A DETENÉ UN HÒMBER DI INISIAL T.V.B. DI 18 AÑA DI EDAT PA MANEHÁ BOU DI INFLUENSIA DI ALKOHÒL.

Detenshonnan pa manehá bou di influensia

Djárason 22 di yanüari, alrededor di 1.40 or di mardugá, a detené un hòmber di inisial T.V.B. di 18 aña di edat riba Kaya Italia pa manehá bou di influensia di alkohòl. E detenshon a tuma lugá despues ku un patruya a para un skuter ku dos persona riba dje pa un kòntròl rutinario. E shofùr por a mustra un reibeweis bálido pero no un prueba di seguro bálido.

Pa esaki el a haña un but. Durante di e kòntròl, por a konstatá ku e tabata mustra diferente karakterístika di un persona ku ta bou di influensia di alkohòl. A hasi un tèst di supla kuné i a resultá ku el a konsumí mas alkohòl ku ta permití. A detené e sospechoso i a hib’é warda di polis pa un análisis di rosea. A konsekuensia di e resultado di esaki el a haña un prohibishon di manehá di 2 ora.

Djadumingu 19 di yanüari, alrededor di 1.20 di mardugá, un aksidente entre un outo i un pikòp a tuma lugá riba Kaya Grandi. Konforme e maneho di ‘botsen is blazen’, a hasi un tèst di supla ku ámbos shofùr enbolbí, i a resultá ku un di e shofùrnan a konsumí mas alkohòl ku ta permití. A detené un hòmber di inisial F.A.M. di 60 aña di edat pa manehá bou di influensia di alkohòl. A konsekuensia di esaki a konfiská su reibeweis.

Djaweps 16 di yanüari, alrededor di 6.35 di anochi, ‘meldkamer’ sentral a risibí notifikashon tokante un aksidente entre dos vehíkulo riba E.E.G Bulevar. Na yegada, e agentenan a topa ku un outo i un pikòp ku tabata enbolbí den e aksidente. Shofùr di e outo a kore baha for di kaminda i dal kontra un pikòp i pa despues bai bòltu.

E outo a resultá riba bich. E shofùr tabata mustra diferente karakterístika di un persona bou di influensia di alkohòl. Konforme e maneho di ‘botsen is blazen’, a hasi un tèst di supla ku e shofùr. A resultá ku el a konsumí mas alkohòl ku ta permití. A detené e dama di inisial M.A.H. di 36 aña di edat pa manehá bou di influensia di alkohòl. Dor ku e tabata heridá, a hibé hòspital promé pa tratamentu médiko. Despues di esaki a hib’é warda di polis pa un análisis di rosea. A konsekuensia di e resultado di esaki, a konfiská su reibeweis.

Detenshon pa intento di asesinato
Djaluna 20 di yanüari, alrededor di 7.45 di anochi, a detené un hòmber di inisial K.P.T. di 22 aña di edat riba Bulevar Gobernador Nicolaas Debrot pa intento di asesinato i maltrato severo. E detenshon a tuma lugá despues ku a drenta notifikashon tokante un vehíkulo ku a dal dos persona. Despues e shofùr a hui na pia for di e sitio. Na yegada, polis a tuma nota di un vehíkulo ku a dal kontra un kurá di kas. E víktimanan, kende tabata hopi spantá, tabata skondí den kurá di un kas. Personal di ambulans a trata e víktimanan na e sitio mes. Nan no mester a bai hòspital. Un ratu despues, un hòmber deskonosí a presentá na e sitio i a deklará ku e ta shofùr di e vehíkulo enbolbí den e aksidente. Mesora a detené. E kaso ta bou di investigashon.

