DIA HABRÍ SALÚ SIN MIEDU: MAS KONOSEMENTU, MÉNOS STIGMA

Kralendijk,- E Dia Habrí di Salú Sin Miedu 2026, ku a tuma lugá djárason 7 di òktober na Fundashon Mariadal, a atraé mas di 160 bishitante.

Durante e enkuentro aki, e atenshon tabata dirigí riba kòmbersashonnan habrí, informashon konfiabel i redukshon di stigma relashoná ku HIV i salú seksual.

Na Blauwe Patio, bishitantenan por a hasi pregunta direktamente na e representantenan di diferente stand, den un ambiente habrí i aksesibel.

Nan a risibí informashon tokante prevenshon, tèstmentu, tratamentu i e kuido disponibel na Boneiru. Tambe tabatin atenshon pa N=N (No por Midié = No por Transmitié).

Esaki ta nifiká ku un persona ku tin HIV, ku ta sigui su tratamentu i ku e kantidat di vírùs den su sanger ta asina abou ku no por detekt’é, no por transmití HIV na un otro persona via kontakto seksual.

Ademas, a papia tokante e importansia di redusí stigma i diskriminashon. Bishitantenan a partisipá aktivamente dor di duna nan opinion riba diferente deklarashon i kontestá preguntanan habrí tokante salú seksual i prehuisio relashoná ku HIV.

Esaki a resultá den kombersashonnan balioso tokante kon nos por redusí stigma i krea mas komprenshon huntu.

Mas konosementu, ménos prehuisio Papia tokante HIV i salú seksual no semper ta fásil pa tur hende. P’esei, ta importante pa hende por haña informashon konfiabel i sa unda nan por akudí pa kuido i sosten.

Ku aktividatnan manera esaki, Fundashon Mariadal, huntu ku e partnernan envolví, ta kontribuí na hasi informashon tokante salú mas aksesibel i stimulá kombersashonnan habrí den komunidat.

E Dia Habrí ta forma parti di Salú Sin Miedu 2026. Ainda tin mas aktividat planeá. Sigui e komunikashon di Fundashon Mariadal pa mas informashon.

FUENTE: FUNDASHON MARIADAL/LIVE99FM

NEDERLAND:

OPEN DAG SALÚ SIN MIEDU: MEER KENNIS, MINDER STIGMA

Kralendijk,- De Open Dag van Salú Sin Miedu 2026 op woensdag 7 oktober bij Fundashon Mariadal trok ruim 160 bezoekers.

Tijdens deze bijeenkomst stonden open gesprekken, betrouwbare informatie en het verminderen van het stigma rond hiv en seksuele gezondheid centraal.

In de Blauwe Patio konden bezoekers in een toegankelijke en open sfeer vragen stellen aan verschillende standhouders.

Zij kregen informatie over preventie, testen, behandeling en de beschikbare zorg op Bonaire. Ook was er aandacht voor N=N (Niet meetbaar = Niet overdraagbaar).

Dit betekent dat iemand met hiv die zijn of haar behandeling goed volgt en bij wie de hoeveelheid virus in het bloed zo laag is dat deze niet meer meetbaar is, hiv niet via seksueel contact kan overdragen aan een ander.

Daarnaast werd gesproken over het belang van het verminderen van stigma en discriminatie. De bezoekers namen actief deel aan stellingen en open vragen over seksuele gezondheid en vooroordelen rond hiv.

Dit leidde tot waardevolle gesprekken over hoe we samen stigma kunnen verminderen en meer begrip kunnen bevorderen. Meer kennis, minder vooroordelen Praten over hiv en seksuele gezondheid is niet voor iedereen vanzelfsprekend.

Juist daarom is het belangrijk dat mensen betrouwbare informatie kunnen krijgen en weten waar zij terecht kunnen voor zorg en ondersteuning. Met activiteiten zoals deze draagt Fundashon Mariadal, samen met de betrokken partners, bij aan het toegankelijk maken van gezondheidsinformatie en het stimuleren van open gesprekken binnen de gemeenschap.

De Open Dag maakt deel uit van Salú Sin Miedu 2026.

Er staan nog meer activiteiten gepland. Houd de communicatie van Fundashon Mariadal in de gaten voor meer informatie.

FUENTE: FUNDASHON MARIADAL/LIVE99FM