CUROIL BONAIRE TA KOMPROMETÍ PA GARANTISÁ SUMINISTRO DI KOMBUSTIBEL NA BONEIRU

E modernisashon di e fasilidatnan di Curoil Bonaire ta den su fase final. Apesar ku tin un planifikashon basta estrikto, Curoil Bonaire ta sigui traha ku determinashon pa terminá e trabounan den e plaso stipulá.

Despues ku Gobièrnu Hulandes den konsultashon ku OLB na mart 2025 a para e proyekto di un terminal nobo, originalmente konosí komo Brandstof Terminal Bonaire i despues Bonaire Bon Transition (BBT), a pidi Curoil Bonaire pa realisá un solushon dor di modernisá su instalashonnan segun e último reglanan di seguridat. Esaki ku meta pa garantisá ku despues di 1 di aprel 2026, na momentu ku e pèrmit aktual di Curoil Bonaire vense, e kontinuidat di e suministro di kombustibel na e lokalidatnan eksistente di Hato i Airport ta keda sigurá.

For di e momento ei, Curoil Bonaire a inisiá di forma diligente ku e trabounan nesesario pa kumpli ku e rekisitonan den e plaso stipulá di 1 aña. Durante e periodo aki a invertí un total di USD 6 mion den e fasilidatnan na Hato. Curoil Bonaire ta premirá ku tur trabou lo terminá na tempu i ku e suministro di kombustibel lo keda sigurá. Na e momento aki, e proyekto a alkansá un progreso di 90%. Segun planifikashon mayoria di e aktividatnan di konstrukshon lo terminá alrededor di 20 di mart, siguí pa un periodo di tèst i sertifikashon.

Konteksto di e pèrmit temporal aktual

Boneiru a revisá su pèrmitnan di ‘hinder’ eksistente na 2021 (originalmente otorgá na 22 di òktober 2014) i a establesé medidanan temporal di seguridat pa un periodo di sinku aña. Esaki a kana pareu ku e proseso di tomo di desishon pa ku realisashon di un terminal nobo di kombustibel na ‘Airport Zuid’. E intenshon tabata ku lo a terminá uso di e terminalnan aktual ku Curoil Bonaire ta operá i remplasá esakinan ku e terminal nobo. E proyekto di e terminal ‘Airport Zuid’ lo a keda kompletá denter di sinku aña, pero no mas tardá ku 1 di aprel 2026, p’asina sigurá un transishon kuidadoso di e situashon bieu pa esun nobo.

Terminashon di e plannan pa BBT

Den kolaborashon ku e diferente partidonan inkluyendo OLB, e ministerionan Hulandes di Infrastruktura i Transporte (I&W), Asuntunan Ekonómiko i Klima, Kresementu Bèrdè (EZK/KGG) i BBT, Curoil Bonaire a invertí su konosementu i ekspertisio entre 2018 i 2025 pa asistí e partidonan ku e realisashon di e terminal nobo di kombustibel i pa logra akuerdonan riba un eksplotashon responsabel di esaki. Sinembargo, Gobièrnu Hulandes den konsultashon ku OLB a para e proyekto di e terminal nobo BBT na mart 2025.

Petishon na Curoil Bonaire

Na momento ku a para e plannan pa BBT, Curoil Bonaire a risibí e petishon pa realisá un solushon dor di modernisá su instalashonnan segun e último reglanan di seguridat. Esaki ku e meta pa garantisá kontinuidat di suministro di kombustibel na Boneiru despues di 1 di aprel 2026, ora ku e pèrmit di ‘hinder’ aktual di Curoil Bonaire ta vense.

Ku ménos di un aña pa e pèrmit temporal vense, Curoil Bonaire a duna oido na e petishon, ya ku Curoil Bonaire ta konsiderá su mes ko-responsabel pa sigurá kontinuidat di suministro di kombustibel na Boneiru. Curoil Bonaire a komprometí pa hasi tur su esfuerso pa, apesar di e tempu limitá, revisá e terminalnan na Hato i kumpli ku e fecha stipulá. Den konsultashon i kolaborashon estrecho ku OTB, a apliká e mesun manera di traha pa ku e terminal aktual na Airport.

