Redakshon
Kralendijk – For di 17 te ku 27 di mart Bibioteka Públiko Boneiru ta organisá un seri di aktividat inspirativo i edukativo na okashon di e simannan di apertura.
E simannan akí ta den signo di konekshon, desaroyo i plaser pa grandi i chikí. For di seshonnan di ‘netwerk’ te eventonan kultural, pa tur hende tin algu na nan gustu! Partisipashon ta kompletamente grátis, pero registrashon ta obligatorio. Tira un bista den e programa akí bou:
17 te ku 20 di mart: Wes’i Lomba
Den e seshonnan inspirativo akí nan ta papia tokante temanan aktual manera arte, kultura, edukashon, bienestar i hubentut. Un oportunidat úniko pa partnernan di kadena i hóbennan deskubrí kon biblioteka ta kontribuí na desaroyo personal i profeshonal.
21 di mart: Apertura ofisial
Apertura ofisial di nos biblioteka nobo ta tuma lugá dia 21 di mart. Ku un enkuentro festivo nos ta selebrá lansamentu di nos espasio renobá i nos oferta. Riba e dia akí biblioteka ta será. Dia 22 di mart nos ta reanudá nos servisio.
22 di mart: Kids Book Festival
Un tra’i merdia yen di wega, storia, obra di man i hopi mas pa nos bishitantenan hóben! E Kidsfestival ta un manera plasentero pa enbolbí nos muchanan ku biblioteka i laga nan sera konosí ku buki i kreatividat.
25 di mart: Sabí ku Sèn
Un ‘in-house talk’ fasinante ku ta bai mas profundo den finansa personal. Durante e seshon akí na un manera nobo bo ta siña mira sèn i planifikashon finansiero i bo ta haña tep balioso pa mehorá bo situashon finansiero. Esaki nos ta organisá den kolaborashon ku ‘Pichiri’.
26 di mart: Snèk di Idioma
Den kolaborashon ku Stichting Bonaire Connect, biblioteka ta ofresé un ambiente informal pa praktiká hulandes-papiamentu i papiamentu-hulandes. E proyekto di Taalmaatjes ta ofresé un sitio fiho pa desaroyo di idioma i konekshon kultural.
27 di mart: Snèk di Eskritor
Un sitio di enkuentro inspirativo pa eskritor i amante di idioma. Sea ku bo ta un eskritor eksperensiá òf bo a kaba di kuminsá, e Snèk di Eskritor ta ofresé espasio pa kompartí idea, risibí fitbèk i sigui desaroyá bo abilidat di skirbi.
Sigui biblioteka riba medionan sosial
Keda na altura di tur aktividat i evento pa medio di sigui Biblioteka Públiko Boneiru via e kanalnan konosí di medionan sosial.
Si tòg bo tin pregunta ainda òf bo tin mester di yudansa ku registrashon?
E ora ei tuma kontakto ku Nirvelli Gijsberta riba +599 770 6302 i/òf eventsbibliotekapubliko@bonairegov.com. Nos ta ansioso pa yama bo bon biní durante e simannan di apertura festivo i inspirativo akí!
FUENTE: BIBIOTEKA PÚBLIKO BONEIRU/LIVE99FM
NEDERLANDS:
ACTIVITEITEN BIBLIOTHEEK TIJDENS OPENINGSWEKEN (17 MAART – 27 MAART)
Kralendijk –Van 17 tot en met 27 maart organiseert de Openbare Bibliotheek Bonaire een reeks inspirerende en leerzame activiteiten ter gelegenheid van de openingsweken.
Deze weken staan in het teken van verbinding, ontwikkeling en plezier voor jong en oud. Van netwerksessies tot culturele evenementen, er is voor ieder wat wils! Deelname is volledig gratis, maar aanmelden is verplicht. Bekijk het programma hieronder:
17 t/m 20 maart: Wes’i Lomba
In deze inspirerende sessies worden actuele thema’s zoals kunst, cultuur, educatie, welzijn en jongeren besproken. Een unieke gelegenheid voor ketenpartners en jongeren om te ontdekken hoe de bibliotheek bijdraagt aan persoonlijke en professionele ontwikkeling.
21 maart: Officiële Opening
De officiële opening van de nieuwe bibliotheek vindt plaats op 21 maart. We vieren de lancering van de vernieuwde ruimte en het aanbod met een feestelijke bijeenkomst. Op deze dag is de bibliotheek gesloten. De dienstverlening wordt op 22 maart hervat.
22 maart: Kids Book Festival
Een middag vol spel, verhalen, knutselen en nog veel meer voor de jonge bezoekers! Het Kidsfestival is een leuke manier om kinderen te betrekken bij de bibliotheek en hen te laten kennismaken met boeken en creativiteit.
25 maart: Sabi ku Sen
Een boeiende in-house talk die dieper ingaat op persoonlijke financiën. Tijdens deze sessie leer je op een nieuwe manier naar geld en financiële planning te kijken en krijg je waardevolle tips om je financiële situatie te verbeteren. Georganiseerd in samenwerking met ‘Pichiri’.
26 maart: Snèk di Idioma
In samenwerking met Stichting Bonaire Connect biedt de bibliotheek een informele setting om Nederlands-Papiaments en Nederlands-Spaans te oefenen. Het Taalmaatjes-project biedt een vaste plek voor taalontwikkeling en culturele verbinding.
27 maart: Schrijverscafé
Een inspirerende ontmoetingsplek voor schrijvers en taalliefhebbers. Of je nu een ervaren schrijver bent of net begint, het Schrijverscafé biedt ruimte om ideeën te delen, feedback te ontvangen en je schrijfvaardigheid verder te ontwikkelen.
Volg de bibliotheek op sociale media
Blijf op de hoogte van alle activiteiten en evenementen door ‘Biblioteka Públiko Boneiru’ te volgen via de bekende socialmediakanalen. Heb je toch nog vragen of hulp nodig bij het aanmelden?
Neem dan contact op met Nirvelli Gijsberta via +599 770 6302 en/of eventsbibliotekapubliko@bonairegov.com. We kijken ernaar uit om je te verwelkomen tijdens deze feestelijke en inspirerende openingsweken!
GIPHY App Key not set. Please check settings