CHININI KOME LUBIDA!

Kralendijk,- Ku gran sorpresá nos mester a tuma nota kon e lider politiko di UPB I èks diputado James Kroon a kritiká gobiernu, pa no subi e supsidio na TCB.

E motibu dikon nos a keda sorpresá, ta pa motibu ku awor ku e konsehal a aki a drenta konseho insular despues di a sinta den gobiernu pa mas ku 20 aña, ku e tin e kurashi di bin kritika e gobiernu aktual pa ku subimentu di supsidio na TCB.

Ta fresku den nos tur nos memoria, ku UPB mes ta un ku NUNKA NO a subi e supsidio na TCB.

Awor e mesun lider aki ta bin reklama ku gobiernu no ta subi e supsidio.

Nos no sa ku ta problema ku memoria e lider por a haña, pero net e lider aki mester sali reklamá e supsidio, ta hipókresia di marka mayó.

Di otro banda nos no por tumé na malu, pasobra e lider aki ta pega den pasado, I por hiba politika bieu SOO.

Lastimamente e lider aki no a paga tino ku den e ultimo aña nan aki, politika a kambia drástikamente.

Pero kasi sigur e lider aki tabata siegu I surdo pa ku esaki.

Loke ku nos ke sugerí e lider antikuá aki ta pa aserka e koleganan den konseho insular, I wak kiko ta e posibilidat pa realmente pa subi e supsidio na TCB.

Pero pa kana tira gritu nan sin base den haltu, no ta e manera pa  atendé interés di Boneiru.

Kontrario loke nos ta hasi!!

Nos na un manera profeshonal ta kanando e proseso pa wak kon por subi e supsidio pa TCB.

Di otro banda nos kier bisa ku pa prome ku hasi esaki, tur  hende mester sa kiko e subida aki ta inserá.

Korda tin maneho general, I tin e ehekushon di esaki.

I te ainda nos no a wak kuantu sèn ta bai den kada ehekushon ta bai kosta.

Ta un montante bruto a ser pidi, pero no a wak kiko den ehekushon ta enserá.

Ta esaki ta e lokual ku nos ke pa e lider di UPB kompronde.

No sali tira grito bashi den haltu, mientras ku esaki ta bo propio falta pasobra ku nunka boso mes no a subi e supsdio di TCB.

Awor kisas e lider por a bira grandi I ta lubida kiko nan mes NO a hasi.

 I a bira chininii kome lubida!!

Pero nos si ta na tino I bon bei!!

FUENTE:CYRILL VROLIJK/LIVE99FM