DJASABRA 22 DI NOVÈMBER 2025, ALGEMENE FEDERATIE VAN BONAIRIAANSE WERKNEMERS TA KUMPLI 59 AÑA DI EKSISTENSIA.

Kralendijk,- AFBW ta rumbo pa 60 aña, direktiva di AFBW kier a yama un danki na tur su miembronan i tur ku a kere den e federashon aki for di aña 1966.

Huntu nos ta orguyoso ku AFBW ta kumpli 59 aña di eksistensia, un federashon sólido i fuerte.

AFBW ta e promé federashon sindikal di Boneiru i ta e sindikato di mas grandi, na Boneiru. 

Laga nos uni i traha tur dia pa keda mantené e federashon aki, no por laga un patrimonio sindikal Boneriano bai pèrdí, mester konserva e federashon aki, un federashon ku un trayektoria largu i ku hopi historia sindikal.

Direktiva aktual ta kere ku AFBW por kumpli hopi 59 aña mas di eksistensia, e federashon aki mester sigui wòrdu manehá pa un direktiva ku ta duna servisio i sigui traha na benefisio di e klase trahadó.

Importante pa un federashon manera AFBW, ta enserá ku bo mester tin un direktiva ku kurason pa e organisashon i ku ta wòrdu sostené pa su shopsteward nan i e miembronan di e sindikato.

Un bon maneho ta e yabi pa éksito di un organisashon manera AFBW.

AFBW ta siguí hiba e lucha pa hustisia sosial, AFBW tin hopi reto pa atendé kuné, tur dia di nobo tin abuzo laboral ta sosodé.

AFBW ta miembronan i miembronan ta AFBW.  

Miembronan di AFBW i e pueblo laboral kòrda riba bo debernan i tambe para pa bo derechonan.

“ Den Union tin Forsa”

FUENTE: AFBW/LIVE99FM