THE DREAMERS SOFTBALL TEAM RUMBO PA KÒRSOU.

Kralendijk,- The Dreamers Softball Team, tim di mucha muhé, ta rumbo pa Kòrsou.
Pa promé biaha den historia un tim di Mucha muhé, ta bai representá Boneiru den eksterior.

E weganan ta fin di siman awor, di dieskuater pa diesseis di mart 2025. The Dreamers Softball Team ta sali pa Kòrsou pa partisipá den un torneo organisá pa Curaçao Little League Softball. The Dreamers ta bai Kòrsou ku 1 tim di Minor League i 2 tim di Little League. 

E siman aki, pa ta eksakto djamars atardi, e tim menshoná, a presentá nan unifòrm nobo.

 E enkuentro tabata na Parke Lalan Baldomero Leandro Clarinda, den presensia di mayornan prensa i e spònsernan di e unifòrm nobo, Pat i Mary di PM Dowell Contracting.

E bunita unifòrm aki nan ta bai kompetí kuné na Kòrsou, fin di siman awor.  

The Dreamers Softball Team ta gradisí inmensamente Pat i Mary di PM Dowell Contracting, esnan ku a pèrkurá, pa unifòrm nobo pa tres tim. Awor nan ta bai representá Boneiru aya na Kòrsou bunita uniformá.

FUENTE: FITTIPALDI PIETERSZ/LIVE99FM