ENTIDAT PÚBLIKO BONEIRU TA INVITÁ UN I TUR PA SELEBRÁ DIA DI BONEIRU 2026

Kralendijk –Ku orguyo Entidat Públiko Boneiru ta invitá pueblo di Boneiru i tur bishitante pa huntu selebrá nos dia nashonal. Riba djadumingu 6 di sèptèmber, nos ta selebrá Dia di Boneiru. Un dia spesial pa nos isla, kaminda nos ta bini huntu pa selebrá nos kultura, nos tradishonnan i tur loke ta hasi Boneiru spesial.

E aña akí nos ta selebrá un di nos símbolonan. Nos Eskudo ta kumpli 40 aña. Nos Eskudo ta un di e símbolonan ofisial di Boneiru, banda di nos Bandera i nos Himno. Nos Eskudo ta un símbolo di protekshon. Presisamente p’esei e lema di Dia di Boneiru e aña akí ta ‘Protehando nos isla’.

Pasobra ora bo stima algu, no ta sufisiente pa stim’é so, bo mester kuid’é
tambe. Nos tin ku kuida nos naturalesa, nos idioma papiamentu, nos kultura i
mas importante ainda, nos tin ku kuida otro.

E dia ta kuminsá parti mainta ku e programa ofisial. Pa 8.30 or e reunion solèm di Konseho Insular ta tuma lugá. Despues ta sigui e seremonia protokolar. Entre otro e parada uniformá, hisamentu di Bandera, kanta nos Himno i diferente diskurso. Tambe nos ta honra nos Siudadanonan di Honor.

For di 12.00 or e selebrashon ta sigui riba Plasa Reina Wilhelmina, kaminda pa grandi i chikí tin tur sorto di kos pa hasi. Bishitantenan por gosa di músika, kos di kome, kos di bebe, produkto lokal i diferente presentashon.

Entre otro Moka & Kids, Silver Bullet Steelband, Foyan Boyz, Palu Grandi, Semii Marten, Batanga i Doble R Puru ta subi esenario. Tambe Juliëndra Janga i Raiza Wilsoe, e ganadónan di Ban Kanta Bo Boneiru 2026, ta duna presentashon. Pa 23.45 or nos ta klousurá e selebrashon ku un bunita show di vürwèrk.

Dia di Boneiru ta un dia pa bini huntu, gosa, i duna honor na nos isla. Entidat Públiko Boneiru ta invitá tur hende pa riba 6 di sèptèmber selebrá Dia di Boneiru 2026.

Protehando nos isla.

FUENTE: OLB/LIVE99FM

NEDERLAND:

OPENBAAR LICHAAM BONAIRE NODIGT IEDEREEN UIT OM DIA DI BONEIRU 2026 TE VIEREN

Kralendijk – Met trots nodigt het Openbaar Lichaam Bonaire alle inwoners en bezoekers uit om samen onze nationale dag te vieren. Op zondag 6 september vieren we Dia di Boneiru. Een bijzondere dag voor ons eiland, waarop we samenkomen om onze cultuur, onze tradities en alles wat Bonaire bijzonder maakt te vieren.

Dit jaar staan we stil bij een van onze symbolen: het Wapen van Bonaire bestaat 40 jaar. Ons wapen is, naast onze vlag en ons volkslied, een van de officiële symbolen van Bonaire. Het staat symbool voor bescherming. Daarom is het thema van Dia di Boneiru dit jaar: ‘Protehando nos isla’ – ons eiland beschermen.

Want als je van iets houdt, is alleen liefde niet genoeg. Je moet er ook goed voor zorgen. We moeten onze natuur beschermen, onze taal Papiamentu en onze cultuur koesteren en, misschien wel het belangrijkste, goed voor elkaar zorgen.

De dag begint in de ochtend met het officiële programma. Om 8.30 uur vindt de plechtige vergadering van de Eilandsraad plaats. Daarna volgt de protocollaire ceremonie, met onder andere de geüniformeerde parade, het hijsen van de vlag, het zingen van het volkslied en verschillende toespraken. Ook worden onze Ereburgers gehuldigd.

Vanaf 12.00 uur gaat de viering verder op Plaza Reina Wilhelmina. Daar is voor jong en oud van alles te beleven. Bezoekers kunnen genieten van muziek, eten en drinken, lokale producten en verschillende optredens.

Op het podium staan onder andere Moka & Kids, Silver Bullet Steelband, Foyan Boyz, Palu Grandi, Semii Marten, Batanga en Doble R Puru. Ook Juliëndra Janga en Raiza Wilsoe, de winnaars van Ban Kanta Bo Boneiru 2026, treden op. Om 23.45 uur sluiten we de viering af met een mooie vuurwerkshow.