Kralendijk,- Nos no mester ta surdu ni siegu pa skucha i mira ku ta reina malkontentu.
Konsehal Coffie no ta kontentu pero esaki no ta nifiká ku ta bai saka stèker pa motibu ku un koalishon nobo lo no por resolvé den binti luna promé ku elekshon a 2027 e krísis riba e siguiente terenonan ku ta karetera, bibienda sosial pagabel, pobresa, siguridat sosial, salubridat, kuido, Selibon, Selibon
Lagun, kuido i restorashon di monumento, supervishon, pashèntnan di lomba, piskadónan, medionan di komunkashon i medionan sosial, servisio na komunidat, funshonamentu di Konseho Insular, direktoradonan, kompanianan di gobièrnu, transporte públiko, pagonan atrasá, turismo, lei di tráfiko, kùrmentu di vehíkulonan, maneho di preis, aksesibilidat pa personanan ku un òf mas desabilidat.
E problemanan grandi i insiguridat bou di pueblo ta hasi un apelashon riba kalidat i konosementu di tantu Kolegio Ehekutivo komo Konseho Insular i e aparato atministrativo. Ta trata di sentido di responsabilidat, di konosementu profundo di struktura estatal i di sentido di integridat.
Ku retiru di ámtenarnan hopi ekspertisio a bai pèrdí i pa yena e bashí ta buska, konsùltent, eksperto di afó i uso di OVO, ku e konsekuensia ku e konosementu grandi di trahadó ta bentá un banda. Por ripará un defisiensia den maneho personal di Kolegio Ehekutivo.
E defisensia aki tin konsekuensia pa kalidat i funshonamentu di e aparato gubernamental. Ta lógiko ku mester bini un kambio den aserkamentu i embolbimentu di pueblo den seno di Kolegio Ehekutivo i di e aparato atministrativo.
No ta un konsehal ta malkontentu pero ta hopi hende i grupo ta ekspresá nan malkontentu.
FUENTE: ARTHUR SEALY/LIVE99FM
\

GIPHY App Key not set. Please check settings