Persona ku a bai snòrkel a fayesé
Djaluna 20 di yanüari, alrededor di 12.25 di mèrdia, ‘meldkamer’ sentral a risibí notifikashon ku a topa ku un persona deskonosí ta drif den laman. Personanan riba un boto di sambuyá a saka e víktima femenino for di laman i a hib’é kantu. E personanan ku tabata riba e boto a kuminsá ku reanimashon di e víktima te ora ku ambulans i polis a yega na e sitio. Na yegada, personal di ambulans a tuma e reanimashon ofer, pero sin resultado. Dòkter ku a presentá na e sitio a konstatá morto di e dama di inisial E.K. di 69 aña di edat, nasé riba 16 di ougùstùs 1955 na Alemania.

Aksidente entre outo i motosaikel
Djadumingu 19 di yanüari, alrededor di 2.20 di atardi, un aksidente entre un outo i un bròmer a tuma lugá na e krusada di Hanchi Amboina i Kaya Nikiboko Nort. Na yegada di polis, ya e víktima tabata den ambulans i un ratu despues a transport’é pa hòspital pa tratamentu médiko. Shofùr di e outo a deklará ku el a subi kaminda i no a mira e bròmer aserkando. Pa motibu ku tabatin zeta riba superfisie di kaminda, a pidi brantwer pa plama santu riba e zeta.

A lòs tiru
Den oranan di atardi i anochi di djadumingu 19 di yanüari, ‘meldkamer’ sentral a risibí vários notifikashon tokante fivermentu i habitantenan ku a skucha tiru den bario Nort Saliña i den besindario di e santana riba Kaya Maria C. Hellmund-Boom. Banda di esaki a drenta tambe notifikashon tokante un kandela den santana. Brantwer a presentá na e sitio i a paga e kandela.

Den oranan di anochi di djaluna 21 di yanüari a bolbe drenta notifikashon ku a skucha tirunan den e bario di Nort Saliña.

KPCN ta pidi tur persona ku a mira òf tende algu, òf tin informashon relevante pa e investigashon, pa tuma kontakto ku polis na 715-8000 òf via e liña di tep anónimo 9310.

Ladronisia di pikòp i kiebro den kas
Den oranan di mainta di djasabra 18 di yanüari, ‘meldkamer’ sentral a risibí notifikashon ku a kaba hòrta un vehíkulo for di den kurá di un kas situá na Kaya Mandolin. E doño, kende e momentu ei tabata den eksterior, a mira riba e imágennan di kámara kon dos hòmber deskonosí a kana drenta den su kurá i despues a bai ku su pikòp blanku di marka Nissan, modèl Navara. E sospechosonan a bai tambe ku hèmber di fèrf di dak den baki di e pikòp. Na yegada na e kas, e agentenan a konstatá ku un kiebro tambe a tuma lugá. E sospechosonan a listra e kas kompletamente. A rekonosé ámbos sospechoso riba e imágennan di e kámara.

Riba e mesun dia a detené ámbos hòmber pa ladronisia i kiebro den kas. Alrededor di 1.30 or di atardi a detené e promé sospechoso, un hòmber di inisial E.J.G.A.C. di 47 aña di edat na Kaya Macario (Cai) Sint Jago. A detené e di dos sospechoso, un hòmber di inisial J.J.M. di 36 aña di edat na un snèk situá na Kaya Avelino J. (Abechi) Cecilia. E pikòp hòrtá tabata stashoná na e snèk i a konfiská esaki. Investigashon den e kaso ta andando.

Aksidente Kaya Korona

Djabièrnè 17 di yanüari, alrededor di 1.45 or di mardugá, un aksidente a tuma lugá riba Kaya Korona. E shofùr di outo a resultá heridá i a keda pegá den e vehíkulo. Brantwer a bin na e sitio pa saka e víktima for di e outo, despues di kua ambulans a transport’é pa hòspital pa tratamentu médiko. E pasahero ku tabata den e outo a deklará ku nan tabata kore den direkshon nort riba Kaya Korona na momentu ku nan a mira un pikòp ta bini for di direkshon kontrali, riba nan banda di kaminda. E shofùr a purba desviá i a pèrdè kòntròl dor di kua el a pasa dor di matanan, subi un sitio di stashoná outo i a bai dal den un un kurá. E outo tabatin bastante daño material na e parti dilanti. Den e outo e agentenan a bin topa ku bebida alkohóliko i tantu e shofùr komo e pasahero tabata mustra karakterístika di uzo di alkohòl. Pa motibu ku mester a transportá e shofùr pa hòspital, no por a hasi un tèst di supla kuné.

