KPCN TA ATVERTÍ PA TENE KUIDOU KU GANASHI FALSU DI LOTERIA VIA FACEBOOK.

Kralendijk,- Ku e anunsio aki Kuerpo Polisial Hulanda Karibense (KPCN) ke atvertí públiko tokante un estafa ku aktualmente ta tuma lugá via Facebook.

Tin un página di Facebook ku ta pretendé ku por gana un premio máksimo garantisá di kuater sifra den e loterianan ‘Wega di number Boneiru’ òf ‘Wega di number Kòrsou’. E estafadónan aki lo asta bai asina leu di manda bo un bon ganadó.

Despues lo pidi bo pa paga un montante pa bo por risibí e premio, ku nan ta pretendé ku ta entre 75.000 i 90.000 florin. Despues di e promé pago, hopi bia ta sigui petishonnan nobo pa hasi pago, supuestamente pa kubri gastunan atministrativo òf belasting.

E kontakto kasi semper ta tuma lugá ku un persona ku ta papia spañó. Tambe ta manda karta ku logo di Maduro & Curiel’s Bank òf Ministerio di Finansa di Kòrsou, pa hasi e estafa mustra mas kreibel.

Tene na kuenta: niun hende por garantisá ku bo ta gana e premio mayó di loteria, sigur no via di Facebook.

KPCN ta hasi un yamada na un i tur pa ta alerta i no transferí sèn pa hendenan deskonosí ku ta hasi tipo di promesanan asina. E aña aki so, tabatin alrededor di dies notifikashon di víktimanan di e froude aki.

Bo tin algun duda òf a aserká bo di e forma deskribí ariba? Por fabor tuma kontakto mesora ku polis na 715-8000 òf mèldu esaki via www.politiecn.com.

Huntu nos ta tene Hulanda Karibense seif.

Bo a mira algu sospechoso? Yama 717 8000 òf e liña di tep anónimo 9310.

FUENTE: KPCN/LIVE99FM

NEDERLANDS:

KPCN WAARSCHUWT OM OP TE LETTEN VOOR VALSE LOTERIJWINSTEN VIA FACEBOOK

Kralendijk,- Middels deze mededeling wil het Korps Politie Caribisch Nederland (KPCN) het publiek waarschuwen voor een oplichterstruc die momenteel via Facebook wordt verspreid.

Er circuleert een pagina op Facebook die beweert dat men gegarandeerd de viercijferige hoofdprijs kan winnen van de loterijen ‘Wega di number Boneiru’ of ‘Wega di number Kòrsou’.

Deze oplichters gaan zelfs zo ver dat ze u een zogenaamd winnend lot toesturen. Vervolgens wordt u gevraagd om een bedrag te betalen om de zogenaamde prijs, die volgens hen tussen de 75.000 en 90.000 gulden bedraagt, te kunnen ontvangen. Na de eerste betaling volgen vaak nieuwe verzoeken om geld, zogenaamd om administratiekosten of belastingen te dekken.

Het contact verloopt vrijwel altijd via iemand die Spaans spreekt. Ook worden brieven gestuurd met het logo van Maduro & Curiel’s Bank of het Ministerie van Financiën van Curaçao, om de oplichting geloofwaardiger te laten lijken.

Let op: niemand kan garanderen dat u de hoofdprijs van een loterij wint en zeker niet via Facebook.

KPCN roept iedereen op om alert te zijn en geen geld over te maken aan onbekenden die dit soort beloften doen. Alleen dit jaar al zijn er rond de tien meldingen gedaan van slachtoffers van deze fraude.

Heeft u twijfels of bent u benaderd door dergelijke personen? Neem dan direct contact op met de politie via 715-8000 of meld het via www.politiecn.com.

Samen houden we Caribisch Nederland veilig.

Heeft u iets verdachts gezien? Bel 911 of 717 8000 of de anonieme tip lijn 9310.