DIREKTORADO DI SUPERVISHON I MANTENSHON DI LEI TA INTRODUSÍ ASERKAMENTU FORTIFIKÁ PA KONTRÒL NA BONEIRU

Kralendijk – Direktorado di Supervishon i Mantenshon di Lei na Boneiru ta introdusí un sistema di traha renobá pa ehekushon di kontròl i inspekshon.

Direktorado di Supervishon i Mantenshon di Lei ta enfoká riba un aserkamentu strukturá i mas preventivo. E aserkamentu akí ta brinda habitantenan i empresanan na Boneiru klaridat tokante e reglanan i na mes momentu ta stimulá nan pa sòru pa nan asuntunan ta na òrdu na tempu, di manera ku por evitá violashon i sanshonnan innesesario. Ku e sistema di traha akí Direktorado di Supervishon i Mantenshon di Lei ke logra un Boneiru mas ordená, mas seif i mas habitabel.

Direktorado di Supervishon i Mantenshon di Lei ta kuminsá dia 18 di novèmber 2024 ku e aserkamentu nobo

Dia 18 di novèmber 2024 Direktorado di Supervishon i Mantenshon di Lei ta kuminsá ku e sistema nobo di traha akí, kaminda e promé área di kontròl lo ta Kaya Industria i bisindario. Durante e kontròl akí e inspektornan designá ta bai kontrolá entre otro presensia di e pèrmitnan korekto, kumplimentu ku legislashon i regulashon vigente, kumplimentu ku instrukshonnan di siguridat i otro reglanan importante ku ta kontribuí na órden i siguridat na nos isla.

Preparashon i sosten di komunidat

Habitantenan i empresarionan ku no sa sigur kua ta e pèrmitnan òf dokumentunan ku nan mester disponé di dje òf ku tin pregunta tokante e kondishonnan di nan pèrmitnan, semper por tuma kontakto ku Direktorado di Supervishon i Mantenshon di Lei via e number di telefòn +599 715 5330.

Direktorado di Supervishon i Mantenshon di Lei ta verwagt ku e aserkamentu nobo i fortifiká akí lo kontribuí na un ambiente di biba mas seif, mas limpi i mas ordená. Ku un mantenshon di lei klarito i konsekuente, Direktorado di Supervishon i Mantenshon di Lei ke engrandesé enbolbimentu i komportashon di kumplimentu di nos komunidat, di manera ku Boneiru ta keda un lugá plasentero i seif pa biba i traha pa tur hende.

FUENTE:OLB/LIVE99FM

NEDERLANDS:

DTH INTRODUCEERT VERSTERKTE AANPAK VOOR CONTROLES OP BONAIRE.

Kralendijk – De Directie Toezicht en Handhaving (DTH) op Bonaire introduceert een vernieuwde werkwijze voor het uitvoeren van controles en inspecties. DTH zet in op een gestructureerde en meer preventieve aanpak. Deze aanpak biedt inwoners en bedrijven op Bonaire duidelijkheid over de regels en stimuleert hen tegelijkertijd om hun zaken tijdig op orde te brengen, zodat overtredingen en onnodige sancties kunnen worden voorkomen. Met deze werkwijze wilt DTH zorgen voor een meer ordelijk, veilig en leefbaar Bonaire.

De DTH start op 18 november 2024 met nieuwe aanpak

Op maandag 18 november 2024 gaat de DTH van start met deze nieuwe werkwijze, waarbij het eerste controlegebied de Kaya Industria en omgeving zal zijn. Tijdens deze controle zullen de aangewezen inspecteurs onder meer controleren op de aanwezigheid van juiste vergunningen, naleving van de geldende wet- en regelgeving, naleving van veiligheidsvoorschriften en andere belangrijke regels die bijdragen aan de orde en veiligheid op het eiland.

Voorbereiding en ondersteuning van de gemeenschap

Inwoners en ondernemers die niet zeker weten welke vergunningen of documenten zij nodig hebben of vragen hebben over de voorwaarden van hun vergunningen, kunnen altijd contact opnemen met de Directie Toezicht en Handhaving op nummer +599 7155330.

DTH verwacht dat deze nieuwe, versterkte aanpak zal bijdragen aan een veiligere, schonere en orderlijk leefomgeving. Met een duidelijke en consequente handhaving wil DTH de betrokkenheid en het naleefgedrag van de gemeenschap vergroten, zodat Bonaire voor iedereen een prettige en veilige plek blijft om te wonen en werken.