Kiebro den kas

Djaweps 16 di yanüari a drenta keho tokante kiebro den un kas situá na Kaya Playa Lechi. Entre djárason 15 di yanüari, alrededor di 6 or di atardi i djaweps 16 di yanüari, alrededor di 8 or di mainta, deskonosínan a kibra porta di patras di e kas i a bai bai ku un televishon for di den e sala. Ta investigando e kaso.

Detenshon pa maltrato di bestia

Djaweps 16 di yanüari, alrededor di 2.25 or di atardi, a detené un hòmber di inisial R.S.D. di 70 aña di edat na Kaya Karkó pa maltrato di bestia. Mas trempan riba e dia, a drenta notifikashon tokante dos persona ku tabatin diskushon tokante un kachó na un kas situá na e adrès menshoná. Durante di e diskushon, e sospechoso a spùit un líkido venenoso riba e kachó i a dal e kachó. Ora ku polis a yega na e sitio, nan a topa ku un kachó seriamente heridá ku un herida habrí na su kabes. E kachó tabata bibu pero den peliger serio di morto. Mas aleu por a konstatá ku e bestia tabata yen di karpata i tabata ekstremadamente flaku dor di kua por a wak su repchi i hepnan klaramente. Polis a hiba e kachó klínika di bestia pa tratamentu. Apesar di e esfuerso di e dòkter di bestia, e kachó a fayesé a konsekuensia di su heridanan. A investigá e kaso i manda e dosié pa Ministerio Públiko.

‘Hit & Run’

Djárason 15 di yanüari, alrededor di 11 or di anochi, a drenta un notifikashon tokante un ‘Hit & Run’ den ‘Centrumgebied’. Un outo pretu a dal ku velosidat haltu tras di un otro outo. Komo ku ta trata di un kaminda di un direkshon (éénrichtingsweg), e outo pretu a pusha e outo ku el a dal aden pa asina por a bandoná e sitio di e aksidente. Pasahero di e vehíkulo ku e outo pretu a dal den dje, a resultá heridá i personal di ambulans a trat’é na e sitio mes. Despues di investigashon mas aleu, a topa ku e outo ku a kousa e aksidente na un kas situá na Kaya Korona. E shofùr a deklará ku e no a para komo ku e tabata den shòk i dor di spantu el a sigui kore bai kas. Investigashon den e kaso ta andando.

Ladronisia na bich

Djárason 15 di yanüari a drenta keho di ladronisia na ‘Te Amo Beach’ situá na Kaya Internashonal. Entre 3.10 i 3.40 or di atardi, deskonosínan a bai ku un tas koló blanku ku kosnan di balor komo kontenido, miéntras e doñonan tabata snòrkel. Den e tas tabatin entre otro brelnan di solo di marka Oakley i Serengety, sèrbètè, paña, un ‘powerbank’, un GoPro Hero 5 i yabinan di outo. Ta investigando e kaso.

Djárason 15 di yanüari a drenta keho di ladronisia na Playa Pal’i Mangel (Donkey’s Beach) situá na E.E.G Bulevar. Alrededor 1.30 or di atardi, deskonosínan a bai ku un tas ku kontenido koló hel, bèrdè i ros di marka Rituals, miéntras e doñonan tabata landa. Den e tas tabatin entre otro yabi di outo i sèrbètè. Ta investigando e kaso.

