Redakshon
Kralendijk,- Tin literatura sumamente edukativo tokante demokrasia, gobernashon, kolonialismo, rasismo, deskriminashon relatá na e struktura estatal ku nos ta den.
Literatura di outornan kurasoleño, arubano i boneriano. Tin literatura skirbi pa outornan antiano i hulandes huntu i tin literatura di outornan hulandes.
Si nos ke diskutí sano riba nos struktural estatal ta un obligashon pa buska i lesa tipo di literatura asina. Diskushon ta basá riba konosementu i rèspèt mutuo. Akusashon, tiramentu di falta riba otro, zundramentu i asta tilda otro di no stima su isla no ta progreso sino divishon i enemistat.
Medionan di komunikashon tradishonal tin e obligashon pa yuda fomentá diskushon sano. Mi ta rekomendá tur ku ta sinti nan mes apto pa diskutí, lesa i kompará e dos bukinan.
70 aña Statuut, dékada di engaño, hipokresia i kolonialismo krioyo di Rene Rosalia i Kompas Pa futuro, Mente òf Kurason? Desaroyo di nos islanan entre herensia kolonial i oportunidatnan nobo di Jolinda Craane. Tin un buki na hulandes Last of lust? Zeventig jaar statuut voor het koninkrijk der Nederlanden, vlogen zes vogels de vrijheid tegemoet.
Ta un obra ku kuarenta diferente artíkulo di entre otro GlennThodé, James Finies i Burney el Hage. Ta un goso pa lesa e tipo di buki i artíkulonan ku ta enrikesé bo konosementu i hasi bo konsiente ku e eskoho ta den bo man.
Tabata algu bunita di mira polítikonan kumpra e buki di Rene Rosalia Ami ta di akuerdo ku e poesia “Het Statuut met Pensioen” di Walter Palm den e buki Last of lust di Rene Zwart i Glenn Thodé.
FUENTE: ARTHUR SEALY
GIPHY App Key not set. Please check settings