AFBW i USIBO RINDIENDO TRIBUTO RELASHONA KU FAYESIMENTU REPENTINO DI GEORGE HERNANDEZ, PRESIDENTE DI ABVO.

Kralendijk,- Presidente di AFBW alabes presidente di Union Sindikal Boneriano, USIBO, Cherel Kwidama, Konsehero i ko- fundadó di AFBW, Ewald Abdul i Konsehero i ko- fundadó di USIBO, Norwin “Nòchi” Willem, djarason 2 di sèptèmber a presentá pa duna rèspèt i kondolensia na sekretaria di direktiva di ABVO Boneiru, sra. Tafila Janga pa ku pèrdida inesperá di presidente di ABVO Boneiru, sr. George Hernandez.

Kada un palu sindikalista ku kai den pleno funshon mester ta un señal pa e klase trahadó realisá kon tin hende ta dediká nan bida pa otro i ta sali na defensa kargando tur e riesgonan i tambe soportando tur e krítikanan, pero tòg no ta entregá i ta keda firme den su mishon pa kumpli kuné. Kro sindikal George Hernandez sosegá na pas.

Komo un bon sòldá bo a bai for di e mundu aki kubo larsnan sindikal bisti. Na su kasá, yu i famia, pero tambe na e mundu sindikal di Kòrsou i Boneiru i miembronan di ABVO nos mas sinsero kondolensia i ku bon Dios yuda boso karga e peso inesperá ku boso ta konfrontando.

FUENTE: AFBW/LIVE99FM