Bo a mira algu sospechoso? Yama 717 8000 òf e liña di tep anónimo 9310.

FUENTE: KPCN/LIVE99FM

NEDERLANDS:

POLITIEBERICHTEN VAN WOENSDAG 15 JANUARI TOT EN MET WOENSDAG 22 JANUARI 2024.

Aanhoudingen rijden onder invloed

Op woensdag 22 januari, rond 01:40, werd een 18-jarige man met initialen T.V.B. aangehouden op de Kaya Italia voor het rijden onder invloed van alcohol. De aanhouding vond plaats nadat een patrouille een scooter met twee personen erop had aangehouden voor een routinecontrole. De bestuurder kon een geldig rijbewijs overhandigen maar geen verzekeringsbewijs. Hiervoor werd hij bekeurd. Tijdens de controle kon waargenomen worden dat hij verschillende kenmerken vertoonde van iemand die onder invloed van alcohol is. Er werd een blaastest bij hem afgenomen waaruit bleek dat hij meer dan de toegestane hoeveelheid alcohol had genuttigd. De verdachte werd aangehouden en naar het politiebureau gebracht voor een ademanalyse. Naar aanleiding van het resultaat hiervan kreeg hij een rijverbod van 2 uur.

Op zondag 19 januari, rond 01:20 uur, vond een aanrijding tussen een auto en een pick-up op de Kaya Grandi plaats. Bij beide betrokken bestuurders werd volgens het ‘botsen is blazen’ beleid, een blaastest afgenomen waaruit bleek dat één van de bestuurders meer dan de toegestane hoeveelheid alcohol had genuttigd. De 60-jarige man met initialen F.A.M. werd aangehouden voor het rijden onder invloed van alcohol. Naar aanleiding van het resultaat hiervan werd zijn rijbewijs ingevorderd.

Op donderdag 16 januari, rond 18:35 uur, kreeg de centrale meldkamer melding over een aanrijding tussen twee voertuigen op de E.E.G. Boulevard. Bij aankomst troffen de agenten een auto en een pick-up aan die bij de aanrijding betrokken waren. De bestuurder van de auto reed van de weg af, botste tegen de pick-up en  sloeg vervolgens over de kop. De auto kwam tot stilstand op het strand. De bestuurster vertoonde verschillende kenmerken van iemand die onder invloed van alcohol is. Volgens het ‘botsen is blazen’ beleid is er een blaastest afgenomen. Hieruit bleek dat ze meer dan de toegestane hoeveelheid alcohol had genuttigd. Een 36-jarige vrouw met initialen M.A.H. is aangehouden voor rijden onder invloed van alcohol. Omdat ze gewond was, is ze eerst naar het ziekenhuis gebracht voor medische behandeling. Hierna werd ze naar het politiebureau gebracht voor een ademanalyse. Naar aanleiding van het resultaat hiervan werd zijn rijbewijs ingevorderd.

Aanhouding poging doodslag

Op maandag 20 januari, rond 19:45 uur, werd een 22-jarige man met initialen K.P.T. aan de Bulevar Gobernador Nicolaas Debrot aangehouden voor poging tot doodslag en zware mishandeling. De aanhouding vond plaats nadat een melding binnenkwam over een voertuig dat twee personen had aangereden. De bestuurder was vervolgens te voet gevlucht. Bij aankomst trof de politie het voertuig tegen een omheining van een woning aan. De slachtoffers, die heel erg geschrokken waren, waren in de tuin van een woning aan het schuilen. De ambulance was ter plaatse gekomen en had hulp aangeboden aan de slachtoffers. Beide hoefden niet mee naar het ziekenhuis. Kort hierna kwam een onbekende man ter plaatse en verklaarde dat hij de bestuurder is van het voertuig die bij de aanrijding betrokken was. Hij werd direct aangehouden. De zaak wordt onderzocht.

