BHM TA RISIBÍ RELATO ANUAL 2024 APROBÁ DI SELIBON

Kralendijk – Awe gerensia di Selibon N.V. a entregá su relato finansiero anual 2024, inkluyendo e deklarashon di akountent aprobá, na Bonaire Holding Maatschappij (BHM).

For di e deklarashon akí ta sali na kla ku e sifranan ta duna un bista realístiko di e situashon finansiero di e kompania. Gerensia di BHM komo akshonista lo pèrkurá – konforme statutonan di e organisashon – pa haña e derecho di voto serka entidat públiko Boneiru, pa asina por stipulá e kuenta anual.

Finalisashon di e kuenta anual ta un logro importante pa e gerensia nobo, bou di direkshon di Edsel Winklaar, ku ta trahando duru pa pone e kompania bèk den un posishon finansiero sano. Señor Winklaar ta okupando entretantu mas di un aña e funshon di direktor interino. Den e periodo akí a finalisá e kuentanan anual di 2022, 2023 i 2024, di manera ku Selibon ta kompletamente na tempu ku su relatonan finansiero anual. “Nos a trata di sigui un rumbo kaminda e meta prinsipal ta pa pone Selibon bèk riba e trayekto finansiero korekto. Esaki ta otro logro importante i ta forma e base pa logra nos metanan. Nos no a logra esei ainda, pero nos ta riba e bon kaminda,” segun señor Winklaar.

Prinsipionan di bon gobernashon
A krea BHM ku e meta pa supervisá ‘corporate governance’ di kompanianan di gobièrnu ku ta kai bou di BHM. Manera direktor ehekutivo di BHM, señora Adely Susana-Jansen, a indiká anteriormente, su ambishon ta pa e kompanianan akí keda aktual i operá segun statuto- i prinsipionan di bon gobernashon.

“Ta di gran importansia pa nos kompanianan supsidiario anda di forma transparente i responsabel ku nan finansa. Solamente asina nos por traha riba konfiansa i stabilidat, i pèrkurá pa e kompanianan akí kumplí na drechi ku nan tarea sosial”, señora Susana-Jansen ta bisa.

Ku e kuenta anual di Selibon, BHM a yega na un total di 42 kuenta anual ku a wòrdu kompletá ku éksito desde su nombramentu na fin di 2020. Selibon N.V. ta den un proseso di transishon, orientá riba maneho nobo riba diferente tereno manera finansa, rekohementu di sushi, transporte di desperdisio, almasenamentu i prosesamentu di desperdisio i digitalisashon.

Ta trahando tambe riba plannan di invershon importante, nesesario pa garantisá e tarea mas importante di e kompania – esta tene Boneiru limpi

FUENTE: BHM/LIVE99FM

NEDERLANDS:

BHM ONTVANGT GOEDGEKEURD JAARVERSLAG 2024 VAN SELIBON

Kralendijk – Vandaag heeft de directie van Selibon N.V. het jaarverslag 2024, inclusief de goedgekeurde accountantsverklaring, aangeboden aan Bonaire Holding Maatschappij (BHM). Uit deze verklaring blijkt dat de cijfers een realistisch beeld geven van de financiële situatie van de vennootschap.

De directie van BHM zal als aandeelhouder – conform de statuten van de organisatie – zorgdragen voor het verkrijgen van stemrecht bij het openbaar lichaam Bonaire, om zo de jaarrekening vast te kunnen stellen.

Het afronden van het jaarverslag is een belangrijke mijlpaal voor het nieuwe management, onder leiding van Edsel Winklaar, dat hard werkt om het bedrijf terug te brengen naar een gezonde financiële positie. Meneer Winklaar bekleedt inmiddels ruim een jaar de functie van interim-directeur. In deze periode zijn de jaarrekeningen van 2022, 2023 en 2024 afgerond, waardoor Selibon weer volledig actueel is met zijn jaarverslagen. “Wij hebben geprobeerd een koers te varen waarbij het belangrijkste doel is om Selibon weer op het juiste financiële pad te krijgen. Dit is opnieuw een belangrijke prestatie en vormt de basis om onze doelen te bereiken. We zijn er nog niet, maar we zitten op de goede weg,” aldus meneer Winklaar.

Principes van goed bestuur
BHM is opgericht met als doel het toezicht te houden op de ‘corporate governance’ van de overheidsbedrijven die onder BHM vallen. Zoals de uitvoerend directeur van BHM, Adely Susana-Jansen, eerder heeft aangegeven, is haar ambitie dat deze dochterondernemingen financieel up-to-date blijven en opereren volgens de statuten en de principes van goed bestuur. “Het is van groot belang dat onze dochterondernemingen transparant en verantwoord omgaan met hun financiën. Alleen zo kunnen we bouwen aan vertrouwen en stabiliteit, en ervoor zorgen dat deze bedrijven hun maatschappelijke taak naar behoren vervullen,” aldus mevrouw Susana-Jansen.

Met de jaarrekening van Selibon komt BHM totaal uit op 42 jaarrekeningen die sinds haar aantreden eind 2020 succesvol zijn afgerond. Selibon N.V. bevindt zich in een transitietraject, gericht op nieuw beleid op verschillende terreinen zoals financiën, afvalinzameling, afvaltransport, afvalopslag en -verwerking, en digitalisering. Er wordt ook gewerkt aan belangrijke investeringsplannen die noodzakelijk zijn om de kerntaak van het bedrijf – het schoonhouden van Bonaire – te waarborgen