FUIB LO HABRI SU TIENDA DI LEI PA IMIGRANTENAN PRONTO

Kralendijk,- Tur kos ta kla pa kuminsá. Solamente falta un hurista pa manehá e Rechtswinkel (Tienda di Lei). Fundashon Union di Imigrantenan Boneriano (FUIB) a logra haña garantia di fondonan Hulandes pa supsidíá e Tienda di Lei. FUIB tin su ofisina kaba, kaminda suskrito ántes tabatin su ofisina. Solamente mester di un hurista pa manehá y organisá e Tienda. Yama: 796 2650.

Di kon un Tienda di Lei apart di esun general (konosí komo ‘Lokèt Hurídiko’) ku a ser lantá poko tempu pasá? Ta pasobra lei y maneho di imigrashon ta un spesialidat. Lokèt Hurídiko mes tambe ta kontentu ku FUIB lo t’ei pronto. Pasobra nan ta konsiente ku nan por yuda imigrantenan pa kosnan general. Pero ora ta toka asuntunan di imigrashon, nan ta kontentu di por dirigí nan na FUIB su Tienda di Lei speshal pa asuntunan migratorio y asilo.

E asuntu di asilo ta difísil. Boneiru simplemente no tin lugá pa duna asilo na miles di hende ku mester buska refugio den otro pais, pasobra nan ta kore riesgo di pèrdè nan bida den nan propio pais. Por ehèmpel, Haiti. Tin masha hopi problema na Haiti, kaminda gobièrnu a pèrdè kòntròl, pasobra diferente ‘gang’ bon armá a tuma over poder. FUIB no ta kapas na e momentu aki pa hasi hopi, pero den futuro lo purba bira aktivo riba tereno di asilo tambe.

Kisas un kamind’i mei mei por ta ku Boneiru (ku yudansa di Hulanda) por duna un kantidat fiho di persona di Haití asilo, por ehèmpel 10 pa aña. Y 10 di otro pais tambe. Pero, kon ku bai bini, por lo pronto FUIB no tin ni e kapasidat ni e fondonan pa bira aktivo riba e tereno aki.

Pero awor FUIB sí por disponé di e fondonan pa yuda imigrantenan ku asuntunan migratorio, manera pèrmitnan, duna informashon y hiba kasonan den Korte ora ta nesesario. Y, hopi importante tambe, pa duna informashon na migrantenan y promové ku imigrantenan bira Boneriano, es desir pa nan siña Papiamentu y sikiera un tiki Hulandes. Y pa nan siña nos kustumbernan y pa respetá Boneiru, un isla bendishoná ku su hendenan humilde y kontentu.

E Himno di Boneiru ta e úniko himno na mundu ku ta yama su propio pueblo ‘humilde y semper kontentu’. Himnonan di tur otro pais ta papia over di ‘gloria, viktoria den guera, kurashi’ etc. Pero Boneriano ta yama nan mes ‘humilde y semper kontentu’. Kualkier persona honesto ta bon biní na Boneiru, pero respetá nos pueblo. 

FUENTE: MICHIEL BIJKERK,KONSEHERO DI FUIB

NEDERLAND:

FUIB OPENT BINNENKORT EEN RECHTSWINKEL VOOR IMMIGRANTEN

Kralendijk,- Alles staat klaar om van start te gaan. Er is alleen nog een jurist nodig om de Rechtswinkel te runnen. De ‘Fundashon Union di Imigrantenan Bonereano’ (FUIB) heeft hiervoor garanties gekregen van Nederlandse fondsen. FUIB beschikt al over een kantoor, namelijk alwaar ondergetekende vroeger kantoor hield. Er is nu enkel nog een jurist nodig om de Rechtswinkel te runnen. Bel: 796 2650.

Waarom een ​​aparte Rechtswinkel, naast de algemene Rechtswinkel (‘Lokèt Hurídiko’) die onlangs op Bonaire is opgericht? Omdat immigratierecht en beleid een specialisme is. Het bestaande ‘Lokèt Hurídiko’ is ook blij met de komst van FUIB; zij kunnen immigranten wel helpen met algemene juridische vragen, maar voor specifieke immigratiekwesties verwijzen zij hen graag door naar de FUIB-Rechtswinkel voor migratie- en asielzaken.

Asielbeleid is complex. Bonaire heeft simpelweg geen ruimte om asiel te bieden aan duizenden mensen die moeten vluchten, omdat zij in eigen land levensgevaar lopen. Denk aan Haïti. Daar is de situatie zeer problematisch, omdat de overheid de controle heeft verloren en zwaarbewapende bendes de macht hebben overgenomen. FUIB kan op dit moment nog niet veel betekenen op dit vlak, maar wil in de toekomst ook actief worden op het gebied van asiel.

Een tussenoplossing zou kunnen zijn dat Bonaire (met steun van Nederland) een vast aantal Haïtiaanse asielzoekers toelaat – bijvoorbeeld 10 per jaar, aangevuld met 10 personen uit andere landen. Vooralsnog beschikt FUIB echter noch over de capaciteit, noch over de middelen om op dit terrein actief te worden.

Wel beschikt FUIB inmiddels over de middelen om immigranten te ondersteunen bij migratievraagstukken, zoals het regelen van vergunningen, het verstrekken van juridische informatie en – waar nodig – het voeren van rechtszaken. En, ook zeer belangrijk, het verstrekken van algemene informatie aan migranten en hen stimuleren om Bonairiaan te worden – d.w.z. dat zij Papiaments en op zijn minst ook een beetje Nederlands leren. En ook onze gebruiken leren en respect tonen voor Bonaire, een gezegend eiland met een ‘bescheiden en gelukkige bevolking’.

Het volkslied van Bonaire is het enige ter wereld dat de eigen bevolking omschrijft als ‘bescheiden en altijd gelukkig’ (‘pueblo humilde semper kontentu’). De volksliederen van alle andere landen spreken over ‘glorie, overwinning in oorlog, moed’, enzovoort. Maar Bonairianen noemen zichzelf ‘bescheiden en altijd gelukkig’. Ieder oprecht mens is welkom op Bonaire, mits men respect toont voor onze bevolking.

Bonaire, 6 november 2026

Michiel Bijkerk,

Adviseur FUIB, 796 2650