Redakshon
Kralendijk,- E pregunta ta, kiko ta bai pasa den 2025 na bonaire ku e 5.5 mion pa beleidsintensivering i e 5.5 mion pa gruponan ku no ta kai bou di gobièrnu ku ke bini ku proyekto relashoná ku pasado di sklabitut.
Na Bonaire minister Karien van Gennip a pidi diskulpa i a menshoná ku gabinete a apresiá ku Grupo di Diálogo Bonaire a pordoná Hulanda.
Promé di yüli 2023 Rei Willem Aleander a pidi diskulpa i pa pordoná Hulanda. Riba 1 di yüli 2020 minister Ollongren di BZK a instalá:
”Het Adviescollege Dialooggroep Slavernijverleden” i a pidi Frits Goedgedrag pa forma riba kada isla Hulandes Karibense “Grupo di diálogo” pa trata pasado di sklabitut i su kontinuashon den e komunidat aktual, basá riba un rekonosementu amplio i su lugá den e pasado komun den Komunidat hulandes. Na Bonaire Arthur Sealy, riba petishon di Frits Goedgedrag, a forma Grupo di diálogo Bonaire.
Pa medio di kombersashon, e-mail, èp, korant i televishon a splika e meta i a pidi esnan interesá pa bira miembro di Grupo di diálogo. Sinku persona, Ubaldo Anthony, Felix Cicilia, Steven Cicilia, Chon Theodora i Arthur Sealy a forma na febrüari 2021 e Grupo ku awor ta konsistí di ocho persona i dos konsehero. A tene seis kombersashon di mesa ku pueblo pa sa kiko ta e pensa tokante sklabitut.
Polítika, kolonialismo, rasismo, tabata tópikonan. E liña kòrá a bira ku ta pone loke a pasa tras di lomba i bini ku idea nobo den relashon ku Hulanda i ta pordoná Hulanda. Resultado di e kombersashonnan ta den e rapòrt “Ketenen van het verleden”. Grupo di diálogo a hiba kombersashon ku Kolegio Ehekutivo i Grupo di diálogo a tene charla pa splika dikon, pordon, dos charla públiko tokante trouma i a sigui ku kombersashonnan di mesa i tin un programa na televishon titulá Kadena Invisibel i a laga un arkitekto boneriano diseñá un monumento ku e famnan ku e personanan liberá a haña na 1863.
Loke tin ku tuma lugá ta un plataforma independiente i transparente formá pa e gruponan. Tarea di gobièrnu ta pa fasilitá e gruponan. Pasado di sklabitut ta toka desendientenan di esnan hasí esklabo.Awor ta ora pa embolbí i skucha nan pensamentu i proposishon.
FUENTE; ARTHUR SEALY/LIVE99FM
GIPHY App Key not set. Please check settings