JOOP RAUWERS I AMIGUNAN A KRUSA OSÉANO BULANDO FOR DI ALEMANIA I A YEGA BONEIRU AWE.

Kralendijk, – Tabata awe den oranan di merdia ku Joop i su tres (3) amigunan a aterisa aki na Boneiru. Tabata dia 31 di mei 2024 ku Joop Rauwers huntu ku tres (3) amigu piloto a inisiá djabièrnè mainta ku nan buelo for di Alemania ku un avion di un motor ku mester trese nan Boneiru, kual ta e isla kaminda Joop a traha i biba den pasado. Pero tantu promé komo despues di Boneiru nan ta aterisá den vários pais i isla.

Rauwers a bini Boneiru pa traha na e stashon retransmisor di Radio Nederland Wereldomroep masoménos 50 aña pasá, pa despues a bai den sektor hotelero, kuminsando ku e hotèl Buddy Dive. Despues el a regresá Hulanda, pero semper kedando den kontakto ku Boneiru. For di tempu ku Joop Rauwers tabata biba na Boneiru, banda di tabata fasiná pa sambuyamentu, tabata bula avion kaba. E tabatin su lisensia privá i propio avion.

Rauwers a bisa BONERIANO ku e idea pa bula di Alemania pa Boneiru a nase durante un anochi di enkuentro di e klup di bulamentu di Twente VCT 2 aña pasá. Pues pa bula ku un propio avion pa Boneiru. Pero sirkunstansia a pone ku no por a hasié na 2023.

E avion ku e kuater pilotonan a sali for di 31 di mei ultimo for di Osnabrück, Alemania den oranan di mainta. Nan promé aterisahe tabata na Wick, Gran Bretaña. Despues nan a sigui pa Reykjavik, Islandia, na unda ta hopi friu.

E kuater pilotonan ta realisando e buelo ku un avion TBM 850 turboprop, avion di un motor, pero fuerte i apropiá pa un trayekto asina. Di kual e buelo aki a dura un total di 10 dia.

𝑭𝑼𝑬𝑵𝑻𝑬: 𝑩𝑶𝑵𝑬𝑹𝑰𝑨𝑵𝑶\𝑳𝑰𝑽𝑬99𝑭𝑴