Redakshon
Kralendijk,- Unda e respèt pa otro, balornan, preparashon I konsenshi mester ta un liña importante pa yuda den e desaroyo di pida baranka aki.
Manera nos a informá nos komunidat den diferente komunikadonan di Prensa, e mishon di FUIB ta pa defendé derechonan humano i pa krea mihó kondishonnan di bida pa tur imigrante na Boneiru.
Ta eksistí vários asosashon i fundashonnan na Boneiru representando imigrantenan di paisnan individual, manera un Asosashon di Imigrantenan di Repúblika Dominikana, otro di Kolombianonan, otro di Peruanonan, shinésnan òf Venezolanonan etc.
Pero Fundashon UIB lo fungi pa kordiná y uni nan esfuersonan pa di e forma ei logra rèspèt pa derechonan humano di imigrantenan y pa krea mihó kondishonnan di bida pa imigrantenan na Boneiru den general. A base di e prinsipio: ’Union ta Hasi Forsa’.
Pa medio di e komunikado aki, nos Fundashon ke informá henter komunidat, ku fo’i djasabra, 11 di yanüari 2025, tur djasabra lo tin konsulta òf un asistensia hurídiko, di 04:00 pm pa 06:00 pm, pa imigrantenan residensiá na Boneiru.
Esunnan interesá por komuniká atraves di nos nùmber di kontakto i whatsapp: +599 787 2373, òf nos e-mail adrès: fundashonunionimigraboneriano@gmail.com.
Nos sede ta situá na Kaya José Gregorio Hernández # 16A (ofisina di abogado Bijkerk), Antriol.
E fundashon aki lo asistí imigrantenan di tur gruponan étniko na Boneiru.
FUENTE: FUIB/LIVE99FM
GIPHY App Key not set. Please check settings