AKTUALISASHON DEN E ‘ORDENANSA DI BIBIENDA BONEIRU’: MEDIDA PA REDUSÍ E FALTA DI BIBIENDA PAGABEL NA BONEIRU.

Kralendijk,- Durante e reunion di Komishon Fiho di Planifikashon i Desaroyo ku a tuma lugá dia 28 di novèmber 2024, a presentá un nota di inisio di Ordenansa di Bibienda na Konseho Insular.

Esaki ta forma e base pa elaborashon mas aleu di e medida akí. Intervenshon den e merkado no ta un meta riba su mes, sino un medida pa redusí e falta di bibienda pagabel na Boneiru. E meta konkreto ta. un repartishon balansá di espasio pa biba, pa  hasi posibel  duna hende ku tin un laso sosial ku nos isla preferensia na momentu di kompra di un bibienda.

Den e lunanan tras di lomba Kolegio Ehekutivo a konsultá ku vários stakeholder pa loke ta trata elaborashon di e kondishon di e Ordenansa di Bibienda planiá pa Boneiru.

E kondishonnan konkreto ku a  presentá ta:

• 5 aña di residensia sin interupshon den e último 10 aña;
• Laso sosial konforme e definishon komo yu di nos isla;
• E ordenansa lo ta vigente pa bibienda ku un balor di merkado te ku 175% di e garantia di hipotek. Aktualmente e garantia di hipotek pa Boneiru konosé un suma límite di 305.000 USD. Loke ta nifiká ku e ordenansa ta konta pa bibienda te ku $533,750. No tin restrikshon pa bibienda riba e montante aki i e merkado liber ta keda liber pa esaki.

Punto di preokupashon i atenshon di merkado

Durante e konsultanan a surgi algun punto konkreto di preokupashon i atenshon, manera:

• Altura di e suma máksimo palabrá : ‘Stakeholders’ ta konsehá pa revisá i posiblemente redusí e montante máksimo pa e ta mihó pa e merkado lokal.

• Periodo di benta: No tin un límite stipulá ainda pa kuantu tempu un kas mester ta na benta denter di e ordenansa. Ta konsiderando pa pone un término máksimopa esaki.

• Destinashon área di biba: Tin preokupashon tokante si e ordenansa ta bai konta tambe pa por ehèmpel áreanan ku e destinashon ‘Mesklá’. Partikularmente pa motibu ku hospedahe rekreativo ta posibel den e destinashon akí. Ta importante pa enfatisá ku e regulashon ta enfoká prinsipalmente riba ‘área di biba’.

Kiko esaki ta nifiká pa e residentenan?

Si adoptá e regulashon aki, personanan ku un laso sosial ku Boneiru lo haña prioridat na momentu di kumpra un kas te ku USD 533.750. Esaki ta nifiká ku invershonistanan òf residentenan nobo sin lasonan di largu plaso ku e isla no por simplemente kumpra kasnan den e rango di preis aki. Esaki ta kontribuí na un distribushon mas hustu di bibienda i ta hasié mas fásil pa residentenan lokal haña bibienda pagabel.

Nos ke tende di bo!

Anteriormente a hasi un yamada na nos pueblo pa laga tende di nan tambe pa e konsulta akí. Lamentablemente te ku awe tiki reakshon a drenta. Diputado Cicilia ta enfatisá ku ta hopi importante pa kompartí puntonan di atenshon si tin esakinan, di manera ku ainda por inkluí esakinan  mas aleu di e kondishonnan. Pa awor, e planifikashon ta pa den e di dos kuartal di aña 2025 bolbe bai Konseho Insular ku un kontinuashon riba e nota di inisio ku a keda tratá anteriormente. “Tin tempu i espasio pues ainda pa input. Hasi uso di e oportunidat akí!”, segun diputado Anjelica Cicilia.

📌 Por tira bista den e nota di inisio Ordenansa di Bibienda via wèpsait di Konseho Insular: www.KonsehoInsular.org.

📩 Kompartí bo opinion – Den kaso ku komo habitante òf interesado bo tambe ke bisa algu tokante e nota di inisio akí,  esei ta posibel pa medio di manda un imeil na Kontami@Bonairegov.com ku den e título un referensia na e nota di inisio Ordenansa di Bibienda. 

