Redakshon
Kralendijk – Na okashon di e 40 aniversario di e Fondo Nashonal di Restorashon (Nationaal Restauratiefonds – NRF), diputado Anjelica Cicilia di Boneiru resientemente a hasi un bishita na e ofisina prinsipal di e instituto akí na Hulanda.
Riba invitashon di e fondo el a ekspresá su apresio pa e trabou ku e Fondo Nashonal di Restorashon a hasi durante e último dékadanan riba tereno di kuido di monumento – tantu na Hulanda Oropeo komo den e parti karibense di Reino.
‘E trabou di e Fondo Nashonal di Restorashon ta di balor inkalkulabel pa konservashon di nos patrimonio konhunto,’ segun Cicilia. ‘Nan dedikashon i ekspertisio ta esensial, prinsipalmente pa islanan manera Boneiru, kaminda e medionan finansiero ta limitá i e desafionan ta grandi.’
Durante su bishita enfátikamente e diputado a pidi atenshon pa situashon di e monumentonan na Boneiru. Hopi edifisio históriko ta den un estado deplorabel, i tin kestion di un retraso konsiderabel den mantenshon i redestinashon.
Tantu Entidat Públiko Boneiru komo nos komunidat lokal ta disponé di medionan finansiero limitá pa por rekuperá e retraso akí riba nan mes. Pa suprayá e problemátika akí den forma simbóliko, Cicilia a hasi entrega di un pùzel di e edifisio ikóniko di Passangrahan na e Fondo Nashonal di Restourashon, huntu ku un invitashon pa traha konhuntamente riba un solushon pa un mihó konservashon di patrimonio na nos isla.
‘Konservashon di monumento ta meskos ku trahamentu di un pùzel,’ asina Cicilia a bisa. ‘Kada pida ta konta un storia tokante nos historia kompartí. Solamente huntu nos por hasi e totalidat kompleto i sòru pa e patrimonio akí keda konservá.’
E Fondo Nashonal di Restorashon, ku ta aktivo for di aña 1985, ta sostené doñonan di monumento ku finansiamentu, konseho i konosementu. Na Boneiru tambe e fondo ta aktivo. Anteriormente nan a otorgá fiansa na Fundashon Cocari II pa restorashon di Kas di Sùr i Skol San Ludovico (Ludovicusschool) na Rincon.
Entretantu e edifisionan monumental akí a haña un funshon nobo komo akohida durante dia pa hende grandi.
E bishita di diputado Cicilia ta aksentuá importansia di kolaborashon pa konservá e patrimonio úniko di Boneiru – pa nos komunidat di awor í e generashonnan di futuro.
Esaki pasobra Boneiru su patrimonio ta forma un parti inseparabel di historia di henter Reino. E ta konta hopi storia di solidaridat, resiliensia i kultura, ku ta di balor pa nos tur – komo komunidat, komo pais i komo futuro konhunto.
Hans Jacobs di e Fondo Nashonal di Restorashon a bisa: ‘Tabata un plaser pa risibí diputado Cicilia serka nos.
Su enbolbimentu i e manera ku e ta trese e patrimonio di Boneiru bou di atenshon, a konmoví nos. Nos ta rekonosé e desafionan ku Boneiru ta enfrentá i gustosamente nos ta yuda pensa tokante kon pa solushoná e pùzel di patrimonio akí.
Huntu nos por sòru ku e patrimonio balioso den Hulanda Karibense akí tambe ta keda konservá pa futuro.’
FUENTE: OLB/LIVE99FM
NEDERLANDS:
GEDEPUTEERDE CICILIA BEZOEKT NATIONAAL RESTAURATIEFONDS: ‘ERFGOED OP BONAIRE VERDIENT MEER AANDACHT’
Kralendijk – Ter gelegenheid van het 40-jarig jubileum van het Nationaal Restauratiefonds (NRF) bracht gedeputeerde Anjelica Cicilia van Bonaire onlangs een bezoek aan het hoofdkantoor van het NRF in Nederland.
Op uitnodiging van het fonds sprak zij haar waardering uit voor het werk dat het NRF de afgelopen decennia heeft verricht op het gebied van monumentenzorg – zowel in Europees Nederland als in het Caribisch deel van het Koninkrijk.
“Het werk van het Nationaal Restauratiefonds is van onschatbare waarde voor het behoud van ons gezamenlijke erfgoed,” aldus Cicilia. “Hun inzet en expertise zijn essentieel, vooral voor eilanden als Bonaire, waar de middelen beperkt zijn en de uitdagingen groot.”
Tijdens haar bezoek vroeg de gedeputeerde nadrukkelijk aandacht voor de situatie van monumenten op Bonaire. Veel historische gebouwen verkeren in slechte staat, en er is sprake van een aanzienlijke achterstand in onderhoud en herbestemming.
Zowel het Openbaar Lichaam Bonaire (OLB) als de lokale gemeenschap beschikt over beperkte middelen om die achterstand zelfstandig in te halen. Om dit vraagstuk symbolisch te onderstrepen, overhandigde Cicilia een puzzel van het iconische Passangrahan-gebouw aan NRF, met de uitnodiging om samen te werken aan oplossingen voor beter erfgoedbehoud op het eiland.
“Het behoud van monumenten is als het leggen van een puzzel,” zei Cicilia. “Elk stukje vertelt een verhaal over onze gedeelde geschiedenis. Alleen samen kunnen we het geheel compleet maken en ervoor zorgen dat dit erfgoed behouden blijft.”
Het Nationaal Restauratiefonds, sinds 1985 actief, ondersteunt eigenaren van monumenten met financiering, advies en kennis.
Ook op Bonaire is het fonds actief. Zo zijn er eerder leningen verstrekt aan Stichting Cocari II voor het herstel van de Kas di Seur en de Ludovicusschool in Rincon. Deze monumentale panden hebben inmiddels een nieuwe functie gekregen als dagopvang voor ouderen.
Het bezoek van gedeputeerde Cicilia benadrukte het belang van samenwerking om het unieke erfgoed van Bonaire te behouden – voor de gemeenschap van nu én voor toekomstige generaties. Het erfgoed van Bonaire vormt immers een onlosmakelijk onderdeel van de geschiedenis van het gehele Koninkrijk. Het vertelt verhalen van verbondenheid, veerkracht en cultuur, die waardevol zijn voor ons allemaal – als samenleving, als land en als gezamenlijke toekomst.
Hans Jacobs, Nationaal Restauratiefonds: “Het was een genoegen om gedeputeerde Cicilia bij ons te ontvangen. Haar betrokkenheid en de manier waarop zij het erfgoed van Bonaire onder de aandacht brengt, raakte ons.
We herkennen de uitdagingen waar Bonaire voor staat en denken graag mee over het oplossen van deze erfgoedpuzzel.
Samen kunnen we ervoor zorgen dat ook dit waardevolle erfgoed in Caribisch Nederland behouden blijft voor de toekomst.”
GIPHY App Key not set. Please check settings