Desaroyo di e trayekto di modernisashon

Di un forma aselerá, Curoil Bonaire a kuminsá ku e planifikashon i ehekushon di e trabounan pa e trayekto di modernisashon, kual ta un trayekto ku bou di sirkunstansianan normal lo a tuma algun aña. E manera diligente ku a ehekutá e trabounan, ta testimonio di e dedikashon ku Curoil Bonaire a demostrá den e trayekto aki.

Den kuadro di su tarea di supervishon, Inspectie Leefomgeving en Transport (ILT) na aprel 2025 a imponé riba Curoil Bonaire komo esun ku tin e pèrmit, un ‘Last onder Dwangsom (LOD)’ preventivo. Esaki ta nifiká ku si e modernisashon no terminá na tempu, lo imponé un multa di USD 500.000,- pa luna.

Situashon aktual

Entrante 20 di mart, na momento ku e trabounan terminá, lo sigui un periodo pa tèst e instalashonnan. Pa antisipá riba posibel akshonnan ku por resultá for di e tèstnan, Curoil Bonaire a entregá proaktivamente un petishon pa ekstenshon di e periodo na ILT. Aunke Curoil Bonaire ta konvensí ku e espasio èkstra aki den nos planifikashon lo no ta nesesario, Curoil Bonaire a tuma e medida preventivo aki pa evitá sorpresanan desagradabel asina serka di e fecha definitivo. Ku esaki, Curoil Bonaire kier garantisá kontinuashon struktural di suministro di kombustibel.

Curoil Bonaire ta konvensí ku, apesar di e preshon grandi di tempu, lo terminá e trabounan di forma kuidadoso i profeshonal. Curoil Bonaire ta keda komprometí na garantisá un suministro di kombustibel sigur i konfiabel pa Boneiru.

FUENTE: CUROIL BONAIRE/LIVE99FM

NEDERLANDS:

CUROIL BONAIRE GECOMMITTEERD TOT WAARBORGING BRANDSTOFVOORZIENING BONAIRE

De modernisering van de faciliteiten van Curoil Bonaire bevindt zich in de afrondende fase. Ondanks een zeer strakke planning werkt Curoil Bonaire voortvarend door om de werkzaamheden binnen de gestelde termijn af te ronden.

Nadat het nieuwe terminalproject, oorspronkelijk Brandstof Terminal Bonaire en later Bonaire Bon Transition (BBT), in maart 2025 door de Rijksoverheid in samenspraak met het OLB is gestaakt, is Curoil Bonaire verzocht een oplossing te realiseren door haar installaties volgens de laatste veiligheidsregels te moderniseren waarmee ook na 1 april 2026, wanneer de huidige vergunning van Curoil Bonaire verloopt, de continuïteit van de brandstofvoorziening op de bestaande locaties van Hato en Airport gewaarborgd blijft. 

Curoil Bonaire is vanaf dat moment voortvarend gestart met de nodige werkzaamheden om aan de eisen te kunnen voldoen binnen het vastgestelde termijn van 1 jaar. Hiermee is in de afgelopen periode een investering van ruim USD 6 mln. gedaan voor wat betreft de faciliteiten bij Hato. Curoil Bonaire voorziet dat het geheel van de werkzaamheden tijdig afgerond zal worden en de brandstofvoorziening geborgd blijft. Op dit moment is een voortgang van ruim 90% van het project bereikt. De planning is dat de meeste constructieactiviteiten rond 20 maart afgerond zullen zijn, gevolgd door een periode van testen en certificering.

Achtergrond huidige tijdelijke vergunning

Bonaire heeft haar bestaande hindervergunningen, oorspronkelijk verleend op 22 oktober 2014, in 2021 laten herzien en voorzien van tijdelijke veiligheidsmaatregelen voor een periode van vijf jaar. Dit gebeurde in het kader van de bestuurlijke besluitvorming rondom de realisatie van een nieuwe brandstofterminal op Airport Zuid. De bedoeling was dat de huidige terminals die Curoil Bonaire exploiteert, buiten gebruik zouden worden gesteld en vervangen door de nieuwe brandstofterminal. Het project voor de realisatie van de terminal ‘Airport Zuid’ zou binnen vijf jaar voltooid worden, doch uiterlijk per 1 april 2026, zodat een zorgvuldige overgang van de oude naar de nieuwe situatie verzekerd zou zijn.

