PROGRAMA PILOTO KU TA HIBA E TÍTULO: E KAMINDA PA PROSPERIDAT.

 Kralendijk -Dia 21 di mei último Direktorado Komunidat i Kuido di entidat públiko Boneiru, den kuadro di e programa “Trahando riba Prosperidat i Bienestar di Boneiru” a produsí un programa piloto ku ta hiba e título ‘E kaminda pa prosperidat’.

E promé skol ku a partisipá na e programa piloto aki tabata BS de Pelikaan. Esaki ta un programa kreá i diseñá pa Financially Fit Kids Foundation. E programa aki ta konsistí di un lès ku durashon di un ora i mei spesialmente pa hóbennan di grupo shete i ocho di skolnan básiko.

Durante di e lès aki e hóbennan ta siña diferente faktor ku ta yuda nan manehá nan sèn (entrada) mihó. Poniendo enfoke riba sparmentu, kalkulá, tomo di desishon promé ku saka sèn na gastunan innesesario, invertí bo sèn pa e rende pa den futuro nan mes por logra nan soño i metanan.

Den un manera dibertido, edukativo i hopi interkambio a trese e temanan aki dilanti na e hóbennan.

E lès aki ta forma parti di un proyekto ku den su totalidat lo bai terminá den nos Siman di Sèn ku lo tuma lugá na luna di novèmber próksimo.

Meta di nos programa piloto ta pa hasi uso di e métodonan ku ta kumpli ku nos vishon pa nos hóbennan su futuro finansiero.

Dunando e programa nos por ahustá kaminda ta nesesario pa asina nos meta i vishon por kristalisá den un Boneiru ku hóbennan kla pa enfrentá nan futuro finansiero den un manera sano.

Nos por mira bèk riba un dia super informativo pa e hóbennan kaminda sigur nos a logra hasi un impakto, motivá i stimulá nan pa nan maneho di sèn por bira unu sano. For di spar te na invertí.

FUENTE: OLB/LIVE99FM

NEDERLANDS:

 PILOTPROGRAMMA MET ALS TITEL: DE WEG NAAR WELVAART

Kralendijk, – Op 21 mei jongstleden heeft de Directie Samenleving en Zorg van het Openbaar Lichaam Bonaire (OLB) in het kader van het programma Werken aan Welvaart en Welzijn van Bonaire een pilotprogramma uitgevoerd met als titel ‘De weg naar welvaart’.

De eerste school die heeft deelgenomen aan dit pilotprogramma was BS De Pelikaan. Dit is een programma dat door Financially Fit Kids Foundation is gecreëerd en ontworpen.

Het programma bestaat uit een les van anderhalf uur speciaal voor leerlingen van groep 7 en 8 van de basisschool.

Tijdens deze les leren de kinderen verschillende factoren die hen helpen om beter om te gaan met hun geld (inkomen).

Hierbij wordt de focus gelegd op sparen, uitgaven berekenen, beslissingen nemen voordat je geld uitgeeft aan onnodige zaken, en je geld investeren met rendement, zodat je in de toekomst je eigen dromen en doelen kan waarmaken. Op een leuke en leerzame manier en met veel interactie worden deze thema’s aangeboden aan de kinderen.

Deze les maakt deel uit van een project dat in zijn totaliteit zal eindigen tijdens onze Week van het Geld, die in november plaatsvindt.

Het doel van ons pilotprogramma is om gebruik te maken van de methoden die aansluiten bij onze visie op de financiële toekomst van onze kinderen.

Tijdens het programma kunnen wij waar nodig bijsturen, zodat ons doel en onze visie zich kunnen concretiseren in een Bonaire met kinderen die klaar zijn om hun financiële toekomst op een gezonde manier tegemoet te treden.

We kunnen terugkijken op een superinformatieve dag voor deze kinderen, waar wij er zeker in geslaagd zijn om impact te maken, en om hen te motiveren en te stimuleren om op een gezonde manier met hun geld om te gaan. Van sparen tot beleggen.