SHAINÁ DORTALINA A HASI DESBELO DI “MI PROMÉ BUKI”

Algun ratu pasá Shainá Dortalina a hasi su debut komo autor publiká na Boneiru. Den kompania di su sernan kerí, diputado Den Heyer i Tante Linda.

“Mi promé buki” ta kuadra perfektamente komo titulo mirando ku e ta Shainá su promé obra publiká pero tambe tin komo meta pa ta e promé buki ku un mucha ta lesa. Mi promé buki ta un buki na 4 idioma ku ta laga e mucha sera konosí i yud’e rekonosé diferente obheto i persona na 4 idioma.

E buki akí ta stimulá e muchanana di 0 pa 6 aña pa siña memorisá, rekonosé figura, lesa, konta i siña idioma.

(4 idioma: papiamentu, hulandes, ingles i spañó.)