Snorkelaar overleden

Op maandag 20 januari, rond 12:25 uur, kreeg de centrale meldkamer melding over een onbekend persoon die drijvend in de zee werd aangetroffen. Personen die op een duikboot waren hebben de vrouwelijke slachtoffer uit de zee gehaald en haar naar de kust gebracht. De personen die op de boot waren begonnen te helpen met het reanimeren van het slachtoffer totdat de ambulance en de politie ter plaatse waren. Bij aankomst nam de ambulancepersoneel de reanimatie over, maar het mocht niet baten. De schouwarts die ter plaatse kwam, constateerde de dood van de 69-jarige vrouw met initialen E.K. geboren op 16 augustus 1955 in Duitsland.

Aanrijding tussen auto en motorfiets

Op zondag 19 januari, rond 14:20 uur, vond een aanrijding tussen een auto en een motorfiets op de kruising van Hanchi Amboina en de Kaya Nikiboko Noord, plaats. Bij aankomst van de politie was het slachtoffer al in de ambulance en werd kort daarna naar het ziekenhuis gebracht voor medische behandeling. De bestuurder van de auto verklaarde dat zij de weg opreed en zag de motorfiets niet aankomen. Doordat er olie op het wegdek terecht was gekomen als gevolg van de aanrijding heeft de brandweer zand erop gestrooid.

Schoten afgelost

In de middag en avond van zondag 19 januari kwamen er meerdere meldingen binnen bij de centrale meldkamer over feveren en schoten die waren gehoord in de buurt van Nort Saliña en bij de begraafplaats aan de Kaya Maria C. Hellmund-Boom. Daarnaast kwam ook een melding binnen over een brand binnen de begraafplaats. De brandweer bluste de brand.

In de avonduren op maandag 21 januari kwamen er weer meldingen binnen over schoten die waren gehoord in de buurt van Nort Saliña.

Het KPCN verzoekt een ieder die iets gezien of gehoord heeft, of relevante informatie heeft voor het onderzoek, om contact op te nemen met de politie via 715-8000 of via de anonieme tip lijn 9310.

Diefstal pick-up en woninginbraak 

In de ochtenduren op zaterdag 18 januari, kreeg de centrale meldkamer melding over een voertuig die net was gestolen vanaf het erf van een woning aan de Kaya Mandolin. De eigenaar, die zich op dat moment in het buitenland bevond, zag op de camerabeelden hoe twee onbekende mannen zijn erf op liepen en vervolgens zijn witte pick-up van het merk Nissan model Navara mee namen. In de achterbak van de pick-up namen de verdachten ook emmers met dak verf mee. Bij aankomst bij de woning, constateerde de politie dat er ook was ingebroken. De woning was helemaal doorzocht door de verdachten. Beide verdachten werden herkend op de camerabeelden.

Op dezelfde dag zijn beide mannen aangehouden voor diefstal en woninginbraak. De eerste verdachte, een 47-jarige man met de initialen E.J.G.A.C., werd rond 13:30 uur aangehouden aan de Kaya Macario (Cai) Sint Jago. De tweede verdachte, een 36-jarige man met de initialen J.J.M., werd rond 20:10 uur aangehouden bij een snackbar aan de Kaya Avelino J. (Abechi) Cecilia. De gestolen pick-up stond geparkeerd bij de snackbar en werd in beslag genomen. Onderzoek in de zaak loopt.

Aanrijding Kaya Korona

Op vrijdag 17 januari, rond 01:45 uur, vond er een aanrijding plaats op de Kaya Korona. De bestuurder van de auto raakte daarbij gewond en zat bekneld in het voertuig. De brandweer moest ter plaatse komen om het slachtoffer te bevrijden, waarna hij met ambulance naar het ziekenhuis werd gebracht voor medische behandeling. De passagier verklaarde dat ze in de noordelijke richting op de Kaya Korona reden toen ze een pick-up op hun weghelft zagen aan komen rijden. De bestuurder probeerde te ontwijken, verloor de macht over het stuur  waardoor hij een parkeerterrein door planten heen op reed en vervolgens tegen een muur botste. De auto had behoorlijk materiele schade aan de voorzijde. In de auto troffen agenten alcoholische dranken aan en zowel de bestuurder als de passagier vertoonden kenmerken van alcoholgebruik. Omdat de bestuurder direct naar het ziekenhuis vervoerd moest worden, kon er geen blaastest worden afgenomen.

