze groepering openlijk discriminerende uitspraken gedaan tegen de LGBTQ+-gemeenschap. Deze daad van intolerantie is niet alleen schokkend, maar vormt ook een directe bedreiging voor de fundamentele waarden van respect en saamhorigheid die onze samenleving dragen.

Onaanvaardbaar

Discriminatie en haatzaaien zijn volstrekt onaanvaardbaar en hebben geen plaats op Bonaire. Het toestaan van dergelijke daden zonder daaraan gevolgen te verbinden, zou een onaanvaardbare stap terug zijn in onze strijd voor een inclusief en rechtvaardig eiland. Bonaire is het thuis van een diverse gemeenschap, en die diversiteit is een van onze grootste rijkdommen. Niemand mag slachtoffer worden van afwijzing, vernedering of uitsluiting vanwege seksuele geaardheid, genderidentiteit, religie, ras of enige andere persoonlijke eigenschap.

Grondig onderzoek

M21 eist dat het Bonairiaanse eilandbestuur en de bevoegde autoriteiten onmiddellijk een grondig onderzoek instellen naar deze gebeurtenissen en de nodige maatregelen nemen om ervoor te zorgen dat daden zoals deze zich niet herhalen. Het is essentieel dat onze wetten worden gerespecteerd en dat de principes van gelijkheid en waardigheid krachtig worden beschermd.

Harmonieuze samenleving

M21 bevestigt zijn onwankelbare toewijding aan inclusie, gelijkheid en wederzijds respect. Diversiteit moet worden erkend als een kracht die ons verenigt, niet als een reden tot verdeeldheid. Bonaire moet een voorbeeld zijn van een harmonieuze samenleving, waar iedereen kan leven zonder angst te worden aangevallen vanwege hun identiteit of overtuigingen.

Oproep

Wij roepen alle organisaties, instellingen en burgers op om hun stem te verheffen tegen alle vormen van discriminatie. Dit is niet het moment om te zwijgen of medeplichtig te zijn door stil te blijven. Dit is het moment om samen te handelen en ervoor te zorgen dat Bonaire een plek blijft waar de rechten en waardigheid van ieder individu worden gerespecteerd en beschermd.