SINDIKATONAN A UNI PA SELEBRÁ DIA DI OBRERO.

Kralendijk,- E idea pa konhuntamente selebrá e dia aki ta un inisiativa di Sindikato ABVO.

Dia 1 di mei Dia di Obrero, konosí komo Dia di Labor òf Dia Internashonal di Trahadó, ta un dia liber pa lei, na Boneiru.

Dia di Obrero ta kai anualmente, den mayoria di pais, riba dia promé di mei. E ta e dia ku ta konmemorá tur baluarte ku a lucha pa mehorá kondishonnan di trabou i duna balor na sindikatonan di tur sektor

Sindikatonan uní ta organisá un “Drive Tru” na Kas Sindikal di AFBW for di 11or di mainta te ku 2or di atardi.

Miembronan di kada sindikato lo risibí durante di e dianan binidero nan “voucher” pa por pasa na e “Drive Thru” sindikal.

Tambe tin oportunidat pa sosialisá ku entre otro ku lidernan sindikal di e sindikatonan uni.

Uni nos ta vense esaki ta nos lema pa ku nos selebrashon di dia di Obrero.

FUENTE: ABVO/LIVE99FM