Beëindigen plannen BBT

Curoil Bonaire heeft in samenwerking met de diverse stakeholders waaronder het OLB, de Nederlandse ministeries van Infrastructuur & Waterstaat (I&W), Economische Zaken & Klimaat en Groene Groei (EZK/KGG) en BBT tussen 2018 en 2025, haar kennis en expertise ingezet om partijen bij te staan bij de realisatie van de nieuwe brandstofterminal en om afspraken te maken over een verantwoorde exploitatie daarvan. Echter, in maart 2025 is het nieuwe terminalproject BBT door de Rijksoverheid in samenspraak met het OLB gestaakt.

Verzoek aan Curoil Bonaire

Op het moment dat de plannen voor de realisatie van het nieuwe terminal BBT zijn gestaakt, is Curoil Bonaire verzocht een oplossing te realiseren door haar installaties volgens de laatste veiligheidsregels te moderniseren zodat na 1 april 2026, wanneer de huidige hindervergunning van Curoil Bonaire verloopt, de brandstofvoorziening op Bonaire continuïteit kon vinden.

Met minder dan één jaar tot de gestelde einddatum van de tijdelijke vergunning heeft Curoil Bonaire aan dat verzoek gevolg gegeven, ook omdat Curoil Bonaire zich medeverantwoordelijk acht om de continuïteit van de brandstofvoorziening op Bonaire te verzekeren. Daarbij heeft Curoil Bonaire toegezegd zich te zullen inspannen om, ondanks de beperkte tijd, de terminals te Hato te zullen reviseren om tijdig aan de deadline te voldoen. In overleg en nauwe samenwerking met OTB is voor de bestaande Airport-terminal eenzelfde werkwijze overeengekomen.

 

Verloop van het moderniseringstraject

Curoil Bonaire is per direct gestart met de planning en uitvoeren van de werkzaamheden voor het moderniseringstraject. Een traject dat onder normale omstandigheden enkele jaren zou duren. De voortvarende wijze waarmee de werkzaamheden tot op heden zijn uitgevoerd, getuigt van de daadkracht dat Curoil Bonaire in dit traject heeft getoond.

In het kader van haar toezichthoudende rol op de naleving van de vergunningsvoorwaarden, heeft de Inspectie Leefomgeving en Transport (ILT) in april 2025 aan Curoil Bonaire als vergunninghouder een preventieve Last onder Dwangsom (LOD) opgelegd. Dit houdt in dat bij het niet tijdig afronden van de modernisering een boete van USD 500.000,- per maand wordt opgelegd.

Stand van zaken

Vanaf 20 maart, wanneer de werkzaamheden afgerond zijn, volgt een periode van testen van de installaties. Om proactief te anticiperen op mogelijke acties die uit de testwerkzaamheden kunnen voortvloeien, heeft Curoil Bonaire tijdig een gemotiveerd verzoek tot verlenging van de begunstigingstermijn bij de ILT ingediend. Hoewel Curoil Bonaire ervan overtuigd is dat deze extra ruimte in de planning niet noodzakelijk zal blijken, neemt Curoil Bonaire deze voorzorgsmaatregel om onaangename verrassingen kort voor de deadline te voorkomen. Hiermee beoogt Curoil Bonaire dat een structurele voortzetting van de brandstofvoorziening geborgd blijft.

Curoil Bonaire is ervan overtuigd dat ondanks de intensieve tijdsdruk, de werkzaamheden met zorg en professionaliteit tot een goed einde zullen worden gebracht. Curoil Bonaire blijft gecommitteerd aan het waarborgen van een veilige en betrouwbare brandstofvoorziening voor Bonaire.