KONSEHO INSULAR TA APROBÁ LANTAMENTU DI OFISINA DI DERECHO DI SIUDADANO: UN LOKÈT PA HUSTISIA I TRANSPARENSIA NA BONEIRU

Kralendijk –  Ku orguyo Kolegio Ehekutivo di Boneiru ta anunsiá ku dia 27 di mei 2025 Konseho Insular a bai di akuerdo ku lantamentu di e Ofisina di Derecho di Siudadano. E lokèt nobo i independiente akí ta bai duna siudadanonan sosten na momentu di para pa nan derechonan den kontakto ku gobièrnu. Ku esaki a pone un paso importante den direkshon di un atministrashon públiko mas honesto, mas transparente i mas hustu na Boneiru.

Hustisia komo derecho básiko

Regularmente habitantenan di Boneiru ta eksperensiá sierto drèmpelnan ora nan ke entregá un keho, hasi opheshon òf bai den apelashon kontra desishonnan di instansianan di gobièrnu. Pa hopi hende e proseso akí ta kompliká, inaksesibel òf asta inalkansabel. ‘Nunka hustisia no mag dependé di ken bo konosé òf kuantu konosementu bo tin’, segun Kolegio Ehekutivo. ‘Ku e ofisina akí nos ke hasi derecho aksesibel pa tur hende – sin tene kuenta ku nan formashon, entrada òf bèkgrount.’

Fásilmente aksesibel i independiente

E Ofisina di Derecho di Siudadano ta ofresé akseso fásil i sin ningun gastu na konseho i sosten hurídiko, ku atenshon spesial pa gruponan vulnerabel. E ofisina ta bai operá kompletamente independiente, sin metementu di polítika òf gobièrnu. Esaki ta garantisá un sitio seif i neutral, kaminda ta skucha siudadanonan i duna nan sosten den nan búskeda pa hustisia.

Kiko e ofisina ta hasi eksaktamente?

E Ofisina di Derecho di Siudadano:

• ta yuda habitantenan ku entregamentu di keho, opheshon i apelashon kontra desishonnan di gobièrnu;
• ta informá siudadanonan tokante nan derechonan i proseduranan hurídiko;
• kaminda ta posibel ta intermediá entre siudadanonan i instansianan di gobièrnu;
• ta señalá puntonan problemátiko struktural den maneho i ehekushon, i ta raportá tokante esakinan na e outoridatnan kompetente. 

No ta intenshoná pa kaso penal òf disputa privá

E ofisina ta enfoká únikamente riba disputa entre siudadano i gobièrnu. Kasonan entre dos òf mas siudadano òf kestionnan di lei penal ta kai pafó di e pakete di tarea. Empresanan i otro personanan hurídiko tampoko no por hasi uso di servisio di e Ofisina. 

 

Aserkamentu den fase den direkshon di aña 2026

E implementashon lo kana paso pa paso. Den e promé kuartal a kuminsá ku formulashon di e kuadro di maneho i e finansiamentu. Awor ta sigui pa reklutá personal i drechamentu di e lokètnan. E servisio efektivo ta kuminsá ku un fase piloto den e di tres kuartal di e aña akí. E apertura ofisial i servisio mas amplio ta planiá pa e di kuater kuartal. 

Un logro importante pa bon gobernashon

Kolegio Ehekutivo ta aksentuá ku e desaroyo akí ta kuadra ku un ambishon mas amplio pa mehorá servisio públiko na Boneiru i pa hasi nos siudadanonan mas fuerte den nan posishon hurídiko. ‘Konfiansa den gobièrnu ta kuminsá ku e derecho pa ser skuchá. Ku e Ofisina di Derecho di Siudadano nos ta duna e konfiansa akí un base sólido.’

Huntu pa un Boneiru mas hustu

Kolegio Ehekutivo ta gradisí Konseho Insular pa e konfiansa i ta hasi un yamada riba nos siudadanonan pa aworó hasi uso aktivamente di e ofisina, asina ku e bira operashonal. Den e lunanan binidero ta sigui mas informashon tokante e apertura i e servisio. 

