POLIS KU KÒNTRÒL DI TRÁFIKO PLANIÁ

Detenshonnan pa maltrato

Djaweps 22 di yanüari, alrededor di 2.45 or di atardi, a detené un hòmber di inisial J.L.W. di 28 aña di edat pa maltrato, i un hòmber di inisial R.G.D. di 48 aña di edat pa maltrato i menasa. A detené ámbos sospechoso despues di un konfrontashon ku otro durante un mediashon na warda di polis. Investigashon den e kaso ta kontinuá.

Kòntròl planiá di tráfiko

Djaweps 22 di yanüari a tene un kòntròl planiá di tráfiko na Kaya Karibe. A para i kontrolá diesdos (12) vehíkulo, di kua a duna kuater (4) but.

E butnan tabata pa e siguiente violashonnan:

1x pa no por mustra un reibeweis bálido;

3x pa no por mustra seguro bálido.

Lo tene e kòntròlnan aki regularmente, na kua lo aktua ku man duru na momentu ku shofùrnan no tin nan dokumentunan na òrdu òf no kumpli ku reglanan di tráfiko. Si bo no tene bo mes na e reglanan, bo por haña un but.

E suma di e butnan pa e violashonnan menshoná ta varia entre $30 i $225.

Aksidente entre dos outo

Djárason 21 di yanüari, alrededor di 6 or di atardi, ‘meldkamer’ sentral a risibí notifikashon tokante un aksidente entre dos outo na e krusada di Kaya Piedra Presioso i Kaya Rubi. Pa motibu di keda sin duna preferensia, e dos vehíkulonan a dal den otro, di kua despues un di e outonan a bai dal den kurá di un kas. Un di e shofùrnan tabata keha di doló i personal di ambulans a hasi un chekeo médiko kuné na e sitio mes. Konforme e maneho ‘botsen is blazen’, a hasi un tèst di supla ku ámbos shofùr. For di esaki den ámbos kaso no tabatin kuestion di uso di alkohòl.

Kandela na edifisio

Djárason 21 di yanüari, alrededor di 5.30 or di atardi, ‘meldkamer’ sentral a risibí notifikashon tokante kandela pegá ku un edifisio na Amboina. Pa motibu ku e kandela tabata konsentrá na e trapi di e edifisio, e habitantenan di e promé piso no por a bini abou. Na yegada di polis i brantwer a konstatá ku pa motibunan ainda deskonosí, algun kaha di karton i palu tabata na kandela. E vlamnan a okashoná daño na e edifisio i tambe e trapi ku ta bai e promé piso. Brantwer a paga e kandela.

FUENTE: KPCN/LIVE99FM

NEDERLANDS:

POLITIEBERICHTEN VAN WOENSDAG 21 JANUARI TOT EN MET VRIJDAG 23 JANUARI 2026

Aanhoudingen voor mishandeling

Op donderdag 22 januari, rond 14:45 uur, zijn een 28-jarige man met de initialen J.L.W. aangehouden voor mishandeling en een 48-jarige man met de initialen R.G.D. voor mishandeling en bedreiging. Beide verdachten werden aangehouden na een confrontatie met elkaar tijdens een bemiddeling op het politiebureau. Het onderzoek in deze zaak loopt.

Geplande verkeerscontrole

Op donderdag 22 januari werd een geplande verkeerscontrole uitgevoerd op de Kaya Karibe. Er werden in totaal twaalf (12) voertuigen gestopt en gecontroleerd, waarbij vier (4) bekeuringen werden uitgereikt.

De bekeuringen werden uitgeschreven voor de volgende overtredingen:

1x voor het niet kunnen tonen van een geldig rijbewijs;

3x voor het niet kunnen tonen van een geldige verzekering.

Er zullen regelmatig controles worden gehouden, waarbij streng wordt opgetreden wanneer bestuurders hun bescheiden niet in orde hebben of zich niet aan de verkeersregels houden. Houdt u zich niet aan de regels, dan kunt u een bekeuring krijgen.

Het boetebedrag voor bovengenoemde overtredingen varieert tussen $30 en $225.

Aanrijding tussen twee auto’s

Op woensdag 21 januari, rond 18:00 uur, kreeg de centrale meldkamer melding over een aanrijding tussen twee auto’s op de kruising van de Kaya Piedra Presioso en de Kaya Rubi. Omdat er geen voorrang werd verleend, botsten de twee voertuigen tegen elkaar, waarna één van de auto’s tegen de omheining van een woning tot stilstand kwam. Een van de bestuurders klaagde over pijn en werd door het ambulancepersoneel ter plaatse medisch gecheckt. Conform het beleid ‘botsen is blazen’ werd bij beide bestuurders een blaastest afgenomen. Hieruit bleek dat er in beide gevallen geen sprake was van alcoholgebruik.

Brand bij gebouw

Op woensdag 21 januari, rond 17:30 uur, kreeg de centrale meldkamer melding over een brand naast een gebouw in Amboina. Omdat de brand zich bij de trap concentreerde, konden de bewoners van de eerste verdieping niet naar beneden. Bij aankomst van de politie en de brandweer werd geconstateerd dat enkele kartonnen dozen en hout om nog onbekende redenen in brand stonden. De vlammen beschadigden het gebouw en de trap naar de eerste verdieping. De brandweer heeft de brand geblust.