DISPENSASHON DI E PROHIBISHON PA TIRA VÜRWÈRK DURANTE KAMBIO DI AÑA.

Kralendijk,- Pa medio di esaki gezaghèber di entidat públiko Boneiru ta anunsiá ku relashoná ku kambio di aña, for di 31 di desèmber 2024 te ku 1 di yanüari 2025 e ta duna dispensashon general di e prohibishon pa tira vürwèrk manera stipulá den artíkulo 31 sup b di e Ordenansa General di Polis (Algemene Politie Keur) di Boneiru.

Pa tira vürwèrk pafó di e periodo menshoná i pa tira vürwèrk ‘grandi’, manera pagara, ta rekerí un pèrmit.

No tin mag di tira vürwèrk dentro di un rayo di 250 meter for di hòspital i institutonan di kuido i edifisionan kaminda ta tene sirbishi di misa. No ta pèrmití tampoko pa tira vürwèrk dentro di un rayo di 250 meter for di pòmp di gasolin i sitionan kaminda ta almasená supstansianan eksplosivo i fásilmente inflamabel. Tiramentu di vürwèrk ku ta bai haltu no tin mag di tuma lugá na un sitio ku por kousa peliger pa tráfiko aéreo.

No opstante e dispensashon general akí, tur hende ta keda responsabel pa eventual leshon òf daño ku nan a okashoná na kualke persona, bestia òf bienes. Pa evitá daño i desgrasia, gezaghèber ta hasi un yamada na tur hende pa tene kuenta ku e medidanan di prekoushon i e koutela nesesario na momentu di tira vürwèrk.

Manera mantené e distansia nesesario na momentu di tira vürwèrk i tira vürwèrk solamente manera e instrukshon di uso ta indiká i bou di ningun sirkunstansia no tira vürwèrk den direkshon di hende òf bestia.

FUENTE: OLB/LIVE99FM

NEDERLANDS:

ONTHEFFING VUURWERKVERBOD TIJDENS JAARWISSELING

Kralendijk,- De gezaghebber van het openbaar lichaam Bonaire maakt hierbij bekend dat in verband met de jaarwisseling door hem vanaf 31 december 2024 tot en met 1 januari 2025, algehele ontheffing wordt verleend van het verbod om vuurwerk af te steken zoals bepaald in artikel 31 sub b van de Algemene Politie Keur van Bonaire. Voor het afsteken van vuurwerk buiten bovengenoemde periode en voor het afsteken van “groot” vuurwerk, zoals pagara’s, is een vergunning vereist.

Het afsteken van vuurwerk mag niet geschieden, binnen een straal van 250m. van zieken- en verpleeginrichtingen en gebouwen waar kerkdiensten warden gehouden. Het is ook niet toegestaan vuurwerk af te steken binnen een straal van 250 meter van benzine pompstations en opslagplaatsen van ontplofbare en lichtontbrandbare stoffen. Het afsteken van vuurwerk dat de lucht in gaat mag niet geschieden op een plaats die gevaar kan opleveren voor het vliegverkeer.

Ondanks deze algemene ontheffing blijft iedereen aansprakelijk voor eventueel letsel en schade toegebracht aan personen, dieren of goederen. Om schade en ongevallen te vermijden doet de gezaghebber een beroep op eenieder bij het afsteken van vuurwerk de nodige voorzorgsmaatregelen en voorzichtigheid in acht te nemen. Zoals het bewaren van de nodige afstand bij het afsteken en het vuurwerk slechts af te steken zoals in de gebruiksaanwijzing wordt aangegeven en in geen geval vuurwerk te gooien naar personen of dieren.