Redakshon
Kralendijk – Ku asombro mi a tuma nota di desertashon i komunikado di algun Konsehal den ultimo siman nan. Asina mi por a tuma nota ku den ultimo siman nan MPB ta vosifera un kantidat di ekspreshon ku no ta kuadra ku e berdat ku ya kaba a wordu diskuti, prueba I deskarta den dokumento veridiko i debate den Konseho Insular.
Komo suidadano esaki ta preokupami paso, komo Pueblo nos mester por konta ariba ku nos representante nan den Konseho Insular ta hasi nan trabou di Buena fe i abase di echos. Konsehal nan mester tuma nan trabou na serio, I no hasi politika barata ku dolo nan di nos pueblo.
Gobernashon di nos isla ta di nos tur komo suidadano di Boneiru.
P’esei komo un suidadano boneriano interesa den desaroyo di mi isla, mi ta sigui politika i gobernashon di Boneiru. Mi ta sigui mayoria pa tur reunion den Konseho Insular p’ami ta na haltura di kiko ta pasa riba mi dushi isla, paso Boneiru ta nos! Asina mi a keda sumamente asombra ku lider Politiko di MPB, Sr. Hennyson Thielman, a duna di konose na su entrada den Konseo Insular ku Gobiernu tin obligashon di Garantia ku aerolifia ekstranhero.
Etopiko aki a subi mesa kaba aria pasa oktober, den tratamentu di presupuesto 2025, kaminda a splika ku desde inisio di 2023 TCB a firma varies akuerdo di Garantia di Entrada ku aerolifia, ku si akaso nan no paga, lo trese situashon finansiero drastiko pa TCB. Dene mesun debate tambe a splika ku Gobiernu di Boneiru pa lei, no por hasi fiansa ni fia, i ku pa e mesun regla ei no por para Garantia tampoko.
Por sierto, e montante di Garantia nan aki no ta den presupuesto di 2023, 2024 ni 2025 I tampoko den kuentanan annual di 2023. Awor si, akaso senor Thielman komo eks diputado di Finansas, no sa esaki mi ta aun mas preokupa.
Pero na otro banda, ku e tipo di maneho aki, mi ta kompronde miho dikon pa aria 2023, ku tabata bou di maneho di senor Thielman, Gobiemu mester a sera aria ku un defisit di 3.5 MION doter. Tambe mi a tuma nota ku MPB a saka un komunikado ku Gobiernu di Boneiru mester supsidia preis di koriente. Awor, esaki tambe a wordu trata kaba den Konseho Insular.
Ela wordu hasta inklui den e presupuesto di 2025. E supisidio riba vastrecht di koriente ku Gobiernu di Hulanda a introdusi den COVID a termina, tabata algu kutabata sa delanta. Por sierto esaki tin efekto riba e preis ku mester paga. Pero, den presupuesto di 2025 tin montante reserva pa supsidio di Gobiernu di Boneiru pa esnan ku no tin forsa pa paga esaki, maximaal USD 1300,- pa kada hogar. Alabes, Kolegio Ehekutivo a reserva USD 2.5
MION pa inberti komo supsidio den panela solar na kas di nos habitantenan, pa alivia e dolo di nos pueblo na un manera struktural. Komo suidadano si bo kier ta bon informa bo por asta subi website di ACM, kualta euniko instansia ku mag stipula e prijs di tantu
koriente I awa. Prijsnan ta wordu figa tur prome di januari I prome di juli di kada afia . For di 1 januari 2025 prijs di koriente pa KWH a asta baha di $0.36 bai $0.31. Awor, si ami mes komo suidadano simple sa esaki, konbini KonsehalThielman no sa? Of e sa masha bon pero simplemente ta skohe di hasi politika barata? Nos pueblo merese miho.
Konsehal nan mester tuma nan trabou den Konseho Insular mas na serio, no tin nodi di hasi politika barata ku dolo di pueblo.
FUENTE: SUIDADANO PREOKUPA
GIPHY App Key not set. Please check settings