BONEIRU MERESE MIHOR

Kralendijk,- Frakshon di UPB a analisá e retiru di e dos diputadonan i por a konkluí ku señoranan Nina Den Heyer, Anjelica Cicilia i e pueblo di Boneiru meresé mihor.

Te ku dia di awe no tin ningún splikashon ni hustifikashon di parti di koalishon ku tin sentido di palabra pa e blunder ku a wòrdu kometé.

E kartanan di retiru boluntario immediato di e dos diputadonan Den Heyer i Cicilia tabata den poko palabra kla i raspa.

Den tur skina di komunidat ta palabranan di elògio solamente pa e dos damanan profesional aki ku a sá kumplí ku nan enkargo i a sirbí e pueblo di Boneiru.

Frakshon di UPB a konstata ku e dos damanan diputado tabata mas visibel den komunidat komo “vakgedeputeerden” ku e diputado polítiko mes, sr. Abraham.

Frakshon di UPB a sostené e nombramentu di tantu Nina Den Heyer i di Anjelica Cicilia dia ku a presentanan den Konselho Insular komo diputado. Den Heyer i Cicilia a gosa di konfiansa di frakshon di UPB. Ningun di e dos damanan profesional aki meresé e trato ku nan a risibí for di e koalishon. Un kos ta sigur: ni koalishon ni ningún hende no por tilda ningún di e dos eks-diputadonan aki di problemanan, stagnashon òf impedimentu ku tin den e aparato gubernamental.

For di último lunanan di aña 2024, gobièrnu a stop di tene rueda di prensa tur siman. Tabata visibel ku tabatin problemanan ku poko poko pero sigur tabata vislumbrando. CFT a informá Konselho Insular ku no por kontinua di e forma ku kosnan ta baiendo ku finansas públiko.

Sektor di konstrushon, kompanianan ku ta bende material di konstrushon, sektor hotelero i di turismo, sektor di peskeria a laga nan bos resona, pero gobièrnu no tin oído pa ningún hende.

Solamente pa e koalishon ku ta sostené gobièrnu i diputado Abraham tur kos ta na òrdu i no tin motibu pa preokupashon. I ya tur kos ta kla pa simplemente remplasá e dos damanan profesional ku otro diputadonan ku ya ta kla kaba pa tuma òver.

Líder di M21 a deklará públikamente ku su frakshon tabata kier pa tur tres diputado baha, pero e no a haña sosten di sobra di koalishon.

A usa e argumento ku koalishon no kier a sigui traha mas ku “vakgedeputeerden”, según e kart di retiru di e dos eks-diputadonan. Den apenas algun siman, koalishon a kambía di pensamentu i e disidí ku ta bai nombra otro “vakgedeputeerde” tók.

Frakshon di UPB ta gradisí Nina Den Heyer i Anjelica Cicilia pa nan trabou ku nan a hasi pa Boneiru i pa e período ku nos frakshon tabatin e plaser pa traha huntu riba nan plan- i proyektonan.

Boneiru ta manera un barku sin kapitan i sin rumbo. Liderato di Partido Demokátiko i e koalishon ta kambía kontinuamente di pensamentu i desishon dependiendo di e beis, terkedat òf “smoesjes” ku ta usa pa kore ku profesionalnan despues ku a kaba di usanan.

Frakshon di UPB ta felisità Nina Den Heyer i Anjelica Cicilia pa boso kompañerismo i lealtad na otro. Boso a para fuerte banda di otro i a demostrá madúres pa tuma e desishon pa asina kuida boso karákter i reputashon. Tin un dicho ta bisa: “Samen uit, samen thuis.” Den boso kaso e la bira: “Samen in en samen uit.”

Na nòmber di frakshon di UPB den Konselho Insular di Boneiru,

FUENTE: BENITO DIRKSZ LÍDER DI FRAKSHON UPB

NEDERLANDS:

BONAIRE VERDIENT BETER

Kralendijk,- De fractie van de UPB heeft het aftreden van de twee gedeputeerden geanalyseerd en is tot de conclusie gekomen dat mevrouw Nina Den Heyer, Anjelica Cicilia én het volk van Bonaire beter verdienen.

