SEKRETARIA DI USIBO TA PIDI KONSEHO INSULAR PA SKUCHA E PUEBLO.

Kralendijk,- Na apertura di aña di Konseho Insular den un video presentá, sekretaria di USIBO,
sra. Naidy Cicilia – Marchena ta trese su prekupashonnan di e pueblo dilanti.

Naidy ta pidi pa nos trata otro igual i respetá otro su opinion.

E ta haña hopi importante pa nos tin nos libertat i trato igual i ku nos por duna  nos opinion sin miedu na un manera respetuoso, pa asina nos por tuma desishonnan huntu.

Boneiru ta nifiká hopi pe, e ta haña importante e parti emoshonal di e pueblo i e status sosial ku e pueblo ta biba aden, e ke pa e pueblo bai dilanti huntu i e lo sigui yuda pa por logra esaki.

E ta pidi gobièrnu i konseho insular pa skucha, skucha nos pueblo.

Tambe e ta pidi dunadónan di trabou pa skucha nan trahadónan i visa versá.

E ta papia di e situashon finansiero i kosto di bida haltu ku e pueblo tin ku lucha kuné tur dia. E ta pidi hopi atenshon pa e situashon ku e pueblo ta biba aden. 

E pueblo mester di un trankilidat den e desaroyo ku Boneiru ta pasando aden.

Kòrda skucha e stèm di e pueblo, pa asina aki por traha riba nan petishonnan i nan prekupashon i nan dolórnan.

Ban dialogá mas ku otro i ban bini ku solushonnan huntu.

Huntu nos por uni, “ta nos tur mester tin e derecho riba un mihó trato”.

“DEN UNION TIN FORSA”.

FUENTE: SEKRETARIA DI USIBO. NAIDY CICILIA – MARCHENA/LIVE99FM