in ,

E SIMAN AKI KUATER EKIPO DI BEISBÒL PA MUCHA A RISIBÍ UN GESTO PA E DEPORTE.

????????????????????????????????????

Kralendijk,- E momentu tabata na Parke La Lan Clarenda, kaminda a entrega premio i Chèk di Parti di Gobièrnu- Indebon i Fundashon Wega di Number Boneiru (FWNB).


Na e okashon tabata presente Clinton Kirindongo kende ta vise presidente/sekretario di FBSB, Timoteo Silberie pa departamentu di Edukashon i Bienestar di OLB, Annemarie Mercera di FWNB i hefe di INDEBON Terrence de  Jongh.

A menshoná na e okashon, awe ta duna e muchanan un gesto pa nan sigui ku nan deporte ku ánimo. E aña aki nan ta haña poko mas ku aña pasá.


Beisbòl a krese na Boneiru esei ta un bon señal. Tur deporte ta rekerí sèn. Aña pasá e montante tabata 1000 dòler, e aña aki ta 2500 dòler pa kada organisashon. Terrence a sigui bisa: “No solamente pa beisbòl, pero federashon di futbòl tambe ta bai haña un gesto. Nan ta organisá weganan ku e muchanan, entre otro Kompa Lito, nan por spera algu di nos.


Sigui traha ku e muchanan, kualke kos ku nos di INDEBON por yuda, laga sa pa pone e kosnan kana bon.” Despues a sigui ku e entrega di chèknan.

FUENTE: FITTIPALDI PIETERSZ/LIVE99FM

What do you think?

Written by Redakshon

Leave a Reply

Your email address will not be published. Required fields are marked *

GIPHY App Key not set. Please check settings

INDEBON I FWNB TA REGALÁ KLUP DI BEISBÒL 2.500 DÒLER PA YAMA DANKI PA NAN TRABOU

KÒRSOU: MADURO & CURIEL’S BANK TA ANUNSIÁ KAMBIO DEN SU HUNTA DI MANEHO