EKADK TA SOSTENÉ DISTRIBUSHON DI BUKI “KANTIKA DI TUR TEMPU PA SEMPER”.

Kralendijk—Edukashon Kultural Artístiko di Kalidat, EKADK ta kontentu di por sostené e proyekto di buki di musik “Kantika di tur tempu pa semper”. Un publikashon riku na informashon riba orígen i letra di algun piesa típiko Boneriano. Esaki ta riba enkargo di Entidat Públiko Boneiru; Edukashon i Bienestar i SKAL. EKADK ta enkargá ku distribushon di e bukinan di manera ku tur skol por dispone di tantu publikashon di tomo I i tomo II. Ademas, EKADK ta bai traha huntu ku skolnan pa desaroyá lèsnan kaminda muchanan por siña kanta e kantikanan tradishonal aki.

“Kantika di tur tempu pa semper” a wordu desaroyá ku e meta pa preservá letra- i melodia oríginal di kantikanan oral folklóriko. E kantikanan oríginal akí ta data for di tempu di sklabitut,banda di esnan ku a originá despues di segundo guera mundial. Kada kantika tin su historia mará na dje i ta basá riba realidat. Danki na e kolaborashon entre Denise de Jongh-Rekwest via su editorial Request Publishing, OLB/SKAL i EKADK, huntu ta fortalesé edukashon kultural den enseñansa. 

Den e periodo ku ta bin, lo distribuí e bukinan na tur skol. Tambe lo organisá entrenamentu i aktividat pa maestro(a)nan i alumnonan. Durante e seshonnan akí, skolnan lo risibí sosten pa asina por hasi uso efektivo di e materia di lès i pa integrá músika i kultura den klas.

Riba foto por mira momtentu ku e outor ta hasi entrega di e bukinan na Kolegio San Bernardo i Kristu Bon Wardador.

FUENTE: EKADK/LIVE99FM

NEDERLAND:

EKADK ONDERSTEUNT DISTRIBUTIE VAN HET BOEK “KANTIKA DI TUR TEMPU PA SEMPER”

Kralendijk — Edukashon Kultural Artístiko di Kalidat (EKADK) is blij het muziekboekproject “Kantika di tur tempu pa semper” te ondersteunen.

Deze publicatie bevat rijke informatie over de oorsprong en teksten van verschillende typische Boneriaanse liederen. Het project is uitgevoerd in opdracht van het Openbaar Lichaam Bonaire, afdeling Onderwijs en Welzijn, en SKAL. EKADK is verantwoordelijk voor de distributie van de boeken, zodat alle scholen kunnen beschikken over zowel deel I als deel II van de publicatie. Daarnaast zal EKADK samenwerken met scholen om lessen te ontwikkelen waarin kinderen deze traditionele liederen kunnen leren zingen en spelen.

“Kantika di tur tempu pa semper” werd ontwikkeld met als doel de originele teksten en melodieën van mondeling overgeleverde folkloristische liederen te behouden. Deze originele liederen dateren uit de slavernijperiode en uit de tijd na de Tweede Wereldoorlog. Elk lied heeft een eigen verhaal en is gebaseerd op de werkelijkheid. Dankzij de samenwerking tussen Denise de Jongh-Rekwest via haar uitgeverij Request Publishing, OLB/SKAL en EKADK wordt cultuuronderwijs binnen het onderwijs verder versterkt.

In de komende periode zullen de boeken aan alle scholen worden uitgedeeld. Ook worden trainingen en activiteiten georganiseerd voor leerkrachten en leerlingen. Tijdens deze sessies ontvangen scholen ondersteuning om het lesmateriaal effectief te gebruiken en muziek en cultuur beter in de lessen te integreren.

Op de foto is het moment te zien waarop de auteur de boeken overhandigt aan Kolegio San Bernardo en Kristu Bon Wardador.