Bo opinion ta konta! Probechá di e oportunidat aki pa influensiá e futuro di e merkado di bibienda na Boneiru.   

FUENTE: OLB/LIVE99FM

NEDERLANDS:

UPDATE OP DE HUISVESTINGSVERORDENING BONAIRE: MAATREGELEN OM BETAALBARE WONINGEN TOEGANKELIJKER TE MAKEN

Kralendijk,- De startnotitie Huisvestingsverordening, gepresenteerd op 28 november 2024 aan de Eilandsraad tijdens de Vaste Commissie Ruimte & Ontwikkeling, vormt de basis voor de verdere uitwerking van deze maatregel.

Het doel is niet om de woningmarkt te beperken, maar om het tekort aan betaalbare woningen op Bonaire terug te dringen. De kern van de maatregel is een evenwichtige verdeling van woonruimte, waarbij inwoners met een maatschappelijke band met Bonaire voorrang krijgen bij de aankoop van een woning.

Het Bestuurscollege heeft de afgelopen maanden overleg gevoerd met diverse stakeholders over de verdere uitwerking van de verordening.

Op basis hiervan zijn de volgende voorwaarden voorgesteld:

• Vijf jaar onafgebroken ingezetenschap in de afgelopen tien jaar.
• Maatschappelijke band volgens de definitie van ‘eilandskinderen’.
• Maximale woningwaarde van 175% van de hypotheekgarantie. Momenteel is de hypotheekgarantie op Bonaire vastgesteld op 305.000 USD, wat betekent dat de verordening van toepassing is op woningen tot 533.750 USD. Voor woningen boven dit bedrag gelden geen beperkingen en blijft de vrije markt leidend.

Zorgen en aandachtspunten van de markt

Tijdens de consultaties zijn er enkele zorgen en aandachtspunten naar voren gekomen, zoals:

• Hoogte van het plafondbedrag: Stakeholders adviseren om het maximale bedrag te herzien en mogelijk te verlagen om beter aan te sluiten op de lokale markt.
• Verkoopperiode: Er is nog geen limiet vastgesteld voor hoelang een woning te koop moet staan binnen de verordening. Er wordt overwogen om hiervoor een maximale termijn vast te leggen.
• Toepassing op bestemmingsgebieden: Er is bezorgdheid of de verordening ook gaat gelden voor gemengde bestemmingsgebieden, waar bijvoorbeeld recreatief verblijf mogelijk is. Het is belangrijk te benadrukken dat de verordening zich primair richt op gebieden met een woonbestemming.

Wat betekent dit voor inwoners?

Indien deze verordening wordt aangenomen, krijgen mensen met een aantoonbare band met Bonaire voorrang bij de aankoop van een woning tot 533.750 USD. Dit betekent dat investeerders of nieuwe inwoners zonder langdurige binding met het eiland niet zomaar woningen in deze prijsklasse kunnen kopen. Dit draagt bij aan een eerlijkere verdeling van woonruimte en maakt het makkelijker voor lokale inwoners om een betaalbare woning te vinden.

Doe mee aan de consultatie!

De bevolking is eerder opgeroepen om input te leveren, maar tot nu toe zijn er weinig reacties binnengekomen. Gedeputeerde Anjelica Cicilia benadrukt dat er nog tijd en ruimte is voor inspraak, maar dat het belangrijk is om nu je stem te laten horen: “Heb je aandachtspunten of suggesties? Laat het ons weten, zodat deze nog meegenomen kunnen worden in de verdere uitwerking van de voorwaarden.” De planning is om in het tweede kwartaal van 2025 opnieuw terug te keren naar de Eilandsraad met een verdere uitwerking van de verordening.

📌 Bekijk de volledige startnotitie Huisvestingsverordening via www.KonsehoInsular.org.
 📩 Wil je jouw mening delen? Stuur een e-mail naar Kontami@Bonairegov.com met als onderwerp: ‘Reactie op startnotitie Huisvestingsverordening’. Reacties kunnen uiterlijk tot 30 april 2025 worden ingediend.

Jouw stem telt! Maak gebruik van deze kans om invloed uit te oefenen op de toekomst van de woningmarkt op Bonaire.