KANDELA ÚLTIMO NA SELIBON LAGUN A KONDUSÍ NA INTERVENSHON DI REPRESENTANTE DI REINO.

Kralendijk,- Kisas por tilda partidónan ku for di inisio di Selibon Lagun no a ehersé nan tarea, pero un kos ta importante i esei ta ku tur kambio òf inovashon ta kuminsá netamente serka un persona òf grupo ku ta pensa i aktua distinto.

Farid Ayubi i famia Emereniana na Lagun a bati bèl na tempu i a oponé fuerte kontra kimamentu di sushi i semper a tene porta abrí pa dialogá ku gerente di Selibon.

Nos tur a neglishá nos obligashon  pa sostené Farid i Komishon  Pro Lagun ku no a drumi pero a keda akshoná i mustra riba e peligernan pa salubridat di pueblo i kontaminashon di medio ambiente.  Despues di 5 di novèmber a bini un kambio kaminda e preokupashon a bira unu general ku e poder mas altu no por a keda sin aktua den aserkamentu di e problema di Selibon Lagun.

A konstatá ku tin negligensia di tarea i ku e situashon ta agudo i mester atendé e situashon na un manera diferente ku ta na bienestar di tur abitante di Bonaire. Tin ku lo ta di akuerdo i tin ku lo no ta di akuerdo. Ta remarkabel ku konsehalnan a disidí den tur e problema pa bai selebrá dia di Statia, sin duna pueblo di konosé ki mas tin na Statia Pronto nan lo ta na dia di Saba pa despues sigui pa Hulanda. Esaki tambe ta negligensia di nan tarea.

Si nos representantenan sigui riba e kaminda aki di no duna partisipashon real ni informashon i neglishá pueblo e posibel konsekuensia lo por ta mas instrukshon pa R&O, haf di kònteiner, Klima di mesa, supsidio pa proyektonan tokante sklabitut i bibienda pagabel pa pueblo.

Farid i Komishon Pro Lagun a mustra nos ku no ta menshoná solamente e problema pero ta aktua tambe. Si keda tira falta riba A i elogiá B òf tira falta riba B i elogiá A e problema di Selibon Lagun ta keda eksistí. 

FUENTE:EWART SEALY/LIVE99FM