MIEMBRONAN DI KONSEHO INSULAR DI BONEIRU KU BIAHE DI TRABOU INTENSIVO NA HULANDA

Kralendijk-Un delegashon di Konseho Insular, konsistiendo di Rolanda Hellburg-Makaai, Benito Dirksz, Daniel Crestian, James Kroon, Simeona Chirino-Felida, Hennyson Thielman, Désirée Coffie i Cyrill Vrolijk, sostené pa Griffier Insular, lo hasi un bishita di trabou ofisial na Hulanda, di 7 te ku 17 di desèmber 2025, pa partisipá na kongreso “Vijftien jaar na 10/10/10” na Nieuwspoort.

E programa di biahe ta kuminsá dia 8 di desèmber ku preparashon di presentashon i kontribushonnan pa pènelnan pa e kongreso na Den Haag. Durante tres dianan di kongreso na Nieuwspoort, miembronan di Konseho Insular lo partisipá aktivamente den seshonnan di kontenido i debatenan pa profundisá tokante futuro di Reino, desaroyo di enseñansa sosialmente hustu i ekspektativanan mutuo entre Hulanda i islanan Karibense.

Durante e kongreso aki, tantu miembronan komo ekspertonan eksterno lo hasi kontribushon balioso, inkluyendo presentashon di profesor Van Rijn i Hennyson Thielman, i partisipashon den pènel di diskushon di konsehalnan Désirée Coffie i Benito Dirksz.

Tambe e delegashon lo tene kombersashon ku diferente organisashon tokante entre otro, kuido, posibel lasonan di koperashon i fortifikashon di strukturanan di sosten. Tambe lo sera konosí ofisialmente ku parlamentarionan europeo.

Riba 15 di desèmber, e delegashon lo partisipá na Dia di Reino 2025 na Haagse Hogeschool, kaminda temanan aktual i stratégiko den Reino lo ta sentral. E dia despues lo sigui kombersashonnan ofisial ku e Komishon KOREL di Eerste Kamer i e Komishon Relashonnan di Reino di Tweede Kamer, kaminda lo pone énfasis riba interesnan di Boneiru.

Meta di e bishita di trabou amplio aki ta pa fortifiká e posishon di Boneiru den Reino, pa aportá na koperashon konkreto i pa pone desafionan ku e isla ta enfrentá, direktamente na atenshon di e parlamentario- i trahadónan di maneho hulandes.

Miembronan di Konseho Insular ta spera ku e interkambio intensivo aki lo kondusí na resultadonan duradero i konstruktivo na benefisio di abitantenan di Boneiru.

FUENTE: KONSEHO INSULAR BONAIRE/LIVE99FM

NEDERLANDS:

INTENSIEVE WERKBEZOEK LEDEN EILANDSRAAD BONAIRE AAN NEDERLAND

Kralendijk — Een delegatie van de Eilandsraad, bestaande uit Rolanda Hellburg-Makaai, Benito Dirksz, Daniel Crestian, James Kroon, Simeona Chirino-Felida, Hennyson Thielman, Désirée Coffie en Cyrill Vrolijk, en ondersteund door de eilandgriffie, brengt van 7 tot en met 17 december 2025 een officieel werkbezoek aan Nederland om te deel te nemen aan het congres Vijftien jaar na 10/10/10 bij Nieuwspoort.

De programma begint op 8 december met de voorbereiding van presentaties en panelbijdragen voor het congres in Den Haag. Tijdens de daaropvolgende drie congresdagen in Nieuwspoort nemen de raadsleden actief deel aan inhoudelijke sessies en verdiepende debatten over de toekomst van het Koninkrijk, de ontwikkeling van sociaal rechtvaardig onderwijs en de onderlinge verwachtingen tussen Nederland en de Caribische eilanden.

Gedurende deze dagen leveren zowel raadsleden als externe deskundigen waardevolle bijdragen, waaronder presentaties van professor Van Rijn en Hennyson Thielman, en paneldeelname door Desiree Coffie en Benito Dirksz.

In het vervolg van het werkbezoek voert de delegatie gesprekken met diverse organisaties over onder meer zorg, mogelijke samenwerkingsverbanden en versterking van ondersteunende structuren. Ook vindt een kennismaking plaats met een Europarlementariër.

Op 15 december neemt de delegatie deel aan Koninkrijksdag 2025 aan de Haagse Hogeschool, waar actuele en strategische thema’s binnen het Koninkrijk centraal staan. De dag daarna volgen officiële gesprekken met de Eerste Kamercommissie KOREL en de Tweede Kamercommissie

Koninkrijksrelaties, waarin de belangen van Bonaire nadrukkelijk worden ingebracht.

De doelstelling van dit uitgebreide werkbezoek is om de positie van Bonaire binnen het Koninkrijk te verstevigen, concrete samenwerkingsafspraken te maken en de uitdagingen waar het eiland voor staat, direct onder de aandacht van de Nederlandse parlementaire en beleidsmakers te brengen.

De Eilandsraad verwacht dat deze intensieve uitwisseling zal leiden tot duurzame en constructieve resultaten ten behoeve van de inwoners van Bonaire.