Redakshon
Kralendijk,- Magic Ed Enrtetainment ta un empresa funda for di 2007 i ta konosi na Boneiru pa ta lider en e mundo di bonzer i entretenimentu na Boneiru.
Aktualmente su fokus a ensera den sektor di horeka i luga pa fiesta na luga di bai a domisilio of na parkenan manera antes. Esta e servisio di parilla na Magic Grill i tambe pa fiesta na Bonzerland.
Pero no ta tur hende ta mira progreso di un Boneriano meskos, semper tin envidia i ke pone piedra den kaminda di e prohimo.
I esaki ta esaktamente lokual nos ta komparti den e komunikado aki. Sea ta pa maldat of simplemente pa ignoransia algun hende sin pia ni kabes ta menshona nos nomber serka polis i manda patruya na Magic Gril paso supuestamente volumen ta muchu haltu i ta hasi bochincha, esaki ta 10or di anochi, nisikiera 2or di marduga ku ainda ta den orarionan permiti.
Nos tin di bisa ku den nos besindario tin diferente negoshinan ku sonido, tin bisinja ta pone nan outonan adapta pa sonido (kitipo) of weganan di bala tambe tin nan musika. E punto ta ku e keha ta bin direktamente serka nos, klaro… akinan ta mira hopi hende, aki ta mira movishon i no ta buska drechi ta unda realmente e molester ta.
E mas tristu ta dikon e famoso bisinnja no ta aserka NOS si emberdat na NOS ta hasi bochincha? I ta bel polis pone keha? Magic Ed komo empresa tambe tin derecho di sa ta ken e famoso bisinja aki ta paso ja ta perhudikando nos operashon, nos tambe por pone kontra keha paso polis mes ku a bini serka nos a realisa ku nos volumen no ta nada di otro mundu! Ni ora nos ta keda tin biaha despues di 12or ku tin fiesta nos ta hanja keha… kada bes ku tin outonan (kitipó) of weganan na velt den besindario polis ta bini serka nos, ja e ta un situation di atenshon…
pesei nos ta saka e komunikado aki aklarando e sutuashon i bisando e famoso bisinja aki ku nos tambe tin derecho i e buska drechi prome ku pone keha kontra nos, paso nos tambe por tuma paso.
FUENTE: MAGIC ED/LIVE99FM
GIPHY App Key not set. Please check settings