KOMPETENSIA DI LESA BOI ANTOIN

Kralendijk,- Dia 13 di yüni último, Fundashon Lesa Ta Dushi (FLTD) a organisá Kompetensia di Lesa Bòi Antoin pa 12 aña konsekutivo. Meta di e kompetensia akí ta pa stímulá lesamentu serka nos muchanan.

Na komienso di e aktividat, a hiba palabra presidente di (FLTD) sra. Mazarella Jansen ku a elaborá kòrtiku riba tur e aktividatnan ku (FLTD) ta hasi pa e muchanan akí Bonaire, i a para ketu na publikashon di e buki: Storia pa mucha skirbí pa nos hendenan, e buki aki a keda skirbí pa personan lokal ku a sigui un kurso na FLTD kon ta skirbi kuenta pa mucha. Esnan ku tin un kuenta den e buki ta:  Xiomar Blanca, Camla Crestian-Thomas, Ellen Ignacio, Rocío Chavez-Meza, Nina den Heyer, Valeska Finies, Suzette Bergland-Balentin, Ingrid Mercera, Fittipaldi Pietersz, Drusely Goeloe, Sharsy Anthony.

Sr. Diputado Timoteo Silberie a hiba palabra i a elogiá e trabou ku FLTD ta hasiendo pa e komunidat di Bonaire.

E di 12 Kompetensia di Lesa Bói Antoin tabatin 14 partisipante i sinku skol lokal ku a partisipá kual ta, IKC Kristu Bon Wardador, Skol Amplio Papa Cornes, Kolegio Rayo di Solo, Kolegio Strea Briante i IKC San Bernardo. Kua a kompetí den 3 diferente kategoria. Den kada kategoria huradonan a saka tres mihó lesadó di buki.

E ganadornan ta:

Kategoria 7 pa 8 aña

Promé lugá:Z’Jennah Winklaar, IKC San Bernado

 Di dos lugá: D’Jeanah Coffie, Skol Amplio Papa Cornes

 Di tres lugá: Daniell Estrella Prado, IKC Kristu Bon Wardadó.

Kategoria 9 pa 10 aña

 Promé lugá: Allaïa Polanco Rodriguez, IKC Kristu Bon wardadoor

 Di dos lugá: Xiannthe Winklaar, IKC San Bernardo.

 Di tres lugá: Evelyn Wu Zheng, Kolegio Rayo di Solo

Kategoria 11 pa 12 aña

 Promé lugá: T’Ziano Sillië Betorina, Skol Amplio Papa Cornes.

 Di dos lugá: Er’Chayon Vlijt, IKC San Bernardo

 Di tres lugá: Arantza Statie, IKC Kristu Bon Wardadó.

Durante e kompetensia, nos fundashon a presentá dos buki nobo pa mucha. E promé tabata “Storia pa mucha skirbí pa nos hendenan”. E di dos buki tabata “Fiesta di kosecha ántes / antaño” skirbí pa Monica MC Clarinda ku a presentá esaki den kompania di su subrina Alessia Clarinda.

Fundashon Lesa ta Dushi ta mira atras riba un aktividat éksitoso i kier yama danki na tur maestronan i mayornan ku a kurashá i prepará e muchanan pa partisipá. Un danki na nos miembronan di prensa ku tur aña di nobo ta kubri e evento aki i hasié popular bou di nos hóbennan. I na tur nos spònsernan: Stichting Professionele Kinderopvang Bonaire ( SPKB) ku ta pone nan edifisio na nos disposishon gratuitamente, Cargill Salt Bonaire ku ta FLTD su spònser mayoritario den e kompetensia akí, spesialmente sr. Daniel Deanda i Catalina Bonilla. Nos huradonan outor di buki, Delno ( Denchi) Tromp, Sharlon Willems i Giovanni Gijsbertha. Presidente di hurado tabata Sra. Niyana Faneite. Un danki na Sra. Monica Clarinda outor di e buki “Fiesta di Kosecha di ántes / antaño” ku a opsekiá un buki na tur partisipante i skolnan. Tambe Bói Antoin pa a regalá tur partisipante un buki di Kuifje na Papiamentu. 

FUENTE: DIREKTIVA DI FLTD/LIVE99FM