KONOSEMENTU DI ISTORIA DI PARTIDONAN POLÍTIKO I FUNSHONAMENTU DI E SISTEMA DEMOKRÁTIKO NA BONAIRE TA DEMASIADO POBER.

Kralendijk,- Diskushon riba e tópikonan aki ta solamente riba memoria.  Ta trata na impreshoná pueblo ku por ehèmpel; fecha, nòmber di partido, di diputado, di gezaghèber, resultado di elekshon.

kombinashon di partidonan, storianan di polítikonan popular, ekspreshonnan chistoso i bulamentu di kurá. Esaki ta e nivel mas abou pa haña konosementu.

Mester yega na sabiduria.  pa desaroyá un komportashon intelektual serka siudadano. Den kuadro di 70 aña di Statüt mi ta sugirí tur konsehal, diputado, grifir(nan), sekretario(nan) insular analistanan polítiko pa lesa e tés di Dr Willem Cecilia ” Effecten van Good Governance na 10.10.10 Een onderzoek naar de externe effecten van het nieuwe bestuursmodel op Bonaire”.

Kuantu konsehal i miembronan di Kolegio Ehekutivo i nan konseheronan partidista ta komprondé funshonamentu di Konseho Insular, di Kolegio Ehekutivo, di grifir, di sekretario insular, di gezaghèber, kiko ta mandato i delegá poder, Kiko ta Entidat Públiko, Statüt, Wolbes I Finbes.

Kon ta apliká e konosementu den un konteksto distinto unda ta analisá, evaluá i krea idea nobo. Ilustrativo ta e reunionnan di Komishon, di formashon di pensamentu I di tomo di desishon kaminda ta keda pegá den e nivel mas abou di konosementu.

E punto mas debil di Konseho Insular I Kolegio Ehekutivo ta komunikashon ku pueblo. Ta parti regalo pa tene pueblo bobo.

Ta na Hulanda sin informá kiko a bai hasi. Awor ki konosedónanan di polítika por hasi ku spekulashonnan manera; hefe nobo na R&O, diputado pa M21 pa evitá ku ta saka stèker, kandidato pa Kas di Bonaire na Hulanda. No ta tende nada di e plan di impuesto nobo ku ta perhudiká esnan ku ménos entrada.

Nos a lubidá “Steunend op eigen kracht doch met wil elkander bij te staan? Na Papiamentu “Sosteniendo riba forsa propio , pero ku e boluntat di yuda otro”

FUENTE: ARTHUR SEALY/LIVE99FM