in

DUO PARTISIPANTE DI BONEIRU PREMIA DURANTE CARIBBEAN GOSPEL SONG FESTIVAL 2024 NA KÒRSOU.

Kralendijk, – Dia 8 di yüni 2024 a tuma lugá e di 39 Caribbean Gospel Song Festival na World Trade Center na Kòrsou ku partisipashon di varios islanan di Caribe, tambe Venezuela i Surnam.

Un felisitashon imenso ta keda ekstendé na e duo Magindra i Beto pa nan tremendo presentashon i tambe logro na Caribbean Gospel Song Festival 2024. E duo di Boneiru durante nan presentashon a sa di kapta atenshon di e públiko ku a presensiá e festival!

Ta ku e dedikashon akustumbrá pa kumpli ku nos meta, e aña aki atrobe Fundashon Arte i Kultura di Boneiru a tuma na su enkargo pa hasi e preparashonnan nesesario, pa Boneiru keda dignamente representá i asina duna oportunidat na nos artistanan pa sigui demonstrá nan abilidat i kompeti ku varios otro kantante riba ensenario pafó di nos isla. E duo Gilberto (Beto) Martis i Magindra Clarenda-Francisca a partisipa ku un kansion original entitulá “Just believe”.

Boneiru su partisipantenan a demonstrá nan potensial pa loke ta e arte di kanto kategoria duo riba e ensenario di WTC . Outor di letra tabata: Charcel Lak i Reuben van Lierop mientras e areglo tabata di Reuben van Lierop.

Nos partisipantenan di Boneiru a prepará nan mes debidamente pa nan partisipashon na e festival di kanto gospel. E resultado di nan partisipashon ta di aploudi komo ku e duo Magindra i Beto a regresá Bonaire ku tres (3) premio atkeri, segundo finalista, premio máksimo pa letra original i tambe premio pa e mihó trahe. Fundashon Arte i Kultura di Boneiru ta felisitá nos kantantenan Magindra i Beto i tambe e outor di letra Charcel Lak /Reuben van Lierop i e areglista Reuben van Lierop pa nan komposishon di letra/melodia i areglo úniko.

Finalmente palabra di gratitut na e organisadó di “Caribbean Gospel Song festival” pa e oportunidat i aporte risibí.

𝑭𝑼𝑬𝑵𝑻𝑬: 𝑭𝑼𝑵𝑫𝑨𝑺𝑯𝑶𝑵 𝑨𝑹𝑻𝑬 𝑰 𝑲𝑼𝑳𝑻𝑼𝑹𝑨 𝑫𝑰 𝑩𝑶𝑵𝑨𝑰𝑹𝑬\𝑳𝑰𝑽𝑬99𝑭𝑴

What do you think?

Written by Jean Carlo

Leave a Reply

Your email address will not be published. Required fields are marked *

GIPHY App Key not set. Please check settings

ARUBA: WARDACOSTA TA DETENE BOTO CU DOS PERSONA NA BORDO CU MAS DI 700 KILO DI DROGA Y 3 ARMA

JOOP RAUWERS I AMIGUNAN A KRUSA OSÉANO BULANDO FOR DI ALEMANIA I A YEGA BONEIRU AWE.