PLAN NOBO PA TERENO DI LESS INDIANS: BIBIENDA I DEPORTE

Kralendijk – E tereno di klup di beisbòl Less Indians ta haña un destinashon nobo. Direktiva di e klup i diputado Peter Silberie a bai di akuerdo ku un plan pa bibienda sosial i fasilidat deportivo moderno. Gobièrnu lo tuma maneho di e sitio pa hasi esaki posibel.

Bibienda i deporte

Den un reunion ku diputado, direktiva di Less Indians mes a proponé pa duna e tereno bèk na gobièrnu. E miembronan di direktiva ta deseá pa gobièrnu ehekutá e plan di desaroyo den kolaborashon ku Fundashon Cas Bonairiano (FCB). Meta di e plan akí ta pa usa henter e tereno pa konstrukshon di bibienda sosial.

Diputado Silberie ta sostené e plan akí. Gobièrnu ke pa inkluí espasio pa deporte i rekreashon den kada proyekto di konstrukshon nobo. Esaki ta pas bon ku e bario, ya ku a traha resientemente hopi kas pa vários grupo meta.

Un lugá pa tur hende

Riba e tereno tin ya kaba un área deportivo ku mucha i adulto ta usa frekuentemente. Gobièrnu ke mehorá i amplia e fasilidat deportivo akí. Esaki lo krea un área kaminda habitante di bario por biba dushi i praktiká deporte huntu. Awor tur partner ta bai traha huntu pa desaroyá e plan final pa e tereno.

FUENTE: OLB/LIVE99FM

NEDERLANDS:

NIEUWE PLANNEN VOOR TERREIN LESS INDIANS: WONINGEN EN SPORT

Kralendijk -Het terrein van de honkbalclub Less Indians krijgt een nieuwe bestemming. Het bestuur van de sportclub en gedeputeerde Peter Silberie hebben afgesproken dat er een plan komt voor sociale woningbouw én moderne sportfaciliteiten. De overheid neemt het beheer van het terrein over om dit mogelijk te maken.

Woningen en sport

Het bestuur van Less Indians heeft zelf in een vergadering met de gedeputeerde voorgesteld om het terrein terug te geven aan de overheid. De bestuursleden willen graag dat de overheid het ontwikkelplan uitvoert dat samen met Fundashon Cas Bonairiano (FCB) is gemaakt. Het doel van dit plan is om op het hele terrein sociale huurwoningen te bouwen.

Gedeputeerde Silberie staat achter dit plan. De overheid wil namelijk dat er bij elk project voor nieuwbouw er ook ruimte is voor sport en ontspanning. Dit past goed bij de wijk, waar de laatste tijd veel nieuwe huizen voor verschillende doelgroepen zijn gebouwd.

Een plek voor iedereen

Op het terrein is nu al een sportplek die veel wordt gebruikt door kinderen en volwassenen. De overheid wil deze sportplek verbeteren en uitbreiden. Zo ontstaat er een gebied waar buurtbewoners prettig kunnen wonen en samen kunnen sporten. Alle partners gaan nu samen aan de slag om het definitieve plan voor het terrein uit te werken.