GEZAGHÈBER TA WAK BÈK RIBA SU PROMÉ AÑA: “HUNTU NOS TA EDIFIKÁ UN BONEIRU SEIF, INKLUSIVO I SÓLIDO”

Kralendijk – Riba djabièrnè 8 di ougùstùs 2025 gezaghèber John Soliano a para ketu na su promé aña den funshon.

Durante algun entrevista na diferente medio di komunikashon el a tira un bista bèk riba un aña ku p’e tabata intenso, edukativo i signifikativo: “Un aña yen di desafio, durante kua mi a mira hopi, skucha hopi, siña hopi i traha hopi huntu”, segun gezaghèber.

Gezaghèber a ekspresá su gratitut pa e sosten amplio ku el a risibí for di nos komunidat i for di partnernan di kadena, i el a aksentuá e importansia di kolaborashon komo fundeshi pa progreso.

Soliano a hasi uso di e oportunidat tambe pa wak padilanti den direkshon di e añanan binidero ku e ta den funshon. Tres tema ta sentral pa nos gezaghèber: bon gobernashon, siguridat i inklusividat.

Bon gobernashon komo promesa

Soliano a suprayá ku bon gobernashon no ta un meta riba su mes, pero un promesa na komunidat: “Un promesa di transparensia, siguridat hurídiko i enbolbimentu.” Segun gezaghèber muchu hopi biaha habitantenan tin e sintimentu ku gobièrnu ta laga nan na kaya. Esaki ta hasi daño na e konfiansa i e ta hasi gobernashon efektivo mas difísil. Gezaghèber ta spera ku den e próksimo añanan lo tin un gobernashon stabil. For di su ròl e ke kontribuí pa medio di edifiká un kultura konfiabel di gobernashon i  un infrastruktura atministrativo ku ta fasilitá bon gobernashon.

Siguridat

Komo esun ku ta karga responsabilidat final pa òrden públiko, Soliano a enfatisá e importansia di su kolaborashon ku polis, hustisia i partnernan di kadena pa manehá e desafionan grandi riba tereno di siguridat durante e aña tras di lomba. “Aunke nan medionan i nan forsa laboral ta limitá, nos polisnan ta traha duru pa manehá siguridat na nos isla. Pa esaki mi tin hopi apresio”, segun nos gezaghèber. Den su promé aña gezaghèber a hasi uso di medidanan drástiko manera área di riesgo di siguridat i supervishon ku kámara pa salbaguardiá òrden públiko. Soliano ta bisa ku e ta traha riba stabilisashon di e situashon i relashoná ku esaki e ta hasi un yamada riba nos komunidat pa kontribuí ku nan granito. Ta huntu nos ta edifiká siguridat.

Inklusividat komo norma

Segun Soliano, un Boneiru fuerte ta un Boneiru inklusivo, kaminda tur hende por sinti nan mes mirá, skuchá i apresiá. Teniendo kuenta ku un komunidat ku ta kambiando rápidamente, den su kòmbersashonnan i diskursonan den e aña tras di lomba, kada biaha gezaghèber a purba aksentuá balor di inklusividat. “Inklusividat no ta un proyekto, sino un sierto aktitut. E ta kuminsá na kon nos ta anda ku otro diariamente: ku rèspèt pa balor di kada hende”, segun gezaghèber Soliano.

Wak padilanti ku konfiansa

Gezaghèber ta ekspresá su apresio pa e manera ku nos komunidat a bras’é. “Ku gratitut mi ta wak bèk riba e konfiansa ku e komunidat akí a duna mi. Esaki ta duna mi energia pa sigui padilanti.” Ku speransa gezaghèber ta wak den direkshon di futuro: E tareanan ta grandi, pero e boluntat pa logra ta mas grandi. Laga nos sigui edifiká un demokrasia fuerte, un komunidat seif i un isla kaminda tur hende ta konta.”   

FUENTE: OLB/LIVE99FM

NEDERLANDS:

GEZAGHEBBER KIJKT TERUG OP EERSTE JAAR: “SAMEN BOUWEN AAN EEN VEILIG, INCLUSIEF EN SOLIDE BONAIRE”

Kralendijk –Op vrijdag 8 augustus 2025 stond gezaghebber John Soliano stil bij zijn eerste jaar in functie. Tijdens interviews bij verschillende media blikte hij terug op een voor hem intens, leerzaam en betekenisvol jaar: “Een jaar vol uitdagingen waarin ik veel heb gezien, geluisterd, geleerd én samengewerkt”, aldus de gezaghebber.

De gezaghebber sprak zijn dank uit voor de brede steun die hij vanuit de gemeenschap en ketenpartners heeft ontvangen, en benadrukte het belang van samenwerking als fundament voor vooruitgang.
Soliano greep de gelegenheid ook aan om vooruit te blikken op de komende jaren van zijn ambtstermijn. Voor hem staan drie thema’s centraal: goed bestuur, veiligheid en inclusiviteit.

Goed bestuur als belofte

Soliano onderstreepte dat goed bestuur geen doel op zich is, maar een belofte aan de samenleving: “Een belofte van rechtszekerheid en betrokkenheid.” Volgens hem hebben inwoners te vaak het gevoel dat de overheid hen in de steek laat. Dat schaadt het vertrouwen en maakt effectief besturen moeilijker. De gezaghebber hoopt op een stabiele bestuur in de komende jaren. Vanuit zijn rol wil hij bijdragen door te bouwen aan een betrouwbare bestuurscultuur en aan bestuurlijke infrastructuur dat goed bestuur faciliteert.

Veiligheid

Als eindverantwoordelijke voor openbare orde benadrukte Soliano het belang van zijn samenwerking met politie, justitie en ketenpartners voor het beheersen van de grote uitdagingen op het gebied van veiligheid in het afgelopen jaar. “Hoewel de middelen en menskracht beperkt zijn, werken onze politiemensen hard aan het beheersen van de veiligheid op ons eiland. Daar heb ik waardering voor”, aldus de gezaghebber. In zijn eerste jaar heeft de gezaghebber vergaande maatregelen zoals veiligheidsrisicogebieden en cameratoezicht ingezet om de openbare orde te waarborgen. Hij zegt te werken aan een stabilisatie van de situatie en roept daarbij de gemeenschap op om hun steentje bij te dragen. Veiligheid bouwen we samen.

Inclusiviteit als leidraad

Een sterk Bonaire is volgens Soliano een inclusief Bonaire, waar iedereen zich, gezien, gehoord en gewaardeerd kan voelen. Tegen de achtergrond van een snel veranderende samenleving, heeft de gezaghebber in zijn gesprekken en toespraken in het afgelopen jaar telkens geprobeerd de waarde van inclusiviteit te benadrukken. “Inclusiviteit is geen project, maar een bepaalde houding. Het begint bij hoe we dagelijks met elkaar omgaan: met respect voor eenieders waarde”, zei de gezaghebber.

Vooruitkijken met vertrouwen

De gezaghebber sprak ook zijn waardering uit voor de wijze waarop hij is omarmd door de gemeenschap.

“Ik kijk met dankbaarheid terug op het vertrouwen dat mij is gegund door deze gemeenschap. Dat geeft mij energie om vooruit te gaan.” De gezaghebber kijkt met hoop naar de toekomst: De opgaven zijn groot, maar de wil om te sagen is groter. Laten we blijven bouwen aan een sterke democratie, een veilige samenleving en een eiland waarin iedereen telt.”