Woning inbraak

Op donderdag 16 januari werd aangifte gedaan van inbraak in een woning aan de Kaya Playa Lechi. Tussen woensdag 15 januari, rond 18:00 uur en donderdag 16 januari, rond 08:00 uur, hebben onbekenden de achterdeur van de woning vernield en een televisie uit de woonkamer weggenomen. De zaak wordt onderzocht.

Aanhouding voor dierenmishandeling

Op donderdag 16 januari, rond 14:25 uur, werd een 70-jarige man met initialen R.S.D. aan de Kaya Karko aangehouden voor dierenmishandeling. Eerder die dag was er een melding binnengekomen over een ruzie tussen twee personen over een hond bij een woning aan de genoemde straat. Tijdens de ruzie had de verdachte een giftige vloeistof op de hond gespoten en het dier geslagen. Toen de politie ter plaatse kwam, troffen ze een ernstig gewonde hond aan met een open hoofdwond, beschadigde vacht en huid. De hond was nog levend maar in ernstig levensgevaar. Verder kon waargenomen worden dat het dier vol zat met teken, extreem mager was waardoor zijn ribben en heupen duidelijk te zien waren. De hond werd door de politie overgebracht naar een dierenpraktijk voor behandeling. Ondanks de inspanningen van de dierenarts, is de hond aan zijn verwondingen overleden. De zaak is onderzocht en het dossier is ingestuurd naar het Openbaar Ministerie.

Hit and Run

Op woensdag 15 januari, rond 23:00 uur, kwam een melding binnen van een ‘Hit and Run’ in het centrumgebied. Een zwarte auto zou met hoge snelheid achterop een andere auto zijn gebotst. Aangezien het om een eenrichtingsweg ging, werd het aangereden voertuig voortgeduwd zodat de zwarte auto de plaats van de aanrijding kon verlaten. De passagier van het aangereden voertuig raakte gewond en werd ter plaatse door de ambulancepersoneel behandeld. Bij nader onderzoek werd de auto die de aanrijding zou hebben veroorzaakt aangetroffen bij een woning aan de Kaya Korona. De bestuurder verklaarde dat hij niet was gestopt omdat hij in shock was en uit angst doorreed naar huis. Onderzoek in de zaak loopt..

Diefstal bij strand

Op woensdag 15 januari werd aangifte gedaan van diefstal bij ‘Te Amo Beach’ gelegen aan de Kaya Internashonal. Tussen 15:10 uur en 15:40 uur, hebben onbekenden een witte tas met waardevolle spullen meegenomen terwijl de eigenaars aan het snorkelen waren. In de tas zaten onder andere een zonnebrillen van het merk Oakley en Serengety, baddoeken, kleren, een powerbank, een GO PRO HERO 5 en autosleutels. De zaak wordt onderzocht.

Op woensdag 15 januari werd aangifte gedaan van diefstal bij Playa Pal’i Mangel (Donkey’s Beach) gelegen aan de E.E.G. Boulevard. Rond 13:30 uur werd een geel, groen met roze gekleurde tas van het merk Rituals met inhoud door onbekenden meegenomen terwijl de eigenaren aan het zwemmen waren. In de tas zaten onder andere een autosleutel en baddoeken. De zaak wordt onderzocht.

Heeft u iets verdachts gezien? Bel 911 of 717 8000 of de anonieme tip lijn 9310.