Redakshon
KRALENDIJK–Fittipaldi Pietersz fin di siman ku a pasa a pusta ku motosaikel na South Georgia Motorsports Park. Ya pa hopi aña Fittipaldi ta pusta na e pista na Merka i karedanan organisa pa Manufacturers Mancup Racing.
Fittipaldi ta konta su eksperensia di e karedanan. “Generalmente a bai bon. Normalmente tin un test for di djaweps pa spesialmente hendenan ku motosaikel nobo of si a hasi kambio pa nan por test. Esaki pa motibu di mal tempu no a tuma lugá.
Djabierne mainta tabatin oportunidat pa test, mi a probecha mas tantu posibel, loke tabata importante pami. Esaki debi ku mi a hasi diferente kabio na e motosaikel, pues test tabata nesesario. Riba e djabierne atardi lat tabata klasifikashon i el a bai kasi serka di loke mi a pensa.
Djasabra tabatin 1 test den kada kategoria i nan a bai bon i atardi lat riba e mes un dia mi a gana e prome kareda den e kategoria di Pro ET. E mesun atardi mi a perde e prome kareda den e kategoria di Street ET. Djadumingu mi a bolbe perde den e kategoria di Street ET i gana den esun di Pro ET, ku no ta un kategoria fasil, den mi kaso ku mi motosaikel.
Den e kategoria nan ta uza tur sorto di kos elektroniko, djis un ehempel, nan ta usa sistema di klutch outomatiko i kos ku ta kontrola e lus na salida, pues e shafur praktikamente mester solamente tene stur i e sistema di kompiuter riba e motosaikel ta hasi tur kos.
Den mi kaso, ami mester hasi tur kos manual i esei ta rekeri hopi esfuerso pa un bon salida, ku mayoria biaha, no ta meskos, kompara ku esun outomatiko. Un Koredo di motosaikel ta kompronde mas fasil, kiko esei ta nifika.
Di tur manera asina e kosnan a bai i mi a pèrdè e di tres buelta tambe. Mi ta konforme ku e resultado, apesar ku mi parti kompetensia no tabata asina fuerte. Mi sa kiko ta e kosnan ku mi mester duna atenshon i pa mi ta mas kompetitivo e siguiente kareda.
Mi sa ku e koredonan na Merka ta hopi bon i si bo no ta stabil, bo no ta gana nan. Fittipaldi Racing Bonaire ta yama danki na INDEBON/Gobiernu di Boneiru, NAPA, Premier Batteries Platinum na Merka, pa mi biaha pa Valdosta Georgia tabata posibel i e kompetensianan.
Algun potret di ami i e motosaikel durante wikènt ku a pasa na Adel, South Georgia Motorsports Park.
FUENTE: FITTIPALDI/LIVE99FM
GIPHY App Key not set. Please check settings