KONTRÒL INTENSIVO RIBA SUPERMARKET I MINIMARKET NA BONEIRU

Kralendijk –  Direktorado di Supervishon i Mantenshon di Lei, den kolaborashon ku Fundashon Tienda pa Konsumidó, a kuminsá ku kontròl intensivo riba supermarketnan i minimarketnan. E kontròlnan akí ta enfoká riba siguridat di kuminda i komparashon di preis di produkto den supermarketnan na Boneiru.

Kontròl di siguridat di kuminda i di preis

E kontròlnan ta forma parti di un plan di trabou di Direktorado di Supervishon i Mantenshon di Lei pa aña 2025 i nan ta ehekutá nan konforme e lei di siguridat di kuminda i e reglanan relashoná ku maneho di preis di sierto produktonan lokal. Durante e inspekshonnan nan no ta kontrolá solamente kalidat i siguridat di e produktonan alimentisio, pero nan ta ehekutá un registrashon amplio di preis tambe.

Asina ku a kompletá e registrashon di preis den tur tienda ku nan bishitá, Fundashon Tienda pa Konsumidó lo digitalisá e preisnan pa por hasi un análisis komparativo. Esaki ta duna konsumidónan un bista bon kla di na unda nan por hasi nan kompra mas barata.

Importansia di kontròl pa salubridat públiko

E kontròlnan akí ta di gran importansia pa protekshon di salubridat públiko i pa transparensia den stipulashon di preis. Pa medio di kompará e preisnan kolektá ku otro i hasi e resultadonan aksesibel, e konsumidonan ta haña un bista general klarito di e opshonnan mas bentahoso pa ora di skohe unda nan ta bai hasi kompra.

Banda di esaki nan ta kontrolá si e etikètnan riba e produktonan ta kumpli ku lei. Segun e Dekreto di etikashon di komestibel BES, un etikèt tin ku kontené informashon esensial, manera e fecha di vensementu. Lei ta prohibí benta di produkto di kua e fecha di vensementu a pasa kaba, pa motibu ku posibelmente esakinan no ta seif mas pa konsumí.

Puntonan di atenshon pa ora di hasi kompra

Direktorado di Supervishon i Mantenshon di Lei ta enfatisá importansia di hasi kompra na un manera konsiente i ta konsehá konsumidónan pa paga bon tinu riba etikèt di e produktonan promé ku nan kumpra esakinan. Paga entre otro tinu riba:   

• E fecha di vensementu;
• Si e empake ta intakto (bleki no mester ta machiká òf ku daño);
• Si e produkto no ta habrí òf kibrá.

Kontinuashon di e kontròlnan

E tim lo kontinuá semanalmente ku e kontròlnan den tur bario di Boneiru. Den forma sistemátiko e tim lo bishitá supermarketnan, minimarketnan i otro tiendanan ku ta bende komestibel, pa salbaguardiá kumplimentu ku regulashon. Di e manera akí Direktorado di Supervishon i Mantenshon di Lei i Fundashon Tienda pa Konsumidó ta uni forsa pa protehá bienestar di nos komunidat.

Mèldu iregurlaridat

Den kaso ku konsumidónan konstatá kosnan iregular den un supermarket òf un minimarket, nan por mèldu esaki na Direktorado di Supervishon i Mantenshon di Lei via email: bisami_th@bonairegov.com.

FUENTE: OLB/LIVE99FM

NEDERLANDS:

INTENSIEVE CONTROLES OP SUPERMARKTEN EN MINIMARKTEN OP BONAIRE

Kralendijk – De Directie Toezicht & Handhaving (DT&H), in samenwerking met de Fundashon Tienda pa Konsumidó, is gestart met intensieve controles op supermarkten en minimarkten. Deze controles richten zich op de voedselveiligheid en prijsvergelijking van producten binnen de supermarkten op Bonaire.

Controle op voedselveiligheid en prijzen

De controles maken deel uit van het werkplan van DT&H voor 2025 en worden uitgevoerd conform de voedselveiligheidswetgeving en de regelgeving omtrent prijsbeheer op bepaalde lokale producten. Tijdens de inspecties wordt niet alleen de kwaliteit en veiligheid van de voedingsmiddelen gecontroleerd, maar ook een uitgebreide prijsregistratie uitgevoerd.

Zodra de prijsregistratie in alle bezochte winkels is voltooid, zal Fundashon Tienda pa Konsumidó de prijzen digitaliseren om een vergelijkende analyse te kunnen maken. Dit biedt consumenten inzicht in waar zij hun boodschappen het voordeligst kunnen doen.

Belang van controles voor de volksgezondheid

Deze controles zijn van groot belang voor de bescherming van de volksgezondheid en voor transparantie in prijsstelling. Door de verzamelde prijzen met elkaar te vergelijken en de resultaten toegankelijk te maken, krijgen consumenten een duidelijk overzicht van de meest voordelige winkelopties.

Daarnaast wordt gecontroleerd of de etikettering van producten voldoet aan de wetgeving. Volgens het Besluit etikettering van levensmiddelen BES moeten etiketten essentiële informatie bevatten, zoals de houdbaarheidsdatum. De wetgeving verbiedt de verkoop van producten waarvan de houdbaarheidsdatum is verstreken, omdat deze mogelijk niet langer veilig zijn voor consumptie.

Aandachtspunten bij het doen van boodschappen

Directie Toezicht & Handhaving benadrukt het belang van bewust winkelen en adviseert consumenten om goed op de etiketten van producten te letten voordat ze deze kopen. Let onder andere op:

• De houdbaarheidsdatum;
• Of de verpakking intact is (geen deuken of beschadigingen bij blikjes);
• Of het product niet geopend of gebroken is.

Voortzetting van de controles

Het team zal de controles wekelijks voortzetten in alle wijken van Bonaire. Het team zal systematisch supermarkten, minimarkten en andere voedingsmiddelenwinkels bezoeken om de naleving van de regelgeving te waarborgen. Op deze manier bundelen DT&H en Fundashon Tienda pa Konsumidó hun krachten om het welzijn van de gemeenschap te beschermen.

Melden van onregelmatigheden

Indien consumenten onregelmatigheden constateren in een supermarkt of minimarkt, kunnen zij dit melden bij de Directie Toezicht & Handhaving via e-mail: bisami_th@bonairegov.com.