KOLEGIO EHEKUTIVO DI BONEIRU TA BATI ALARMA TOKANTE KRIMINALIDAT I MANTENSHON DI LEI YAMADA NA REINO: FORTIFIKASHON STRUKTURAL I TRATO IGUAL TA NESESARIO 

Kralendijk – Pa medio di un karta Kolegio Ehekutivo di Entidat Públiko Boneiru a pone Minister di Hustisia i Siguridat na altura di su preokupashon serio tokante e kriminalidat ku ta oumentando i e defisiensianan struktural pa loke ta trata mantenshon di lei na nos isla.

E karta ta motibu pa un súplika urgente na Gobièrnu di Reino pa mesora tuma medida struktural.

Kriminalidat na Boneiru ta mustra un oumento preokupante, en partikular ora ta trata di krímen violento kaminda nan ta hasi uso di arma (di kandela).

E análisis resien di imágen di kriminalidat di Kuerpo Polisial Hulanda Karibense (KPCN) i e rapòrt Staat van de rechtshandhaving Caribisch Nederland 2024 – Estado di mantenshon di lei Hulanda Karibense 2024 ta konfirmá e imágen akí.

E Konseho pa Mantenshon di Lei (Raad voor de Rechtshandhaving) ta papia di un situashon ‘sumamente preokupante’, tambe pa motibu di e falta struktural di personal na polis, Koninklijke Marechaussee (KMar) i Instituto Hudisial Hulanda Karibense (Justitiële Inrichting Caribisch Nederland – JICN).

Skarsedat di kapasidat i trato desigual

Konseho Ehekutivo ta bisa ku mantenshon di òrden públiko i siguridat ta na peliger pa motibu ku servisionan esensial ta konfrontá skarsedat króniko di personal. Nan ta sinti falta tambe di maneho integral, akshon ku enfoke riba informashon i kolaborashon entre e servisionan. Banda di esaki tin kestion di un desigualdat kresiente den kondishonnan laboral. Esaki ta mina nan moral i ta kondusí na un situashon kaminda e personal ta bandoná servisio.

No tin vishon nobo, pero falta di akshon sí tin

‘Pa hopi aña kaba e problemanan akí ta konosé serka e ministerionan di Hustisia i Siguridat i di Asuntunan Interno i serka Representante di Reino. Tòg nan no ta tuma medida struktural. No ta pa motibu di falta di konosementu, pero di determinashon gubernamental atministrativo’, segun Kolegio Ehekutivo.

Yamada na Minister di Hustisio i Siguridat

Den e karta ku nan a manda, Kolegio Ehekutivo ta hasi un yamada na Minister di Hustisia i Siguridat pa:

• realisá fortifikashon struktural di polis, marechaussee i e instituto hudisial;
• eliminá e trato desigual di personal lokal;
• mehorá e kolaborashon entre e servisionan pa medio di dunamentu di guia na un manera integral i traha den un forma kaminda ta eliminá separashon i fomentá integrashon.

Kolegio Ehekutivo ta konta ku un reakshon konkreto di parti di Reino dentro di dos luna.

FUENTE: OLB/LIVE99FM

NEDERLANDS:

BESTUURSCOLLEGE BONAIRE LUIDT NOODKLOK OVER CRIMINALITEIT EN RECHTSHANDHAVING OPROEP AAN RIJK: STRUCTURELE VERSTERKING EN GELIJKE BEHANDELING NODIG

Kralendijk – Het Bestuurscollege van het Openbaar Lichaam Bonaire heeft per brief zijn ernstige zorgen kenbaar gemaakt aan de Minister van Justitie en Veiligheid over de toenemende criminaliteit en structurele tekortkomingen in de rechtshandhaving op het eiland.

De brief is aanleiding tot een dringend verzoek aan de Rijksoverheid om per direct structurele maatregelen te treffen.

De criminaliteit op Bonaire vertoont een verontrustende toename, met name als het gaat om geweldsdelicten waarbij (vuur)wapens worden gebruikt.

De recente criminaliteitsbeeldanalyse van het Korps Politie Caribisch Nederland (KPCN) en het rapport Staat van de rechtshandhaving Caribisch Nederland 2024 bevestigen dit beeld. De Raad voor de Rechtshandhaving spreekt van een “uitermate zorgelijke” situatie, mede vanwege de structurele onderbezetting bij de politie, de Koninklijke Marechaussee (KMar) en de Justitiële Inrichting Caribisch Nederland (JICN).

Capaciteitstekort en ongelijke behandeling

Het Bestuurscollege stelt dat de handhaving van de openbare orde en veiligheid in gevaar komt doordat essentiële diensten kampen met chronisch personeelstekort. Ook ontbreekt het aan integrale sturing, informatiegestuurd optreden en samenwerking tussen de diensten. Daarnaast is er sprake van een groeiende ongelijkheid in arbeidsvoorwaarden. Dit ondermijnt het moreel en leidt tot uitstroom van personeel.

Geen nieuwe inzichten, wel uitblijvende actie

“De problemen zijn al jarenlang bekend bij de ministeries van Justitie en Veiligheid en Binnenlandse Zaken, en bij de Rijksvertegenwoordiger. Toch blijven structurele maatregelen uit. Het ontbreekt niet aan kennis, maar aan bestuurlijke daadkracht”, aldus het Bestuurscollege.

Oproep aan de Minister van Justitie en Veiligheid

In de verzonden brief roept het Bestuurscollege de Minister van Justitie en Veiligheid op om:

• structurele versterking van politie, marechaussee en justitiële inrichting te realiseren;
• de ongelijke behandeling van lokaal personeel op te heffen;
• de samenwerking tussen diensten te verbeteren via integrale aansturing en ontschot werken;

Het Bestuurscollege rekent op een concrete reactie van het Rijk binnen twee maanden.