BHRO TA ORGANISÁ UN TAYER HISTÓRIKO DI DERECHONAN HUMANO ORA KU SUIDADANONAN DI BONEIRU TA UNI FORSA PA FORTALESÉ KONSENSHI DI DERECHONAN

Kralendijk,- E tayer di Derechonan Humano realisá djasabra 6 di desèmber 2025 a yena kapasidat kompleto, ku partisipashon amplio di komunidat di Boneiro su habitanten di tur edat.

E evento su orado prinsipal tabata James Finies, Fundador di Bonaire Human Rights Organization (BHRO). Su palabranan a pone e tono pa un enkuentro poderoso i históriko enfoká riba fortalesé konsenshi di derechonan humano riba Boneiru.

Den un gran momentu pa e moveshon, lidernan di Muhernan Fuerte PPP, Joseline Thielman i Phenice Frans-Piar, a uni ofisialmente komo ko-fundadó pa trese informashon i edukashon di derechonan humano na suidadanonan di Boneiru, agregando un forsa renobá, eksperiensia i representashon na e mishón pa avansá derechonan humano na Boneiru.

Pa e prome biaha den historia di Boneiru, organisashon Bonaire Human Rights a organisa e prominente charla i tayer di Derechonan Humano bou di e kampaña “Nos Tambe Tin Derecho”, den kolaborashon ku United for Human Rights International. Partnernan lokal ta inkluí We Dare To Care Foundation, Fundashon Rinkon Edifikando Hóbennan na Madures, Muhernan Fuerte, Movementu Pa Kambio, i Nos Ta Futuro di Boneiru.

Un punto importante den e programa tabata un presentashon impresivo dor di  Presidente di BHRO, Davika Bissessar Shaw, ku a papia tokante e Deklarashon Universal di Derechonan Humano di Nashon Uni. Durante su diskúrso, e a lansá ofisialmente e Programa di Ambasador di Bonaire Human Rights Organization, habriendo porta pa miembronan di komunidat bira Amasador di Derechonan Humano sertifiká.

E partisipantenan a tuma parti den un programa dinámiko, inkluso les tokante derechonan humano, tayer di grupo, planifikashon di kampaña, un presentashon kultural, i un test kòrtiku pa sertifikashon komo Defensor di Derechonan Humano. E evento a kulmina ku un seremonia di sertifikado pa selebrá partisipantenan pionero empoderá ku konosementu i hermentanan pa promové i protehá derechonan humano na Boneiru.

E tayer aki tambe a marka e lansamentu di kampaña di sinku aña di BHRO pa avansá e Metanan di Desaroyo Sostenibel 2030 di Nashon Uni, ku un atenshon speshal riba meta numero 16: Pas, Hustisia, i Institushonnan Fuerte, ku BHRO a presentá anteriormente na margenan di e ochenta Asamblea General di Nashon Uni.

Pa mas informashon i pa registrá pa e proksimo tayer dia 18 di yanuari, òf pa bira un Amasador di Derechonan Humano, por tuma kontakto ku BHRO.

Whattsapp: +599 786 4576 o email: organizationbonairehumanrights@gmail.com

FUENTE: BONAIRE HUMAN RIGHTS ORGANIZATION