Tot op heden is er geen enkele uitleg of rechtvaardiging van de kant van de coalitie gekomen die hout snijdt over de blunder die is begaan.

De brieven van onmiddellijk vrijwillig ontslag van beide gedeputeerden Den Heyer en Cicilia waren in weinig woorden duidelijk en scherp.

In alle hoeken van de gemeenschap klinken woorden van lof, uitsluitend voor deze twee professionele dames die wisten hoe ze hun opdracht moesten uitvoeren en het volk van Bonaire hebben gediend.

De fractie van de UPB heeft vastgesteld dat deze twee vrouwelijke gedeputeerden zichtbaarder waren in de gemeenschap als “vakgedeputeerden” dan de politieke gedeputeerde zelf, de heer Abraham.

De fractie van de UPB heeft zowel de benoeming van Nina Den Heyer als van Anjelica Cicilia gesteund op de dag dat zij zich in de Eilandsraad presenteerden als gedeputeerde. Den Heyer en Cicilia genoten het vertrouwen van de UPB-fractie. Geen van deze twee professionele dames verdient de behandeling die zij van de coalitie hebben gekregen. Eén ding is zeker: noch de coalitie, noch iemand anders kan één van deze twee ex-gedeputeerden beschuldigen van de problemen, stagnatie en/of belemmeringen die bestaan binnen het overheidsapparaat.

Sinds de laatste maanden van 2024 is de regering gestopt met het wekelijks houden van persconferenties. Het was zichtbaar dat er problemen waren die langzaam maar zeker aan het licht kwamen. Het CFT heeft de Eilandsraad geïnformeerd dat men niet kan doorgaan op de manier waarop het nu gaat met de overheidsfinanciën.

De bouwsector, bedrijven die bouwmaterialen verkopen, de hotelsector en het toerisme, en de visserijsector hebben hun stem laten horen, maar de regering heeft voor niemand oor.

Voor de coalitie die de regering en gedeputeerde Abraham steunt, is alles in orde, is er geen reden tot bezorgdheid, en is alles al geregeld om de twee professionele dames simpelweg te vervangen door andere gedeputeerden die al klaarstaan om het over te nemen.

De leider van M21 heeft publiekelijk verklaard dat zijn fractie wilde dat alle drie gedeputeerden opstapten, maar hij kreeg hiervoor geen steun van de coalitie.

Het argument werd gebruikt dat de coalitie niet verder wilde werken met “vakgedeputeerden”, volgens de ontslagbrief van de twee ex-gedeputeerden. Binnen slechts enkele weken veranderde de coalitie echter van gedachten en besloot toch een andere “vakgedeputeerde” te benoemen.

De fractie van de UPB bedankt Nina Den Heyer en Anjelica Cicilia voor hun werk voor Bonaire en voor de periode waarin onze fractie het genoegen had om samen te werken aan hun plannen en projecten.

Bonaire lijkt op een schip zonder kapitein en zonder koers. Het leiderschap van de Democratische Partij en de coalitie verandert voortdurend van gedachten en beslissingen, afhankelijk van stemming, koppigheid en/of de “smoesjes” die worden gebruikt om professionals opzij te schuiven zodra men klaar met hen is.

De fractie van de UPB feliciteert Nina Den Heyer en Anjelica Cicilia met jullie kameraadschap en loyaliteit naar elkaar. Jullie hebben sterk naast elkaar gestaan en volwassenheid getoond door de beslissing te nemen om zo jullie karakter en reputatie te beschermen. Er is een gezegde dat luidt: “Samen uit, samen thuis.” In jullie geval is het geworden: “Samen in en samen uit.”

Namens de fractie van de UPB in de Eilandsraad van Bonaire,