Pa mas informashon:
Kolegio Ehekutivo di Boneiru
Departamento di Komunikashon
✉ communicatie@bonairegov.com
📞 +599 715 5330
🌐 www.bonairegov.com

FUENTE: KOLEGIO EHEKUTIVO DI BONEIRU/LIVE99FM

NEDERLANDS:

EILANDSRAAD STELT OPRICHTING BUREAU BURGERRECHTEN VAST: EEN NIEUW LOKET VOOR RECHTVAARDIGHEID EN TRANSPARANTIE OP BONAIRE

Kralendijk – Het Bestuurscollege van Bonaire maakt met trots bekend dat de Eilandsraad op 27 Mei 2025 heeft ingestemd met de oprichting van het Bureau Burgerrechten. Dit nieuwe, onafhankelijke loket zal burgers ondersteunen bij het opkomen voor hun rechten in het contact met de overheid. Daarmee wordt een belangrijke stap gezet naar een eerlijker, transparanter en rechtvaardiger openbaar bestuur op Bonaire.

Rechtvaardigheid als basisrecht

Inwoners van Bonaire ervaren regelmatig drempels wanneer zij een klacht willen indienen, bezwaar willen maken of in beroep willen gaan tegen besluiten van overheidsinstanties. Voor veel mensen voelt dit proces ingewikkeld, ontoegankelijk of zelfs onbereikbaar. “Rechtvaardigheid mag nooit afhangen van wie je kent of hoeveel je weet,” aldus het Bestuurscollege. “Met dit bureau willen wij recht toegankelijk maken voor iedereen – ongeacht opleiding, inkomen of achtergrond.”

Laagdrempelig en onafhankelijk

Het Bureau Burgerrechten biedt een laagdrempelige en kosteloze toegang tot juridisch advies en ondersteuning, met bijzondere aandacht voor kwetsbare groepen. Het bureau zal volledig onafhankelijk opereren, zonder inmenging van politiek of bestuur. Dit garandeert een veilige en neutrale plek waar burgers gehoord worden en ondersteuning krijgen in hun zoektocht naar gerechtigheid.

Wat doet het bureau precies?

Het Bureau Burgerrechten:

• Helpt inwoners bij het indienen van klachten, bezwaar en beroep tegen overheidsbesluiten;
• Informeert burgers over hun rechten en juridische procedures;
• Bemiddelt waar mogelijk tussen burgers en overheidsinstanties;
• Signaleert structurele knelpunten in beleid en uitvoering, en rapporteert deze aan de bevoegde autoriteiten.

Niet bedoeld voor strafzaken of privégeschillen

Het Bureau richt zich uitsluitend op geschillen tussen burgers en de overheid. Zaken tussen burgers onderling of strafrechtelijke kwesties vallen buiten het takenpakket. Ook bedrijven en andere rechtspersonen kunnen geen gebruik maken van de diensten van het Bureau.

Gefaseerde aanpak richting 2026

De uitvoering zal stapsgewijs verlopen. In het eerste kwartaal is gestart met het opstellen van het beleidskader en de financiering. Nu volgt de personeelswerving en inrichting van de loketten. De daadwerkelijke dienstverlening begint met een pilotfase in het derde kwartaal van dit jaar. De officiële opening en bredere dienstverlening zijn gepland voor het vierde kwartaal.

Een mijlpaal voor goed bestuur

Het Bestuurscollege benadrukt dat deze ontwikkeling past in een bredere ambitie om de publieke dienstverlening op Bonaire te verbeteren en burgers sterker te maken in hun rechtspositie. “Het vertrouwen in de overheid begint bij het recht om gehoord te worden. Met het Bureau Burgerrechten geven we dat vertrouwen een stevig fundament.”

Samen naar een rechtvaardiger Bonaire

Het Bestuurscollege bedankt de Eilandsraad voor het vertrouwen en roept burgers op om het bureau straks actief te gebruiken zodra het operationeel is. In de komende maanden volgt meer informatie over de opening en dienstverlening.

Voor meer informatie:
Bestuurscollege Bonaire
Communicatieafdeling
✉ communicatie@bonairegov.com
📞 +599 715 5330
🌐 www.bonairegov.com