DIPUTADONAN DEN HEYER I CICILIA TA TOPA KANTANTENAN HÓBEN DI TUMBA.

Kralendijk – Djaluna tras di lomba e diputadonan Nina den Heyer i Anjelica Cicilia tabatin un enkuentro spesial ku e kantantenan hóben di tumba di Boneiru.

E hóbennan talentoso akí e aña akí a partisipá na Festival di Tumba Hubenil i loke nan a eksperensiá, nan a kompartí ku e diputadonan.

A papia tokante eksperensianan i puntonan di mehorashon
Durante e kòmbersashon e hóbennan a konta tokante tur kos ku nan a pasa ‘den rònt di e festival. Nan a papia tokante e ensayonan intensivo, nan aktuashon riba esenario i e ambiente tras di kòrtina. Banda di esaki nan a duna nan impreshon tokante e hurado, e entrega di premio i e presentashonnan despues di e festival. E hóbennan a bini ku sugerensianan balioso tambe pa den futuro sigui mehorá e festival.

Apresio pa dedikashon i talento  
Komo muestra di apresio pa nan dedikashon i kontribushon na nos kultura boneriano, e diputadonan a duna kada kantante hòben di tumba un regalito. Ku esaki nan kier a ekspresá nan gratitut pa e entusiasmo i kompromiso ku e hóbennan a demostrá.

Evaluashon pa temporada di karnaval 2025
Timoteo Silberie, hefe suplente di e departamentu di Kultura (SKAL), tambe tabata presente na e enkuentro. El a hasi anotashon di e kòmbersashon i lo inkluí esaki den e evaluashon kompleto di e temporada di karnaval 2025.

Gradisimentu na guianan i mayornan
Un danki spesial ta bai pa señor Melaan i tur mayor ku a sostené e kantantenan hóben di tumba. Nan dedikashon i enbolbimentu a kontribuí na un festival eksitoso i un eksperensia balioso pa e hóbennan.

FUENTE: OLB SKAL/LIVE99FM

NEDERLANDS:

GEDEPUTEERDEN DEN HEYER EN CICILIA ONTMOETEN JONGE TUMBAZANGERS

Kralendijk – Afgelopen maandag hebben gedeputeerden Nina den Heyer en Anjelica Cicilia een bijzondere ontmoeting gehad met de jonge tumbaspelers van Bonaire. Deze talentvolle jongeren namen dit jaar deel aan het Festival di Tumba Húbenil en deelden hun ervaringen met de gedeputeerden.

Ervaringen en verbeterpunten gedeeld
Tijdens het gesprek vertelden de jongeren over hun belevenissen rond het festival. Ze spraken over de intensieve trainingen, hun optredens op het podium en de sfeer achter de schermen. Daarnaast gaven ze hun indrukken over de jury, de prijsuitreiking en de presentaties na afloop van het festival. De jongeren hebben ook waardevolle suggesties aangedragen om het festival in de toekomst verder te verbeteren.

Waardering voor inzet en talent
Als blijk van waardering voor hun inzet en bijdrage aan de Bonairiaanse cultuur, overhandigden de gedeputeerden een klein presentje aan elke jonge tumbaspeler. Hiermee wilden zij hun dank uitspreken voor het enthousiasme en de toewijding van de jongeren.

Evaluatie voor carnavalsseizoen 2025
Ook Timoteo Silberie, waarnemend hoofd van het departement Cultuur (SKAL), was aanwezig bij de bijeenkomst. Hij maakte aantekeningen van het gesprek en zal deze meenemen in de volledige evaluatie van het carnavalsseizoen 2025.

Dank aan begeleiders en ouders
Een speciale dank gaat uit naar de heer Melaan en alle ouders die de jonge tumbaspelers hebben ondersteund. Hun inzet en betrokkenheid hebben bijgedragen aan een geslaagd festival en een waardevolle ervaring voor de jongeren.