KONOSEMENTU INTERNASHONAL I KOPERASHON LOKAL TA FORTALESÉ LANTAMENTU DI FAMILY JUSTICE CENTER NA BONEIRU

Kralendijk – Resientemente, diputado Timoteo Silberie i un konsehero di maneho di Direktorado di Komunidat i Kuido di Entidat Públiko Boneiru, a partisipá na e Family Justice Center Capitol Hill Days & Leadership Summit na Washington D.C. Durante e enkuentro internashonal akí, a interkambiá konosementu tokante e maneho di violensia doméstiko, maltrato di mucha, maltrato di hende grandi i otro forma di violensia den famia.

E konosementu atkirí durante e enkuentro akí ta kuadra bon ku e proseso pa sigui traha pa funda un Family Justice Center (FJC) na Boneiru. Djamars 9 di yüni 2026, tabatin un enkuentro pa huntu ku e partnernan di kadena kuminsá traha na kon duna FJC forma den futuro.

Tabatin representante di KPCN, Guiami, Akseso, Zorg- en Veiligheidshuis, Krusada, Tabitha, Reclassering, Mental Health Caribbean (MHC) i Voogdijraad.

Durante e reunion a papia tokante:

– maneho konhunto di violensia doméstiko, maltrato di mucha i maltrato di hende grandi;

– kolaborashon entre diferente organisashon;

– preparashon di un akuerdo di kolaborashon;

– tur servicio i sosten ku e partnernan por ofresé for di FJC.

Family Justice Center lo bira un lugá sigur i aksesibel kaminda habitante por bai pa haña yudansa, protekshon i guia. Reuniendo diferente organisashon na e mes lokalidat, víktima i famia lo por risibí yudansa ku ta mihó i mas lihé.

“Nos no ta trahando solamente na un edifisio, sino prinsipalmente na un relashon di kolaborashon duradero kaminda duna yudansa, kuido i seguridat ta fortalesé otro. Finalisashon di Family Justice Center ta aserkando. Den e periodo ku ta bin, nos lo informá komunidat aktivamente tokante tur loke e sentro ta brinda i tokante importansia di señalamentu na tempu i sosten den kaso di violensia doméstiko i otro forma di abuso,” asina diputado Timoteo Silberie a deklará.

FUENTE: OLB/LIVE99FM

NEDERLAND:

INTERNATIONALE KENNIS EN LOKALE SAMENWERKING VERSTERKEN OPRICHTING FAMILY JUSTICE CENTER OP BONAIRE

Kralendijk – Onlangs namen gedeputeerde dhr. T. Silberie en een beleidsadviseur van de Directie Samenleving en Zorg van het Openbaar Lichaam Bonaire deel aan de Family Justice Center Capitol Hill Days & Leadership Summit in Washington D.C. Tijdens deze internationale bijeenkomst werd kennis uitgewisseld over de aanpak van huiselijk geweld, kindermishandeling, ouderenmishandeling en andere vormen van geweld binnen gezinnen.

De inzichten die tijdens deze bijeenkomst zijn opgedaan, sluiten goed aan bij de verdere oprichting van het Family Justice Center (FJC) op Bonaire. Dinsdag 9 Juni 2026 vond de kick-off bijeenkomst plaats met de ketenpartners die samen vorm gaan geven aan het toekomstige FJC.

Aanwezig waren vertegenwoordigers van KPCN, Guiami, Akseso, Zorg- en Veiligheidshuis, Krusada, Tabitha, Reclassering, Mental Health Caribbean (MHC) en de Voogdijraad.

Tijdens de bijeenkomst is gesproken over:

– de gezamenlijke aanpak van huiselijk geweld, kindermishandeling en ouderenmishandeling;

– de samenwerking tussen de verschillende organisaties;

– de voorbereiding van een samenwerkingsovereenkomst;

– de diensten en ondersteuning die partners vanuit het FJC kunnen aanbieden.

Het Family Justice Center wordt een veilige en toegankelijke plek waar inwoners terecht kunnen voor hulp, bescherming en begeleiding. Door verschillende organisaties samen te brengen op één locatie, kunnen slachtoffers en gezinnen sneller en beter worden geholpen.

“Wij bouwen niet alleen aan een gebouw, maar vooral aan een duurzaam samenwerkingsverband waarin hulpverlening, zorg en veiligheid elkaar versterken. De afronding van het Family Justice Center komt steeds dichterbij. In de komende periode informeren wij de gemeenschap actief over de mogelijkheden van het centrum en over het belang van vroegtijdige signalering en ondersteuning bij huiselijk geweld en andere vormen van misbruik,” aldus gedeputeerde dhr. T Silberie.